靈異 丨 香港 02 ： 「 執 到 寶 」 上 集 丨 小紅帽 聲音 專欄 \ # 靈異 \ # 鬼 故事 \ # podcast Spiritual 丨 Hong Kong 02: "執到寶" Episode 丨 Little Red Riding Hood 丨 Voice Column \ # Spiritual \ # Ghost Stories \ # podcast

大家 好 ， 我 係 小紅帽

有 對 陰陽眼 ， 可以 睇 到 第二 個 世界

有時 仲 可以 同 朋友仔 溝通 添

千奇百怪

想 聽 我 同 朋友仔 嘅 日常 故事

記得 撳 入嚟 呀

細個 嘅 時候

我 睇 過 一 套 重播劇

叫做 「 執到寶 」

查 返 資料

演員 包括 劉克宣

馮淬帆 、 黃韻詩 、 歐陽佩珊

林子祥 同 甘國亮

裡面 講 嘅 內容

係 一家人 入住 新屋

發現 有 四 隻 鬼

成日 上 佢地 屋企人 身

屋主 劉克宣 就 同 佢地 周旋 到底

最後 屋企人 嘅 關係 和好 大團圓

我 第 一 次 有 意識 同 鬼 嘅 相遇

有啲 似 呢 套 劇

係 同 鬼 做 同 屋主

由 我 細個 搬入 新屋 開始

所以 我 會 叫 個 隻 鬼 做 「 執到寶 」

成 件 事 發生 係 我 細個 8 歲 嘅 時候

當時 我 都 算 識 啲 野

識得 分 人 同 鬼

我 出世 就 住 喺 一 個 臨屋區

有啲 似 而家 既 中轉屋 + 方艙

後來 承蒙 政府 關照

全 家 終於 搬 到 去 一 個 新 起 嘅 公共 屋邨

不過 老實講

個 單位 而家 睇 都 算 「 騎呢 」

長年 唔見 天日

點解 咁 講

因為 條 邨 起 係 山邊

我地 個 座 10 樓 係 平台

出邊 凌空 整 咗 條 長 走廊

貫穿 兩 座

我地 就 住 係 個 走廊 下面 個 層

所以 …… 長年 間 屋 不 見 陽光

無論 好天 雨天

都 冇 光 照 入屋

不過 大家 唔好 誤會

我 唔係 話 個度 陰氣 重 就 唔 OK

相反 ， 我地 住 個度 一 家 都 不 知 幾 happy

除咗 有瓦遮頭 之外

有 獨立 廁所 同 廚房

1 年 365 日

落雨 都 唔駛 收 衫

呢 下 先 就 最 盞鬼

我 同 「 執到寶 」 嘅 緣份

從 我 張 豆潤 咁 細 嘅 碌架床 講起

新屋 約 兩百 幾 呎

火柴盒 大小

不過 好處 係 自由 間隔

我 同 細妹 住 喺 一 間 6 尺 × 4 尺 闊 嘅 房

擺 滿 雜物

我地 第一 次 接觸 個 日

記得 係 冬天

大約 天 矇光 5 點 度

我 瞓 瞓 吓 覺

突然 醒 咗

捽 下 對 眼

發現 張 上格床 有 對 腳 伸 咗 落嚟

好似 喺度 玩 千秋 咁

「 fing 黎 fing 去 」

我 好 記得 阿妹 原本 瞓 上面 張 床

但 個排 佢 去 咗 阿婆 屋企 過 暑假

所以 肯定 無 人 瞓

嗰 對 腳

足足 有 3 呎 咁 長

直程 差啲 掂 到 樓下 我 瞓 緊 張被

我 嗰陣時 諗 一 諗

會 唔 會 係 老竇 喺 上面 坐 呢

但係 最後 諗 咗 一陣

馬上 S top

因為 著 住 嘅 係 白色 西褲

啡色 皮鞋 嘅 長腿

雖然 喺 微弱 嘅 燈光 之下

仍然 好 新淨 光鮮

我 老竇 5 尺 5

平時 瞓覺 頂多 著 背心 短褲

出街 一 對 爛佬 鞋

幾時 見 過 佢 有 對 咁 四正 嘅 皮鞋

我 再 捽眼

確定 自己 唔係 幻覺

即刻 醒 咗 一半

上面 都 跟手 停 咗 落嚟

然後 一 個 身影

樓上 直 跳 落 地下

好似 玩 體操 咁

之後 著地 又 馬上 彈起

直接 撞入 對面 幅 牆

O hmy god

我 呢個 細路

對於 呢 種 突如其來 嘅 情況

竟然 冇 嚇 到 彈起

相反 只係 望 咗 一陣

又 直接 瞓 番

而家 大個 之後 諗 返 起

都 覺得 自己 好 犀利