張悦楷講《三國演義》, 089

話 說 夏侯淵 同張 郃 啊 去 攻打 陽平關 ， 就 先輸 咗 一陣 。 第 日 ， 曹操 親自 帶兵 做 前隊 。 行得 幾行 ， 咦 ？ 見到 山勢 險惡 ， 樹林 叢雜 路徑 又 唔 熟 噃 怕 中 咗 埋伏 ， 咪 喇 ， 下令 返 轉頭 。 返到 去 營寨 就 同許 褚 、 徐晃話 ： 嗯 ， 我 早 知道 呢 處 嘅 地勢 係 咁 險惡 嘅 呢 ， 我 就 唔 起兵 嚟 㗎 喇 。 許褚話 ： 不過 嚟 都 嚟 咗 喇 ， 主公 就 唔 好 怕 辛苦 喇 。 嗯 ！ 第 日 ， 曹操 騎住 馬 ， 淨 係 帶許 褚 、 徐晃 兩個 人 跟 尾 ， 出去 偵察 下張 衛 嘅 營寨 。 佢 哋 三個 人 騎 住 馬 轉過 咗 山坡 ， 就 望 到 張 衛 嘅 兵營 嘞 。 曹操 睇 咗 一輪 ， 用條 馬鞭 指住 啲 兵營 話 ： 敵軍 嘅 營寨 咁 堅固 ， 一時 都 好 難 攻下 佢 㗎 。 話口 未 完 ， 背後 㗾 噉 一聲 吶喊 。 嘩 ， 啲 箭 呀 ，𠻘𠻘 聲 好似 落 大雨 噉 飛過 嚟 啊 。 弊 喇 ， 弊 喇 ！ 楊昂 、 楊任 兵 分兩路 殺過 嚟 喇嘿 嚇到 曹操 面都青 。 許褚 大聲 高叫 話 ： 我 嚟 頂住 賊兵 ！ 徐公明 你 好好 保護 主公 ！ 嘩 ！ 許褚 呀 怒哮 一聲 舞起 大刀 縱 馬上 前 一個打 兩個 。 許褚 好似 隻 發 咗 狂 嘅 老虎 噉 。 楊昂 、 楊任 打 唔 過 佢 ， 回馬 就 走 。 噉 其餘 啲 人 就 更加 唔 敢 上 嚟 嘞 。 徐晃 保護 住 曹操 快馬加鞭 跑過 咗 山坡 嘩 ！ 前 便 又 有 一彪 軍馬 嚟 到 。 嘿嘿 好 喇 好 喇 ， 原來 係 夏侯淵 、 張 郃 佢 哋 兩個 聽見 喊 殺聲 啊 ， 所以 啊 帶兵 殺 嚟 接應 。 於是 呢 殺退 咗 楊昂 、 楊任 ， 安全 噉 護送 曹操 回營 。 曹操 呢 次 有驚無險 ， 就 重重 噉 賞賜 佢 哋 四員 大將 。 噉 啊 自從 呢 次 之後 呢 ， 雙方 都 各自 堅守陣地 。 相持 咗 足足 五廿 幾日 ， 就 係 冇 打 到 。 呢 一日 ， 曹操 突然 間 下令 撤退 噃。 賈詡 就 摸 唔 着 頭腦 咯 佢 問 ： 而 家賊 兵 嘅 力量 都 未見得 啊點 強大 啊 ， 主公 點解 一下 要 撤退 呢 ？ 哈哈哈 哈哈 ， 我 噉 諗 嘅 ， 賊兵 每日 都 嚴加 防備 ， 想 一下 就 打贏 佢 係 唔 得 嘅 。 而家 ， 我 擺 出個 撤退 嘅 樣子 ， 使到 敵人 鬆懈 喇 ， 不 加 防備 喇 。 然後 我用 馬 軍 包抄 佢 後方 ， 突然襲擊 ， 噉 就實 贏 佢 嘅 。 啊 ！ 丞相 神機妙算 ， 高 不可 測 ， 高 不可 測啊 ！ 哈哈哈哈 哈哈哈哈 ， 好 ！ 夏侯淵 、 張 郃 兩將 聽令 ！ 於是 曹操 就 命令 佢 兩個 分 兵 兩路 ， 各帶 三千 馬 軍 ， 由 小路 包抄 陽平關 嘅 背後 。 而 曹操 自己 呢 ， 就 率領 大軍 ， 拔營 撤退 。 楊昂 一 聽見 話 曹兵 撤退 ， 即刻 就 同 楊任 商量 要 趁勢 追擊 。 楊任 話 ： 曹操 詭計多端 ， 又 摸 唔 清 佢 嘅 真實 情形 ， 唔 好 去 追 啊 。 楊昂 話 喇 ： 楊將軍 你 唔 去 我 自己 去 ！ 楊任 猛 咁 勸 佢 都 唔 聽 。 終歸 楊昂 啊 點齊 五個 寨 嘅 兵馬 ， 一同 出發 去 追擊 ， 只 係 留 返些 少 兵士 守營唧 。 點知 呢 一日 呀 ， 忽然 落起 大霧 ， 迷迷茫茫 真 係 打 對面 都 睇 唔 見 人 。 嘿嘿 大家 唔 知有 冇 喺 深山 遇 過 大霧 喇 ， 嘩 哎呀 ， 白蒙蒙 一片 都 唔 知道 邊處 係 天邊 處 係 地 㗎 。 所以 楊昂個 軍隊 行到 半路 呢 就 唔 敢 再行 嘞 ， 唯有 暫時 閘住 先 。 而家 講下 夏侯淵 ， 佢 率領 嗰 支 馬 軍 呢 ， 抄過 咗 山後 就 遇 着 大霧 。 又 聽見 人聲 馬 叫 喎 就 怕 有 伏兵 ， 嘿 都 唔 理得 咁 多咯 ， 就 急急 催促 啲 兵馬 快 啲 行 。 噉 喺 大霧 之中 呢 就 行錯 咗 路 喎 ， 無意間 就 行到 楊 昂 嘅 營寨 嗰 度 。 嗰 啲 守 寨 嘅 兵 仔 ， 聽見 𡃈𡃈 嘅 馬蹄聲 ， 仲估 話 楊昂 帶兵 返 轉頭 添 就 開門 放 佢 哋 入 嚟 嘞 喎 。 曹 軍 一擁而入 ， 咦 ？ 見 係 個 空寨 ， 就 放火 嚟 燒 嘞 。 噉 留 喺 度 守 寨 嘅 兵 仔 呢 細 佬 趯 得 摩 咯 ， 掉 低 營寨 唔 理 就 各自 逃生 。 等到 大霧 散 咗 之後 ， 楊任 帶兵 嚟 救 ， 啱 啱 接觸 ， 同 夏侯淵 打 咗 幾個 回合 咁 多 ， 背後 張 郃 嘅 兵 嚟 到 嘞 。 楊任 頂 唔 住 啊 殺 開條 血路 跑 返去 南鄭 。 南鄭 呢 ， 就 係 漢中 郡 嘅 郡 城 。 噉 啊 張魯個 大本營 就 喺 呢 處 嚟 。 南鄭 係 喺 陝西省 西南部 ， 就 接近 四川省 嘅 北部 ， 即 係 今日 漢中市 嘅 東 便 。 噉 啊當 大霧 散 咗 ， 楊昂 知道 消息 啊 想 返 轉頭 個 時候 ， 營寨 已經 畀 夏侯淵 、 張 郃 佔領 咗 嘞 。 同時 曹操 個 大隊 軍馬 又 喺 背後 趕到 嚟 ， 噉 兩 便 夾攻 四圍 冇 路 。 楊昂 想 突圍 衝出去 ， 正正 撞 着 張 郃 就 打起 上 嚟 ， 結果 呢 就 畀 張 郃 殺 咗 。 張衛 啊 原來 坐鎮 陽平關 。 佢 一 知道 楊昂 、 楊任 打敗 咗 ， 所有 嘅 營寨 又 已經 失 咗 嘞 ， 就 放棄 陽平關 喺 半夜 逃跑 。 於是 曹操 呢 就 佔領 咗 陽平關 。 而家 講下 張衛同 楊任 返到 南鄭 見 張魯 。 張衛 就 話 喇 ： 皆 因 楊昂 、 楊任 失 咗 隘口 ， 故此 守 唔 住 陽平關 唧 噉 。 張魯 就 好 嬲 嘞 要 殺 咗 楊任 。 楊任 話 喇 ： 我 曾經 勸過 楊昂 ， 叫 佢 唔 好 去 追擊 曹兵 ， 佢 唔 聽 我 勸 ， 所以 先至 有 呢 次 失敗 嘅 啫 。 請 主公 你 再 派 我 帶 一支 軍隊 去 挑戰 ， 我 必定 斬 咗 曹操 返 嚟 。 如果 打 唔 贏 ， 我 甘當 軍令 ！ 楊任 真 係 立 咗 一張 軍令狀 ， 交 畀 張魯 。 然後 點起 二萬 軍馬 ， 出去 南鄭 城外 扎落 營寨 ， 準備 再戰 曹 軍 。 呢 一日 ， 曹操 喺 大軍 未 開動 之前 ， 就 先派 夏侯淵 帶 五千 人馬 ， 沿住 去 南鄭 嗰 條 大路 偵察 。 噉 啊 同 楊 任 嘅 軍隊 發生 遭遇 ， 兩便 都 擺開陣勢 嘞 。 楊任 派 部將 昌奇 出馬 同 夏侯淵 交鋒 。 點知 都 唔 到 三個 回合 ， 就 畀 夏侯淵 一刀 就 劈 咗 落馬 。 噉 啊 楊 任輸 咗 第一場 啦 ， 親自 挺槍 出馬 ， 同 夏侯淵 大戰 咗 三十幾個 回合 ， 不分勝負 。 夏侯淵 就 詐輸 走 人 。 楊 任 喺 後 便 猛追 上去 ， 哈哈 仲 係 夏侯淵 使得 ， 佢 用 拖 刀 計 就 劈 死 咗 楊 任 。 嗰 班 敗兵 就 倒 瀉 籮 蟹 噉 搏命 趯 返去 南鄭 啦 。 曹操 知道 夏侯淵 得勝 ， 即刻 進兵 ， 直逼 南鄭 安營 。 張魯 啊 慌 晒 手腳 連忙 召集 文武 官員 嚟 商量 。 閻圃 話 ： 我 推薦 一個 人 ， 可以 打贏 曹操 手下 咁 多 將領 嘅 。 好 啊 好 啊 ， 係 邊個 呢 ？ 主公 ， 龐德 以前 跟隨 馬超 嚟 投靠 主公 嘅 。 收尾 馬超 去 西川 嘅 時候 ， 佢 因 為 病 就 冇 去 到 。 一直 都 留 喺 南鄭 ， 承蒙 主公 嘅 恩德 養 住 喺 度 。 而家 ， 叫 佢 去 同 曹操 作戰 就 啱 啦 嘛 。 係 噃。 張魯好 高興 啊 ， 即刻 召 龐德 嚟 賞賜 咗 好多 嘢 畀 佢 ， 然後 點起 一萬 軍馬 ， 交 畀 龐德 去 迎戰 曹操 。 呢 一日 ， 龐德 帶住 人馬 喺 離 城 十幾 里 嘅 地方 ， 擺開陣勢 同 曹兵 對敵 。 龐德 縱馬 出陣 挑戰 。 曹操 喺 渭橋 作戰 嘅 時候 領教過 㗎 喇 ， 知道 龐德 嘅 本事 好 高強 ， 就 囑咐 佢 嗰 班 將官 話 喇 ： 龐德 係 西涼 勇將 ， 原來 係 屬 馬超 嘅 。 今日 ， 雖然 跟 咗 張魯睇 嚟 ， 佢 個 心 係 唔 滿意 嘅 。 我 好 想得到 呢 個人 啊 。 你 哋 去 同 佢 打 呢 ， 都 要 打 慢 嘅 ， 拖住 佢 ， 消耗 佢 嘅 體力 ， 然後 生擒 佢 。 得 令 ！ 安排 好 嘞 ， 由張 郃 首先 出馬 ， 打 咗 幾個 回合 就 退 。 夏侯淵 呢 亦 都 係 打 咗 幾個 回合 就 退 。 徐晃 跟 住 出去 ， 打 咗 三五個 回合 亦 退 嘞 。 臨尾 就 輪 到 許褚 ， 乒乒乓乓 激戰 咗 五十幾個 回合 ， 亦 都 退 嘞 。 龐德 啊 力戰 四將 毫無懼色 ， 掯 啊 ！ 所有 啲 將領 都 喺 曹操 面前 誇讚 龐德 好 武藝 啊 。 噉 曹操 個心 啊 越發 喜歡 龐德 啦 。 佢 同 大家 商量 話 喇 ： 點先 至 得到 佢 投降 呢 ？ 賈詡 話 ： 我 知道 張魯 手下 有 一個 謀士 ， 叫做 楊松 。 嘿嘿 ， 此人 ， 極之 貪錢 嘅 。 主公 暗中 派 個人 送 啲 金銀珠寶 畀 佢 ， 叫 佢 喺 張 魯 面前 講 龐德 嘅 壞話 。 噉 就 有 辦法 將 龐德 拉過 嚟 啦 。 嗯 ， 呢 個 辦法 可以 。 但 係 ， 我 哋 嘅 人 點 先 至 入 得 南鄭 城 呢 吓 ？ 噉 啦 主公 ， 聽日 再 交鋒 嘅 時候 啊 ， 我 哋 誒 詐敗 ， 放棄 營寨 撤退 ， 等 龐德 呢 佔領 咗 我 哋 嘅 營寨 。 然 之後 呢 ， 我 哋 喺 當晚 三更半夜 就 去 劫營 。 噉 龐德 必定 退 返入 城 嘅 。 我 哋 事前 選定 一個 會講 說話 嘅 軍士 ， 扮作 佢 哋 嘅 兵 ， 趁住 亂 嘅 時候 呢 ， 混雜 喺 佢 哋 嘅 兵 裏 便 ， 噉 就 入 得 城 啦 嘛 。 哦 ， 噉 樣 可以 ！ 於是 就 選 咗 一個 精明 仔細 嘅 下級 軍官 ， 重重 噉 賞賜 佢 。 然後 攞 出 一副 金掩心 甲 ， 叫 佢 貼 肉 着 好 ， 外便 係 着 住 漢中 兵士 嘅 制服 ， 仲帶 咗 一封信 添 。 預先 喺 半路 匿 埋 等候 ， 就 按照 計劃 行事 噉 。 到 咗 第日 ， 先 派 夏侯淵 同張 郃 兩支 軍隊 ， 遠遠 去 埋伏 好 ， 跟 住 又 叫 徐晃去 挑戰 。 徐晃 打 咗 幾個 回合 就 詐敗 逃走 ， 龐德 就 率領 人馬 掩殺 過去 啦 ， 打到 曹兵 全部 撤退 。 龐德 佔領 咗 曹操 個 營寨 見到 啊 好多 糧草 留 喺 處 啊 呵呵 都 唔 知 幾 高興 。 立即 就 派 人 去 報告 張魯 ， 一便 就 喺 營寨 擺酒 慶賀 嘞 。 點 知道 當晚 二 更 過後 ， 忽然 三路 起火 。 當中 係 徐晃 、 許褚 ， 左便 張 郃 ， 右 便 夏侯淵 ， 三路 軍馬 一齊 殺 嚟 劫寨 。 龐德 揦 手 唔 成勢 ， 只有 匆忙 上馬 衝殺 出去 ， 向 住 南鄭 城猛 跑 ， 背後 呢 三路 兵馬 狂 追 。 龐德 啊 急急 嗌 開 城門 ， 帶住 人馬 就 一擁而入 。 噉 喺 呢 個 時候 呢 ， 曹操 嗰 個 間諜 啊 已經 跟 住 龐德 軍隊 混 咗 入城 嘞 。 佢 一直 去 到 楊 松 嘅 住宅 求見 ， 話 魏公 曹丞相 好 仰慕 楊大人 ， 專登 叫 我 送 一副 金甲 嚟 ， 仲有 一封 密信 要 呈 畀 大人 啊 。 楊松 歡喜 到 眼 都 蒙晒 。 佢 睇 完 信 就 對 嗰 個 間諜 話 嘞 ： 你 返去 回覆 魏公 ， 請 佢 放心 得 喇 ， 我 自然 有 好 辦法 嚟 報答 佢 嘅 。 楊松 打發 咗 個 間諜 走 ， 漏夜 就 去 見 張魯 ， 話 龐德 呀 係 受 咗 曹操 嘅 賄賂 ， 故意 打輸 呢 一 仗 嘅 噉 。 張魯一 聽 就 信 晒 ， 嬲 到 不得了 。 嗌 龐德 嚟 省 佢 一餐 ， 而且 仲要 殺 咗 佢 添 噉 。 閻圃 就 苦苦 噉 勸諫 唔 殺 得 㗎 噉 。 張魯 就 話 喇 ： 你 聽 日 出去 打 過 ， 唔 贏就 斬 ！ 遵命 ！ 龐德 好 翳 氣 噉 返去 。 第 日 ， 曹兵 攻城 。 龐德 啊 帶兵 衝出去 廝殺 。 曹操 叫許 褚去 迎戰 打 咗 幾個 回合 ， 許褚 詐敗 走 人 。 龐德 咪 死 追 啦 。 追 追下 ， 只見 曹操 騎住 匹馬 企 喺 山坡 上面 嗌： 龐將軍 ！ 你 仲 唔 及早 投降 ？ 龐德 一 諗 ： 哼 ！ 捉 到 曹操 呀 ， 頂得 一千員 上將 啊 ！ 一撥 馬頭 ， 猛加 一鞭 ， 飛跑 上山 。 喎 嗬 ！ 一聲 吶喊 ， 突然 天崩地裂 ， 龐德 連人帶 馬 咁 沙 噉 跌 咗 落 陷坑 裏頭 。 四圍 早就 埋伏 定 嘅 兵卒 啊 ， 一湧 上前 ， 又 鉤 又 索 ， 活捉 咗 龐德 啊 押 佢 上山 。 曹操 一見 押 龐德 嚟 到 嘞 ， 立即 落馬 ， 喝退 啲 兵卒 ， 親自 同 龐德 解開 啲 繩 ， 問 佢 願 唔 願意 投降 。 龐德 個心 諗 ： 張魯待 自己 咁 唔 好 嘅 ， 哼 ！ 就 情願 投降 嘞 。 曹操 啊 親自 扶 龐德 上馬 ， 一拍 噉 返去 營寨 啊 ， 又 故意 使到 城裏 便 啲 人 望見 喎 。 噉 啲 人 報告 畀 張魯聽 ， 話 龐德 呀 ， 同 曹操 騎住 馬 一 拍 噉 行 啊 噉 。 張魯 更加 信楊松 講個 說話 係 真 㗎 啦 。 第 日 ， 曹操 喺 南鄭 城 嘅 三 便 ， 豎起 雲梯 ， 飛炮 攻城 ， 攻勢 非常 之 猛烈 。 張魯睇 白頂 唔 住 嘞 ， 就 同 佢 細 佬 張 衛 商量 。 張衛話 ： 放火燒 晒 糧倉 同 庫房 ， 由 南山 撤退 去 巴中 死守 啦 。 巴中 ， 喺 四川省 嘅 東北部 ， 誒 喺 南鄭 嘅 南方 ， 就 同 南鄭 離開 唔 係 點 遠 嘅 啫 。 但 係 楊松話 喇 ： 不如 開門 投降 仲好 啦 。 唉 ， 點好 呢 ？ 點好 呢 ？ 張魯仲 係 猶豫不定 。 張衛話 喇 ： 大哥 ， 燒 咗 就 走 啦 ！ 唉 ！ 我 本來 一向 都 想 歸順 國家 嘅 ， 呢 個 想法 總 係 唔 能夠 實現 ， 而家 又 不得已 要 逃亡 。 唉 ， 呢 啲 糧倉 庫房 都 係 國家 嘅 財產 ， 毀壞 咗 佢 就 唔 好 嘅 ， 唔 好燒 ， 啊 ， 唔 好燒 。 於是 張魯 下令 將 所有 嘅 糧倉 庫房 啊 ， 都 鎖起 上 嚟 ， 貼 上 封條 。 等到 當晚 二 更 ， 張魯帶 住 全家老小 ， 打開 南門 殺出去 突圍 嘞 。 所謂 網開一面 啊 ， 曹操 啊 吩咐 唔 好 追 。 當 曹操 帶兵 進入 南鄭 之後 ， 見到 張魯啊將 糧倉 庫房 全部 封存 ， 啊 個 心 呢 亦 都 好 感動 。 就 派 人 去 巴中 就 勸 張魯 投降 。 張魯 啊 想 投降 ， 但 係 張衛 唔 肯 啊 。 楊松 呢 個 奸臣 呢 ， 偷偷 啊 使 人 送信 畀 曹操 ， 叫 佢 進兵 ， 自己 做 內應 噉 。 曹操 得到 信 啊 就 親自 帶兵 去 巴中 。 張魯派 張衛 出去 迎戰 ， 就 畀 許褚殺 咗 。 張魯 諗 住 無謂 硬打 喇 ， 仲 係 死守 啦 。 楊松話 喇 ： 到 而家仲 唔 出去 打過 呀 ， 即 係 坐 喺 處 等 死 㗎 啫 。 我 嚟 守城 ， 主公 你 親自出馬 去 決一死戰 啦 。 唉 ， 好 啦 。 張魯 同意 。 但 係 閻圃 啊 勸 佢 唔 好 出去 。 張魯 唔 聽 ， 就 帶兵 出城 嘞 噃。 唉 ， 點 知道 都 未曾 交鋒 唧 ， 後軍 啊 已經 鬆 人 嘞 得 了 嘅 咩 ， 張魯 急急 退返 轉頭 啦 。 曹 兵 喺 後 便 猛追 ， 張魯跑 到 城下 ， 哈 ， 楊松 竟然 閂 死 道 城門 唔 肯 開 噃。 張魯 無路可走 嘞 ， 曹操 喺 後 便 追 到 嚟 嘞 ， 大聲 叫 佢 投降 。 唉 ， 張魯 長 歎 一聲 ， 下馬 跪 喺 地下 投降 係 啦 。 曹操 好 歡喜 啊 ， 而且 念 在 張魯 封存 倉庫 咁 好心 ， 就 優禮 相待 ， 封 佢 做 鎮南 將軍 。 閻圃 等等 一班 嘅 官員 呢 都 封 做 列侯 ， 噉 啊 於是 漢中 全個 地區 都 平定 晒 喇 。 曹操 下令 啊 各個 郡 都 要 委任 太守 去 治理 ， 又 設置 都尉 嚟 到 負責 軍事 ， 對 全軍 嘅 士兵 ， 都 大加 賞賜 。 嘿嘿 ， 唯有 楊松 呢 個 奸 鬼 呢 ， 賣主求榮 ， 曹操 下令 拉 去 街市 斬頭 示眾 。 嘿嘿 真 係 抵死 有餘 喇 。 正是 妨賢 賣主 逞 奇功 ， 積得 金銀 總是 空 。 家未 榮華 身受 戮 ， 令人 千載 笑 楊松 ！ 噉 啊 曹操 已經 取得 咗 東川 啦 ， 主簿 司馬懿 就 建議 話 嘞 ： 劉備 靠 欺詐 趕走 咗 劉璋 ， 西 蜀 嘅 人心 都 未 服 佢 。 而家 主公 已經 得到 漢中 ， 益州 震動 啊 。 主公 若果 立即 進兵 去 攻打 ， 勢必 瓦解 嘅 。 時不再來 ， 機不可失 啊 。 曹操 話 喇 ： 唉 ， 人苦 不知足 啊 ， 乜得 咗 隴右 嘅 地方 ， 仲想攻 埋西 蜀 添 呀 。 劉曄 亦 都 勸 曹操 話 嘞 ： 司馬仲達 嘅 意見 係 啱 㗎 。 若果 稍 為 遲 一 啲 ， 噉 劉備 文有 諸葛亮 咁 好 嘅 治國 人才 ， 武 有關 、 張 呢 啲 勇冠三軍 嘅 大將 嚟 幫助 佢 。 西 蜀 嘅 人民 一旦 安定 落 嚟 ， 佢 哋 緊 守 關隘 ， 到 其時 就 打 佢 哋 唔 到 㗎 喇 。 而家 唔 能夠 去 嘅 ， 士卒 太過 勞苦 咯 ， 要 等 佢 哋 休息 下至 得 嘅 。 噉 曹操 就 按兵不動 喇 。 曹操 啊 ， 雖然 係 按兵不動 啊 ， 之 西川 嘅 百姓 呀 ， 聽講 曹操 已經 佔據 咗 東川 ， 估計 佢 必定會 嚟 奪取 西川 嘅 。 初時 啲 謠言 傳 嚟 傳去 ， 真 係 搞 到 一日 之間 都 嚇驚 幾勻 。 劉備 就 搵 軍師 商量 喇 ， 孔明 話 ： 我 有 一條 計策 ， 可以 使到 曹操 自己 退兵 㗎 。 哦 ？ 有 咩 好 計策 呢 ？ 曹操 一直 都 擺 咗 一支 軍隊 駐 扎 喺 合肥 嚟 ， 因 為 佢 要 防備 孫權 吖 嘛 。 如果 我 哋 而家將 江夏 、 長沙 、 桂陽 呢 三個 郡還 畀 東吳 ， 再 派 一個 口才好 嘅 人 ， 去 同 佢 哋 講明 利害 ， 使到 東吳 起兵 去 襲擊 合肥 ， 一 牽制 住 佢 ， 曹操 就 必定 要 帶兵 返去 南方 㗎 喇 。 呀 噉 係 啊 。 派 邊個 做 使者 好 呢 ？ 伊籍 出 嚟 話 喇 ： 等 我 去 啦 。 劉備 好 歡喜 ， 就 寫 好 封信 準備 好 禮物 ， 叫 伊籍 啊 先到 荊州 同 關雲長 打個招呼 ， 然後 再 去 東吳 。 伊籍 去 到 秣 陵 拜見 孫權 。 孫權 就 問 佢 嘞 ： 你 嚟 有 咩 嘢 事 呢 ？ 上次 ， 諸葛子瑜 去 交涉 要 攞 返 長沙 等 三個 郡 。 當時 因為 軍師 出 咗 去 視察 ， 所以 交割 唔 成 ， 而家 有 命令 嚟 通知 要 送還 畀 君侯 你 啊 。 至於 荊州 、 南郡 、 零陵 ， 本來 係 想 一齊 送還 嘅 。 但 係 最近 畀 曹操 佔據 咗 東川 ， 使到 關將軍 無容身之地 咯 ， 所以 就 暫時 唔 能夠 送還 唧 。 而家 合肥 嘅 防守 空虛 ， 希 望君侯 起兵 去 攻 佢 ， 使到 曹操 撤兵 返 嚟 南方 。 噉 我 哋 主公 一 佔領 咗 東川 ， 就立 即將 荊州 全土 送還 嘞 。 嗯 ， 請 先生 返去 賓館 休息 先 ， 我仲要 商量 下 。 於是 伊籍 啊 告辭 走 嘞 。 孫權 就 搵 佢 嗰 班 謀士 嚟 研究 嘞 噃。 張昭話 喇 ： 劉備 因為 怕 曹操 去 打 西川 ， 故此 諗 出 呢條 計 嘅 啫 。 誒 不過 雖然 係 噉 ， 而家 曹操 正 喺 漢中 嚟 ， 我 哋 乘機 去 攞 咗 合肥 ， 嘿嘿 亦 係 上策 嘅 。 孫權 同意 張昭 呢 個 意見 ， 就 打發 伊籍 返去 西川 。 呢頭 呢 就 準備 起兵 去 攻 曹操 嘞 。 佢 首先 命令 魯肅 去 接收 長沙 、 江夏 、 桂陽 三個 郡 ， 喺 陸 口 駐兵 ； 調 呂蒙 、 甘寧 返 嚟 ； 同時 呢 ， 又 去 餘杭 調凌統 返 嚟 。 過 咗 幾日 ， 呂蒙 、 甘寧 返到 嚟 先 。 呂蒙 就 獻計 話 ： 曹操 叫 廬江 太守 朱光 ， 喺 皖 城 駐兵 ， 開墾 咗 好多 禾田 ， 收成 咗 啲 谷 ， 全部 就 運去 合肥 做 軍糧 。 我 哋 先 打皖 城 ， 後 攻 合肥 就 啱 嘞 。 孫權 同意 ， 就 任命 呂蒙 、 甘寧 做 先鋒 ， 蔣欽 、 潘璋 押後 ， 孫權 自己 啊 帶 住 周泰 、 陳 武 、 董襲 、 徐盛 做 中軍 。 誒 當時 程普 啊 、 黃 蓋 啊 、 韓當 呢 三 員大將 啊 ， 因為 分別 喺 各地 鎮守 ， 所以 呢 次 就 冇 一齊 出征 。 孫權 嘅 大軍 渡過 咗 長江 ， 先 奪取 咗 和 州 。 和 州 的 州府 就 在 現在 的 安徽省 和縣 ， 當時 是 江防 重鎮 。 接著 就 直逼 皖城 。 皖城 太守 朱光 一方面 派 人 去 合肥 求救 ， 另一方面 堅守 城池 加強防衛 ， 不 出來 打 。 這 一天 ， 當 孫權 親自 來到 城下 視察 的 時候 ， 城上 猛 射箭 下來 ， 密得 好像 下雨 一樣 。 有 支箭 還 射中 孫權 的羅傘 ， 防守 非常 嚴密 。 回到 營寨 ， 孫權 就問 大家 ： 怎樣才能 打破 皖城 呢 ？ 董襲 說 ： 派些 軍士 擔泥 ， 堆起 個 土山 來 攻擊 。 徐盛 說 ： 那 不如 豎起 雲梯 ， 搭起 道 拱橋 居高臨下 來攻 城 更好 。 呂蒙 說 ： 這樣 不好 ， 這些 方法 都 很 浪費時間 ， 難以 成功 。 合肥 的 援軍 一到 ， 就 沒有 辦法 攻破 了 。 而家 我軍 初到 ， 士氣 正 係 旺盛 ， 正 應該 趁住 呢 一股 銳氣 ， 奮力 攻擊 。 我 建議 ： 聽日 天一 光 就 進兵 攻城 ， 午時 到 未時 咁 上下 ， 就 一定 可以 攻破 佢 㗎 喇 。 孫權 聽從 佢 嘅 意見 。 於是 第日朝 早 五更 ， 飽餐一頓 之後 ， 三軍 一齊 出發 攻城 。 城上 呀 又 射箭 又 掟 石頭 落 嚟 ， 哎呀 都 好 難 靠近 。 甘寧 奮起 神威 ， 手執 鐵鏈 ， 唔 理 佢 箭石 橫飛 啊 ， 搏命 噉 擒 上去 。 朱光 呀 叫 啲 弓箭手 一齊 噉 射 佢 。 甘寧 撥開 箭林 ， 一鏈 拂 過去 就 打 低 朱光 。 呂蒙 親自 擂鼓 ， 嗰 班 士卒 呀 喎 嗬 噉 一擁而上 ， 亂刀 斬 死 咗 朱光 。 頭頭 一死 嘞 ， 其餘 嗰 啲 人 就 投降 啦 。 呂蒙 真 係 冇 估計 錯 啊 ， 佔領 皖 城 嘅 時候 ， 先至 係 辰時 唧 ， 即 係 而家講 八點 零鐘 。 張 遼 本來 帶住 兵 趕 嚟 救 嘅 ， 行到 半路 ， 就 聽見 哨馬 報告 話 皖城 已經 失手 嘞 噉 ， 就 即刻 回兵 返 合肥 嘞 。 孫權 進入 皖 城 嘅 時候 ， 凌統 亦 都 奉命 帶兵 嚟 到 。 當日 ， 孫權 慰勞 大家 之後 ， 大大 犒勞 三軍 ， 重賞 呂蒙 、 甘寧 同 所有 嘅 將領 ， 設宴 慶功 。 呂蒙 就 好 謙虛 ， 讓 甘寧 坐 喺 上位 ， 盛讚 佢 嘅 功勞 。 飲到 咁 上下 ， 凌 統一 諗 起 甘寧 殺父 之仇 ， 又 見 呂蒙 猛 咁 讚 佢 ， 霎時間 怒 從 心上 起 ， 惡向膽邊生 ， 就 碌 大 雙眼 盯實 甘寧 好耐好 耐 。 忽然間 ， 一手 喺 左右 個 衛士 身邊 拔出 把 劍 ， 企出 嚟 話 ： 飲酒 冇 咩 嘢 助興 啊 ， 大家 睇 我 舞劍 啦 。 甘寧 明 嘞 ， 啪 聲 推 開張 枱 企 起身 ， 雙手 揦 起 兩支 戟 挾住 ， 一個箭步 行 出去 話 ： 睇 我 係 筵前 耍 戟 。 咦 ， 仇人見面 分外 眼明 ， 各位 欲知 後事 如何 ， 就 且 聽 下回分解 。