ماذا يحصل للنجوم الكبيرة إذا انتهت طاقتها وسحقتها الجاذبية؟| النيرد العربي
بالعام 1967
طالبة الدكتوراه جوسلين بيل
كانت تحلل البيانات من تلسكوب جديد
مبني في بريطانيا
وشافت إشارات تعيد نفسها بفترات منتظمة
بذاك الوقت مكان أكو أي جرم سماوي
عنده هيك خاصية فقالت هاي يمكن الإشارات
جاية من حضارة فضائية ولكن بعد التدقيق
والمقارنة ويا المراصد ثانية تبين إنه هذه الإشارة
جاية من نوع جديد من النجوم حاليا معروف
بالنجوم النابضة
وياكم علي السالمي وهذه حلقة جديدة
من النرد العربي أريدكم تركزون وياي
تشتركون بالقناة وتفعلون زر الجرس
وتتابعون وياي قصة النجوم النابضة
النجوم النابضة هي نجوم نيوترونية عبارة عن جثث
لنجوم كبيرة جداخلصت طاقتها وسحقتها الجاذبية
بشكل عنيف النجوم مثل شمسنا هي أجرام سماوية
أنا أسميها عصامية
لأن تبني نفسها بنفسها وتصنع طاقتها الخاصة
النجوم تبدأ حياة داخل الغيوم النجمية أو السدم
اللي هي عبارة عن غبار وغازات مثل الهيدروجين
اللي ناتج من موت النجوم الأقدم واللي راح
نعرف بعدين شلون تموت
بفعل الجاذبية يبدأ هذا الغبار النجمي يتجمع
ويتكتل ويكبر شوية شوية
وعلى مر ملايين السنين يصير كبير كلش
وبه ضغط كلش عالي بحيث تبدأ عندنا
عملية يسموها الاندماج النووي
داخل النجوم تبدي ذرات الهيدروجين
واللي تشكل أغلب كتلة النجم وبفعل الضغط العالي
تتحول إلى عناصر أثقل مثل الهيليوم
والأكسجين والحديد وكذلك تنتج طاقه كلش عالية
تخلي النجم مستقر ويقاوم الجاذبية
اللي تحاول تسحقه للداخل ولكن هذا الشيء
ما يستمر للأبد فهذا الهيدروجين راح يخلص
بعد كم مليار سنة وتبدأ
الجاذبية تتغلب على النجم شويه شويه
إلا أن تسحقه وينفجر من الداخل وتتناثر طبقاته الخارجية
بالفضاء ويتحول إلى غيمة نجمية من الغبار
والغازات نفس الشيء اللي بدأ من عنده ولكن قلب
النجم يبقى عايش وبسبب الضغط القوي من
الجاذبية على هذا النجم تبدأ الإلكترونات
والبروتونات داخل نواة النجم يندمجون سوا
ويصيرون نيوترونات متعادلة الشحنة
ولذلك يسموها نجوم نيوترونية هي مو كلش نجوم
بس يعني هو هذا الشيء ماشي عليها
ويمكن من أغرب الأشياء الموجودة بالكون
بسبب جاذبتها العالية وكثافتها المرتفعة
فهي أقرب أن تكون ثقوب سوداء من إنها تكون
نجوم بس ناقصها شويه توفيق
هذه النجوم النيوترونية مصنوعة بالكامل
من النيوترونات المرصوصة بقوة مع بعضها
بحيث ماكو فراغات بيناتهم ما عدا
على السطح مالة النجم اللي ممكن
تواجد عليه تكون بعض البروتونات والإلكترونات
هذه النجوم حجمها صغير كلش أصغر
حتى من قمرنا ولكن كتلتها قد
الشمس مالتنا وتدور بسرعات رهيبة تصل لآلاف
الدورات بالدقيقة الواحدة وبسبب سرعة الدوران العالية هاي
تتولد من عندها مجالات كهرومغناطيسية قوية ودوارة
وأقطاب هاي المجالات مرات تكون مائلة عن
محور الدوران مالة النجم وبس بقوتها
تدفع الإلكترونات والبروتونات اللي على السطح
وتطلقها على شكل أشعه راديوية أو أشعه سينية
بشكل شعاعين يدورون ويا دوران النجم
فاذا صادف إنه كوكب الأرض صار بالمسار
مال هذه الأشعه راح نقدر نرصد هذا النجم ويبين
كأنه جاي ينبض كل ما يمر علينا الشعاع
مالته شلون المنارة مالة البحر
وهاي الطريقة هي اللي خلتنا نكتشف أول
النجوم النابضة ومازلنا نكتشف بعد أكثر
هاي النبضات تكون دقيقة جدا وأحيانا
مضبوطة أكثر من الساعات الذرية
الموجودة على الأرض
لذلك ممكن نستخدم هذه الإشارات
كساعات لحفظ الوقت وأيضا كلش مفيدة
بالملاحة الفضائية فبسبب دقة إشاراتهم نقدر نعتمد عليهم
إذا أردنا نسافر ما بين المجرات
لأن كل نجم يبعث إشارة بتردد كلش دقيق ومميز
ما يشبه أي نجم ثاني
يعني نقدر ندخل من خلال الإشارة
نتعرف على أي نجم جايين نشوف
وإلى حد نعرف 3000 نجم نابض داخل مجرتنا
ومن خلال معرفة مكان هاي النجوم
نقدر نحدد مكاننا بالفضاء
مثل نظام تحديد المواقع العالمي
ولكن مجري الكلام صراحة
ما يخلص عن خصائص هاي النجوم الغريبة
بس راح نخلي الباقي لكم
حتى تبحثون
