التلوث في القاهرة Pollution in Cairo

**نسرين : بابا أنا سمعت عن التلوث في التلفزيون ومش فاهمة يعني ايه تلوث؟**

**بابا: التلوث، يعني ان البيئة اللي حولينا تكون مش نضيفة، وده بيأثرعلي صحتنا بشكل سلبي. **

**نسرين : يعني ايه البيئة يابابا؟**

**بابا : البيئة هي كل حاجة حولينا زي الهوا والميه والنباتات والحيوانات. **

**نسرين : يعني في تلوث في الهوا! **

**بابا : طبعا، احنا عايشين في القاهرة وعوادم العربيات ودخان المصانع والتراب، كل ده يعتبر تلوث هوائي. **

**نسرين : وده بيأثر علينا ازاي؟**

**بابا : بيتعب جهازنا التنفسي واحيانا بيسبب الاختناق لبعض الناس. **

**نسرين : والمية اللي بنشربها ممكن تكون ملوثة؟**

**بابا : للأسف مية النيل ملوثة بشكل خطير. **

**نسرين : ازاي يابابا؟**

**بابا: كتير من المصانع بترمي نفاياتها الكيماوية في مية النيل وكتير من الناس بتغسل هدومها وحيواناتها في النيل، وده بيسبب موت السمك والسرطان للإنسان، وده كله تلوث مائي. **

**نسرين : دي حاجة محزنة جدا، طيب وفيه أنواع تانية من التلوث في القاهرة؟** Nisreen: This is a very sad thing, okay, and there are other types of pollution in Cairo?

**بابا : طبعا، التلوث السمعي، زي صوت الكلاكسات العالي والميكروفونات العالية، وإزعاج البياعين المتجولين كل ده بيأثر علي صحة الإنسان وكمان على جهازه العصبي. Baba: Of course, noise pollution, such as the sound of loud speakers and loud microphones, and the disturbance of street vendors, all of this affects human health and also on his nervous system. **

**نسرين: شكرا يا بابا، علي المعلومات دي، التلوث طلع موضوع خطير جدا ولازم نِلاقيله حل. Nisreen: Thank you, Baba, for this information. Pollution has become a very serious issue, and we must find a solution to it. **

**بابا : في رأيي الحل هو توعية الناس وتثقيفهم لخطورة التلوث وتشديد العقوبة علي المخالفين، وكمان نقل المصانع للصحرا بعيد عن الأماكن السكانية. **