靈異 丨 香港 02 ： 7月 14 的 失物 丨 小紅帽 聲音 專欄 # 靈異 # 都市 傳說 # 鬼 故事 # 盂蘭節 # podcast Psychic 丨Hong Kong 02: Lost and Found on July 14th 丨Little Red Riding Hood Sound Column #Psychic #Urban Fiction #Ghost Stories #Yu Lan Festival #podcast

大家 好 ， 我 係 小紅帽

有 對 陰陽眼 ， 可以 睇 到 第二 個 世界

有時 仲 可以 同 朋友仔 溝通 添

千奇百怪

想 聽 我 同 朋友仔 嘅 日常 故事

記得 撳 入嚟 呀

上回 講到

以前 細個 嘅 時候

喺 盂蘭 盛會 中 都 會 有 撒 錢 嘅 儀式

以往 我 都 會 去 搶

執 返 幾 蚊 得 幾 蚊

聚沙成塔

但係 隨着 自己 長大

而家 就算 喺 路邊 見 到 錢

都 會 當 睇 唔 到

所謂 路不拾遺 非 正財

噩運 招來 身 自 受

因為

我 看到 的 ….

某 一啲 錢 或者 物件 喺 路上 出現 嘅 時候

總 會 有 一啲 你 喺 旁邊 守 住 既 靈

佢哋 企 係 暗處

如果 見 到 冇 動靜

一陣 就 會 消失

但 如果 俾 人 執 咗

事情 就 會 咁樣 開始 …..

當晚 喺 7月 15號 晚上 約莫 9 點

我 收工 返 屋企

跑 住 去 村巴站

但 個 日 運氣 唔 多 好

目送 架 車 離開

頓時 火 都 嚟 埋

鬧 自己 成日 嘥 時間 去 買嘢

要 等 多 半 粒 鐘

突然 ， 唔駛 5 分鐘

另 一 小巴 從 外面 插線 飛 過嚟

唔 知道 係 特別班

定係 其他 車

心裏 先至 開心 返

上車 嘅 時候

我 都 爭取 後排 最 好 位置

因為 容易 見 到 前面 發生 嘅 野

喺 微弱 嘅 光線 下

係 中排 嘅 座位

竟然 見 有 部 手機 ， 放 咗 喺度

與此同時

一 個 身 穿 黑衫 嘅 靈

就 企 係 車 外面

望 住 個 手機

我 行 過 嘅 時候

同 我 四目交投

我 個 身 打 咗 個 突

係 車 上面 見 到 靈

一 D 都 唔 出奇

但 有 個 靈

企 係 外面

望 住 車 裡面 嘅 野

就 真係 第一 次 見

有理 無理

車 仲未 開

我 決定 將 手機 交 俾 司機

請 俾 我 先 描述 一 下 司機 個 外貌

佢 係 中年人

有 個 大 肚腩

頂 住 個 軚盤

佢 開 咗 小 窗口

同 外面 嘅 司機 吹水

我 同 佢 講

司機 ， 我 喺 後面 執 到 部 手機 啊

唔 知 係 邊個 嘅 ， 交 俾 你

當時 司機 個 樣 有啲 奇怪

或者 本身 係 反應 慢

遲 咗 2 秒 佢 先至 伸手 去 接

仲 口窒窒 咁 話

「 好 好 … 你 頭先 喺 邊度 執 到 㗎 ？ 」

順 着 佢 嘅 視線

我 即刻 行 去 後面

手指 執 到 嘅 位置

返 到 座位 之後

我 先至 發現

嗰個 「 黑衫靈 」 已經 坐 到 我 嘅 後面

不過 佢 無 面 向 我

講 得 清楚 D

佢 當時 打 側 身

條 腰 扭轉 90 度

成 個 人 面向 旁邊 嘅 站頭

另 一 邊

司機 可能 唔 想 我 多心

轉頭 又 同 我 講

口窒窒 咁 話

「 我 會 俾 辦事處 … 辦事處 。 」

我心 諗 ， 咩 辦事處 啊

管理處 呀 嘛

然後 佢 再 係 我 面前

將 手機 好 小心 咁 放 喺 車頭 前面 嘅 玻璃

再 扮 若無其事

但 其實 邊個 都 睇 得 出

佢 之後 一直 心不在焉

成日 昅 住 部 手機

同 人 吹水 吹 到 九唔搭八

我 後面 個 靈

見到 我 行 返來

突然 緊張 起來

然後 慢慢 行 去 前面

愈來愈 近 司機

我 埋去 睇

佢 都 幾 高

方字面

三七 分界

大眼

不過 笑 起來

眼睛 好像 月亮 咁 彎

嘴角 都 會 蹺起

不過 最 特別 嘅 係

佢 個 身 好 薄

係 白色 光管 之後

薄 到 好似 紙 一樣

其實 頭先 我 將 手機 拎去 車頭 度 嘅 時候

佢 就 一直 望 住

眼光 一直 無 離開 過

一直 跟住 部 手機

每當 有 乘客 上落車 嘅 時候

佢 就 會 好似 風 一樣 咁 飄起

有時候 飄 去 座位

有時候 又 飄 去 車頭

來來回回 幾 次

飄 到 我 眼 都 花

我 當時 心諗

部 手機 係咪 佢 架

點解 會 留 喺 車 度

佢 要 攞 返 ？

亦或 想 做 D 咩 ？

我 執 咗 部 手機

係咪 會 搵 我 麻煩 呢 ？

當 我 仲 係度 胡思亂想 嘅 時候

開車 了

佢 又 坐 返 喺度

無聲無息

目無表情

我 望 佢 ， 佢 都 無望 我

途中

有 一 男 一 女 上車

佢地 當然 見 唔 到 黑衣靈

所以 想 坐 佢 個 位

當 個 女仔 差不多 坐 落去 佢 身上 嘅 時候

佢 驚青 到 將 個 身 縮 起 上來

好似 成 張 紙 咁 捲起

之後 每 次 有人 行 過

佢 都 變身體操 選手

係 狹窄 嘅 車廂 裡面 捲 來 捲 去

睇 到 我 眼花繚亂

最後 ， 佢 終於 托馬斯 全 旋

落 係 司機 隔離

佢 坐上 無形凳

同 司機 平排

部 車 嘅 氣氛 越嚟越 詭異

一 人 一 靈 坐 喺 車頭

只 有 半 尺 距離

但係 冇 一 D 交流

架 車 喺 紅綠燈 前面 停低

司機 開 收音機 聽 馬仔

又 拑 下 D制

黑衣靈 都 會 縮 起 個 身

唔 想 俾 司機 摸 到

有 好 幾 次

司機 偷偷 地 摸 吓 部 手機

黑衣靈 都 會 伸長 條 頸 去 睇

兩 個 人 同步 行動

都 幾 合拍

我 終於 到 站 要 落車

當 車門 關上 嘅 時候

我 睇 到 黑衣靈 陰陰嘴 笑

好似 獵人 搵 到 獵物 咁

好 滿意 咁樣

最後 到底 佢 有冇 跟住 部 手機 ？

亦 或 跟住 個 司機

真係 唔 知道 了