張悦楷講《三國演義》, 099

今日 就 講下 孫權 嘞 。 佢 係 接到 曹操 嘅 書信 ， 睇 完 就 好 歡喜 噉 應承 ， 立即 啊 寫 咗 回信 交 畀 使者 叫 佢 帶 返 去 。 跟 住 呢 ， 孫權 召集 文武 官員 嚟 商量 。 張昭話 喇 ： 最近 ， 因為 關雲長 擒于 禁 斬 龐德 ， 威震 華夏 。 曹操 啊 甚至 想 遷都 嚟 避一避 佢 嘅 鋒芒 。 而家 樊城 危急 嘞 ， 佢 又 派 人 嚟 求救 吖 。 嗯 就 係 怕 佢 ， 第日 冇 事喇解 咗 圍 喇 ， 佢 又 會 反覆 啫 。 孫權 都 未曾 講 乜嘢 ， 啲 人 嚟 報告 話 ， 呂蒙 由陸口 坐船 嚟 到 有事 要 當面 稟告 噉 。 孫權 叫 佢 入 嚟 問 佢 有 咩 事 。 呂蒙 話 喇 ： 而家 關雲長 帶兵 去 咗 圍攻 樊城 ， 可以 乘 呢 個 機會 襲取 荊州 啊 主公 。 誒 ， 不過 我 啊 想 北上 去 奪取 徐州 噃， 你 覺得 點呢 ？ 主公 ， 目前 曹操 遠 在 河北 ， 顧 唔 及 東便 。 徐州 嘅 守兵 唔 多 ， 去 打 佢 必定 可以 得勝 嘅 。 但 係 徐州 嘅 地勢 利於 陸戰 而 不利於 水戰 噃， 縱然 得到 咗 亦 難以 固守 。 不如 先取 荊州 ， 完全 控制 住 長江 喇 然後 再 求得 更 大 嘅 發展 為 好 啊 。 哈哈哈 哈哈哈 ， 我 本來 係 想 去 奪取 荊州 嘅 ， 先頭 噉 樣講 係 試下 你 嘅 啫 。 你 盡快 幫 我 策劃 下 ， 收復 荊州 ， 我 隨後 就 起兵 㗎 嘞 。 呂蒙 辭別 咗 孫權 返到 去 陸口 。 探馬 嚟 報告 話 ： 沿住 長江 一帶 ， 每隔 二三十里 都 喺 山崗 上 便 設立 咗 烽火台 啊 噉 。 呂蒙 又 得到 消息 ， 話 荊州 嘅 軍馬 都 做好 晒 準備 加強 防禦 喇 。 呂蒙 就 吃 咗 一驚 喇 ， 佢 諗 ： 如果 真 係 噉 樣 ， 荊州 都 好 難 打 㗎 噃。 弊 啦 ， 我 喺 吳 侯 面前 誇過 海口 ， 話 要 收復 荊州 ， 而家點 做好 呢 ？ 呂蒙 諗 極都 冇 計 嘞 ， 於是 就 實行 詐病 嘞 喎 ， 就 使 人 去 報告 孫權 。 孫權 一直 都 等 住 呂蒙 幫 佢 收復 荊州 嘅 ， 點知 等 來 等 去 所 等到 嘅 呢 ， 卻 係 話 佢 病 咗 喎 噉 ， 大失所望 啦 ， 個心 好 冇 癮 。 陸遜 就 同 孫權 話 喇 ： 呂子明 話 有 病 ， 我 睇 係 假 嘅 啫 ， 唔 係 真病 啊 。 孫權 話 喇 ： 既然 你 知道 佢 係 詐病 ， 你 去 睇 下 佢 究竟 為 咗 咩 嘢 事 。 陸遜 就 去 探 呂蒙 嘞 喎 。 哈哈 ， 果然 見到 呂蒙 呀 ， 面口 紅潤 ， 精神飽滿 ， 一 啲 都 冇 病 。 但 係 呢 ， 陸遜呀並 冇 點 穿 佢 ， 只 係 話 ： 聽聞 你 有 病 ， 吳侯 叫 我 嚟 探下 你 啊 。 哦 ， 哎 ， 我 偶然 有 啲 小病 啫 ， 竟然 要 驚動 到 吳侯 操心 。 又 勞煩 你 嚟 探望 ， 真 係 好 不安 啊 。 子明兄 ， 吳侯交 咗 個 好 重要 嘅 任務 畀 你 ， 你 啊 因為 有 啲 病 就 唔 盡快 採取行動 ， 點解 啊 ？ 誒 ， 唉 ！ 子明兄 ， 我 有 一個 藥方 可以 醫好 你 嘅 病 嘅 ， 唔 知 你 願 唔 願意 試用 下 呢 ？ 啊 ？ 既然 你 有 好 藥方 ， 請 你 快 啲 講我 聽 。 左右 ！ 將軍 。 你 哋 出去 。 係 。 你講 ， 你講 啦 。 哈哈哈 哈哈 ， 子明兄 你 嘅 病 呀 ， 不過 係 因為 荊州 嘅 軍 兵 加強 咗 戒備 ， 沿江 一帶 設立 咗 烽火台 啫 。 小弟 有 一條 計 ， 可以 使到 沿江 嘅 烽火台 不能 起火 ， 荊州 兵馬 束手 歸降 ， 噉 得 未 呢 ？ 啊 ！ 你 真 係 睇 穿 晒 我 嘅 心事 ， 唔 該 你 講講 你 嘅 辦法 係 點呢 ？ 嗱， 關雲長 恃 住 自己 本事 ， 自以 為 無敵於天下 。 佢 所 顧忌 嘅 呢 ， 係 子 明兄 你 啫 。 你 不如 就 趁 呢 個 時候 ， 藉口 話 有 病 ， 提出 辭職 ， 將 守衛 陸 口 嘅 職務 讓 咗 畀 人 。 然後 ， 派 人 去 見 關雲長 ， 態度 要 謙虛 ， 一味 咁 讚頌 佢 ， 使 佢 個 心 驕傲 起 嚟 。 噉 呢 ， 佢 就 必定 撤晒 荊州 嘅 兵馬 轉移 去 樊城 嗰 便 。 等到 荊州 疏於防備 嘞 ， 我 哋 都 唔 使用 好多 人馬 ， 只 係 帶 住 一 旅之師 ， 對 佢 突然襲擊 ， 噉 荊州 就 到手 嘞 。 啊 ！ 真 係 好 辦法 ， 好 辦法 啊 ！ 於是 呂蒙 就 以病 為 藉口 ， 寫 咗 報告 畀 孫權 提出 辭職 。 陸遜 就 返 去 見 咗 孫權 ， 將呢 條 計策 呀 講 畀 佢 聽 ， 呵呵 ， 原來 噉 㗎 嘛 。 孫權 就 叫 呂蒙 返 嚟 建業 養病 。 當 佢 返 到 嚟 嘅 時候 ， 孫權 就 問 佢 話 喇 ： 當初 ， 守衛 陸 口 嘅 任務 係 周公瑾 推薦 魯子敬 嚟 代替 佢 。 收尾 ， 子敬 又 推薦 你 嚟 代替 佢 自己 。 而家 ， 你 亦 要 推薦 一位 無論 才能 、 聲望 ， 都 要 出 眾 嘅 人 嚟 代替 你 至 好 啊 。 主公 ， 若果 用 一位 好 高 聲望 嘅 人 ， 噉 關雲長 就 一定 會 提防 嘅 。 微臣 認為 陸遜 深明 韜略 極有 能力 ， 但 係 外界 都 未曾 知道 ， 關雲長 唔 會 顧忌 佢 ， 用 佢 嚟 代替 微臣 嘅 職務 係 最合適 嘅 。 孫權 好 高興 噉 同意 咗 。 即日 就 任命 陸遜 做 偏 將軍 、 右 都督 ， 代替 呂蒙 鎮守 陸口 。 陸遜接 咗 印 ， 馬上 起程 去 陸口 上任 。 噉 啊 接收 咗 馬 、 步 、 水 三軍 指揮 大權 之後 呢 ， 就 寫 咗 封信 ， 置辦 咗 禮物 ， 無非 係 啲 好 馬 ， 靚 嘅 綢緞 啊 名酒 啊 等等 ， 就 派 個 使者 送 去 樊城 畀 關雲長 嘞 。 當時 關雲長 正 喺 度 調養 箭傷 ， 按兵不動 吖 。 呢 一日 ， 守門 官 嚟 報告 話 ： 啟 稟 將軍 ， 江東 陸 口 嘅 主帥 呂蒙 病危 啊 ， 孫權 調 咗 佢 返 去 醫治 ， 換 咗 陸遜 做 主帥 ， 代替 呂蒙 鎮守 陸口 。 而家 陸遜 派 咗 個 使者 帶住 書信 禮物 ， 嚟 到 拜見 將軍 啊 。 哦 ？ 請 佢 入 嚟 。 噉 關雲長 見到 個 使者 就 話 喇 ： 哈哈哈 哈哈 ， 仲 謀 嘅 見識 真 係 短淺 喇 ， 竟然 用個 後 生仔 嚟 做 主帥 啊 ， 哈哈哈 哈哈哈 。 參見 君侯 ， 陸將軍 有 書信 一封 ， 薄禮 一份 ， 送呈 畀 君侯 。 一來 係 祝賀 君侯 ， 二來 係 想 求得 兩家 和 好 ， 請君侯 笑納 啊 。 關雲長 拆開 封信 睇 下 ， 裏 便 嘅 措辭 呀 極之 謙恭有禮 ， 總之 呢 認晒 低威 就 係 咯 。 關雲長 睇 完 ， 亦 即 係 戴 咗 啊 一兩 打 高帽 ， 哈哈大笑 叫 人收 咗 禮物 ， 打發 個 使者 返扯 。 陸遜 當時 呢 就 只有 卅 六歲 ， 關公 幾大 呢 ？ 已經 五廿 八歲 。 陸遜 啊 寂寂 無名 ， 關公 就 威震 華夏 喎 。 佢 驕傲 喇 ， 睇 陸遜 唔 起 喇 。 噉 啊 使者 返去 見到 陸遜 就 話 嘞 ： 關公 好 歡喜 啊 ， 睇 嚟 ， 佢 對 江東 一 啲 都 唔 擔心 噉 樣 嘞 。 陸遜 噉 就 高興 嘞 ， 又 派出 啲 間諜 去 探聽 消息 ， 知道 關雲長 呀 果然 撤走 咗 荊州 成 大半 嘅 兵力 ， 去 樊城 待命 ， 等到 箭傷 一好 就要 進兵 嘞 噉 。 陸遜 摸清楚 底細 就 立即 派 人 飛快 去 報告 孫權 。 孫權 叫 呂蒙 嚟 商量 話 ： 而家 關雲長 果然 撤 咗 荊州 嘅 兵馬 ， 調 去 攻打 樊城 。 我 哋 噉 就 可以 想 辦法 去 襲擊 荊州 嘞 喎 。 將軍 ， 你 同 我 細佬孫 皎 一齊 帶兵 去 呢 好 嘛 ？ 呢 個 孫皎 別字 叔明 ， 係 孫權 叔父 孫 靜 嘅 第二 仔 啊 。 呂蒙 就 話 喇 ： 主公 你 若果 認為 我 呂蒙 可以 用 ， 就 淨 係 用 我 呂蒙 一個 啦 。 若果 認為 叔明 可以 用 呢 ， 就 淨 係 用 叔明 一個 好 嘞 。 往日 ， 周瑜 、 程普 分別 做 左右 都督 。 雖然 係 由 周瑜 話 事 ， 但 係 程普 認為 自己 係 個 老 臣子 ， 反而 居於 周瑜 之下 ， 所以 兩個 人 嘅 關係 都 幾 不 和 嘅 。 後 嚟 ， 因為 見到 周瑜 確實 有才幹 ， 噉 先至 敬服 佢 啫 。 而家 我 呂蒙 嘅 才幹 不及 周瑜 ， 而 主公 同叔 明 嘅 關係 ， 比 起程 普 嚟 又 親近 得 多咯 。 所以 ， 我怕 事情 好難 做得好 啊 。 啊 ， 哈哈哈 ， 將軍 講得 有理 ！ 孫權 醒悟 嘞 ， 於是 就 任命 呂蒙 做大 都督 ， 總制 江東 各路 軍馬 ， 就 叫孫 皎 喺 後 便 接應 糧草 。 呂蒙 接受 咗 命令 就 着手 準備 。 用八 十幾隻 快船 ， 裝住 三萬 幾名 士兵 ， 就 叫 佢 哋 喺 船 上面 隱蔽 好 。 另外 再選 一批 水性 好 嘅 兵 啊 ， 都 係 着 住 白 衫 嘅 ， 就 扮成 商人 噉 樣 ， 喺 船上 搖櫓 棹 船 。 其次 ， 調 韓當 、 蔣欽 、 朱然 、 潘璋 、 周泰 、 徐盛 、 丁奉 噉 七 員大將 跟 住 進兵 。 其餘 嘅 人馬 就 由 孫權 親自 率領 押後 接應 。 同時 呢 ， 派 使者 送信 去 畀 曹操 ， 叫 佢 派兵 去 襲擊 關雲長 嘅 後方 。 部署 好 之後 呢 ， 就 下令 出發 。 噉 嗰 啲 白衣 人 就 棹 住 啲 快船 去 潯 陽江 ， 日夜不停 噉 一直 棹 到 去 北岸 。 江邊 烽火台 嗰 啲 守 台 軍士 ， 見到 有 船過 嘞 就 盤查 佢 哋 嘞 喎 。 白衣 人 就 回答 話 喇 ： 我 哋 都 係 客商 ， 因為 遇 着 大風 ， 所以 就 灣 喺 度 避 下風 啫 。 一字講 ， 一字 就 送禮物 過去 嘞 。 雞 髀 打人 就 牙 骹 軟 啊 。 守 烽火台 嘅 軍士 收 咗 錢財 禮物 ， 就 任由 啲 船泊 晒 喺 江邊 嚟 嘞 。 好 喇 ， 大約 到 咗 夜晚 二 更 時分 ， 隱蔽 喺 船上 嘅 兵士 走出 嚟 將 烽火台 嘅 官軍 捉住 。 一聲 暗號 ， 八 十幾隻 船 嘅 精兵 一齊 出 嚟 逳 手 ， 將 所有 險要 地方 烽火台 嘅 守軍 啊 ， 一個 不漏 捉 晒 落船 。 於是 就 毫無 攔阻 ， 長驅直進 嘞 。 上下 到 荊州 喇 ， 呂蒙 叫齊 俘虜 嗰 啲 官軍 嚟 ， 好言好語 同 佢 哋 講 ， 賞賜 佢 哋 ， 叫 佢 哋 去 氹 開 城門 就 放火 為號 。 呢 班 俘虜 兵 都 肯 䎺 啊 ， 呂蒙 就 叫 佢 哋 行前 帶路 。 到 咗 半夜 ， 佢 哋 嚟 到 荊州 城下 叫門 。 守門 官 認得 係 荊州 兵 啊 咪 就 開 城門 咯 。 哦 嗬衝 啊 噉 嗰 班 兵士 湧 咗 入城 ， 立即 就 放起 信號 火 嘞 。 得法 喇 ， 東吳 兵 啊 跟 住 㗾㗾 聲 衝入 城 ， 就 佔領 咗 荊州 。 入 咗 城 ， 呂蒙 立即 下令 ， 若果 亂 殺人 嘅 ， 亂 攞 民間 財物 嘅 ， 軍法 處理 噉 。 同時 啊 吩咐 原來 嘅 官吏 ， 各人 做返 自己 嘅 職務 。 另外 呢 ， 將 關雲長 嘅 家屬 啊 ， 就 搵 一間 屋 畀 佢 哋 住 開 ， 唔 準 閒人 騷擾 。 一便 就 派 人 向 孫權 報告 得勝 嘅 消息 嘞 。 有 一日 ， 落緊 大雨 喎 ， 呂蒙 騎住 馬 ， 帶住 幾個 人 四圍 噉 去 巡視 。 吖 佢 發現 有個 兵士 攞 咗 居民 一件 蓑衣 嚟 褸 喺 身上 ，冚 住 嗰 件 鐵甲 。 呂蒙 即刻 叫 人 拉 咗 佢 嚟 問 ， 一問 ， 原來 係 呂蒙 嘅 鄉里 嚟 。 呂蒙 話 喇 ： 你 雖然 係 我 嘅 鄉里 ， 但 係 我 嘅 命令 已經 出 咗 喇 ， 你 違反 咗 命令 ， 就要 按 軍法 處置 。 將軍 ， 將軍 可憐 下 ， 小卒 都 係 為 咗 怕 啲 雨 𢱕 濕 公家 嘅 鐵甲 唧 ， 所以 攞 件 蓑衣 嚟 冚 住 佢 ， 唔 係 為 咗 自己 用 㗎 。 請 將軍 你 乃念 同鄉 之情 ， 饒恕 咗 小卒 啦 ！ 我 知道 你 係 為 咗 冚 住 公家 嘅 鐵甲 ， 但 係 講 到底 ， 你 唔 應該 攞 老百姓 嘅 物件 。 講完 ， 呂蒙 命令 衛士 將 嗰 個 士兵 拉 咗 去 斬首 ， 並且 將 佢 個 首級 嚟 示眾 。 之後 呢 ， 呂蒙 流住 眼淚 ， 叫 人斂 咗 呢 個 士兵 嘅 屍體 安葬 咗 佢 。 嘩 ， 軍法 無情 啊 ！ 從此 之後 呀 ， 三軍 將士 都 唔 知 幾 咁 守紀律 。 過 咗 幾日 ， 孫權 帶住 大家 嚟 到 荊州 ， 呂蒙 出 到 城外 迎接 啦 。 孫權 仍然 任命 潘濬 做治中 ， 掌管 荊州 嘅 政務 。 又 喺 監獄 放 咗 于 禁出 嚟 ， 將 佢 送 返 去 畀 曹操 。 然後 就 安民 勞軍 ， 大排 筵席 嚟 慶祝 勝利 ， 呢 啲 呢 就 不在話下 喇 。 呢 一日 ， 孫權 又 同 呂蒙 商量 話 ： 而家 荊州 已經 得 返 嘞 ， 但 係 公安 、 南郡 呢 兩 笪 地方 又 點樣 去 收復 好 呢 吓 ？ 孫權 說話 未 完 ， 虞翻 就 行出 嚟 話 喇 ： 唔 使 主公 動用 一 弓一箭 ， 我 就 靠 呢 三寸不爛之舌 就 可以 講 掂 公安 傅士仁 嚟 投降 。 好極 喇 ！ 你 有 咩 嘢 好 辦法 可以 使到 傅士仁 嚟 投降 呢 吓 ？ 我 自細同 傅士仁 係 好 朋友 ， 若果 去 同 佢 講明 利害 ， 佢 必定 嚟 歸降 主公 嘅 。 孫權 極之 歡喜 嘞 ， 就 命令 虞翻 帶領 五百名 軍士 去 公安 。 而家 講下 傅士仁 ， 佢 啊 聽聞 荊州 失守 ， 急急 命令 緊閉 城門 就 準備 死守 嘞 噃。 虞翻 嚟 到 啊 見到 閂 死 晒 城門 ， 就 寫 一封信 綁 喺 支箭 處 ，𠻘 噉 射入 去 城裏 便 。 守城 嘅 軍士 執到 就 攞 去 畀 傅士仁 。 拆開 嚟 睇 下 ， 係 叫 佢 投降 嘅 。 傅士仁 個心 諗 ： 哼 ， 關雲長 都 咁 嬲 自己 嘅 ， 噉 不如 投降 東吳 仲好 啦 。 即刻 就 下令 大開 城門 ， 請 虞 翻入 城 。 兩個 人見 咗 面 互相 行過禮 ， 傾 咗 一輪 往日 嘅 情誼 。 虞翻 就 猛講 孫權 點樣 寬宏大度 ， 禮賢下士 愛惜人才 等等 。 傅士仁 覺得 遇到 個 噉 嘅 主公 啊 妥當 啦 ， 即刻 就 捧住 個 大印 ， 跟 住 虞 翻 去 荊州 投降 嘞 。 孫權 好 高興 ， 仍然 任命 佢 去 把守 公安 。 噉 呂蒙 靜靜 同 孫權 講 ： 而家仲未 捉 到 關雲長 噃， 若果 留 傅士仁 喺 公安 ， 時間 一長 就 會 有 變故 。 不如 叫 佢 去 南郡 ， 招 糜芳 嚟 投降 罷啦 。 孫權 諗 落 有 道理 ， 就 叫 傅士仁 嚟 對 佢 話 ： 糜芳同 你 係 好 朋友 吖 ， 你 去 招 佢 嚟 投降 啦 ， 成功 咗 ， 我 重重 有賞 。 傅士仁 毫不猶豫 噉 就 答應 咗 ， 帶住 十幾個 人 就 騎馬 出發 去 南郡 招安 糜芳 。 糜芳 聽 講話 荊州 失守 ， 急 到 佢 死死 下 ， 但 係 又 冇 計好 諗 噃。 呢 一日 ， 話 傅士仁 嚟 到 唄 ， 連忙 接 佢 入 城 就 問 佢 有 咩 咁 緊要 個事 。 傅士仁 開門見山 佢 話 ： 唔 係 我 唔 忠心 ， 事關 情勢 危急 ， 力量薄弱 ， 冇 辦法 支持 得 住 。 我 已經 投降 咗 東吳 喇 ， 將軍 你 亦 都 不如 投降 罷啦 。 噉 唔 得 嘅 ， 我 哋 受 漢中 王 咁 多 恩德 ， 點 忍心 背叛 佢 啊 ？ 不過 糜 將軍 你 要 諗 下 噃， 關公 往日 咁 痛恨 我 哋 兩個 人 ， 若果 有朝一日 佢 打勝 咗 返 嚟 ， 佢 會 放過 我 哋 嘅 咩 ！ 將軍 你 仔細 考慮 下 。 哎 我 兩 兄弟 跟隨 漢中 王 咁 耐咯 ， 唔 能夠 突然 間 背叛 佢 㗎 。 糜芳 正 喺 度 猶豫 緊 ， 個心 啊 十五 十六 。 就 喺 呢 個 時候 ， 關雲長 派 咗 個 使者 嚟 ， 佢 同 糜 芳 話 ： 關公 嘅 軍隊 而家 缺糧 啊 ， 要 嚟 南郡 、 公安 兩 笪 地方 攞 十萬 石 白米 。 關公 命令 兩位 將軍 盡快 解 啲 糧去 前線 ， 如果 遲 就要 斬首 啊 。 當堂 嚇到 糜芳 大驚 ： 嗯 ， 傅 將軍 呀 ， 而家 荊州 已經 落 喺 東吳 之手 喇 ， 噉 呢 啲 糧食 點樣 運得 去 㗎 ？ 糜 將軍 ， 你 唔 使 諗 咁 多咯 。 傅士仁 撐 噉 拔出 把 劍 ， 就 喺 大堂 之上 一劍 斬 死 咗 關雲長 個 使者 。 哎呀 ， 哎呀 ， 傅 將軍 ， 點解 你 要 殺 咗 佢 ？ 關公 要 我 哋 送 糧草 ， 就 係 想 殺 我 哋 兩個 唧 ， 唔 通 我 哋 束手待斃 呀 ？ 糜 將軍 ， 如果 你 唔 投降 東吳 實 畀 關公 殺 㗎 ！ 正 喺 度 講 緊 ， 探馬 嚟 報告 話 呂蒙 已經 帶兵 殺到 喇 噉 。 糜芳 冇 得 考慮 咯 ， 於是 就 同 傅士仁 出 城 投降 。 呂蒙 都 唔 使 打 就 攞 到 南郡 、 公安 ， 好 歡喜 啊 。 即刻 就 帶 佢 哋 去 見 孫權 ， 孫權 重重 噉 賞賜 佢 哋 兩個 。 出榜 安民 就 唔 準 騷擾 百姓 ， 然後 就 犒勞 三軍 ， 呢 啲 就 唔 講 佢 喇 。 而家 就 講下 曹操 ， 佢 係 當時 喺 許都 。 呢 一日 ， 佢 正在 同一 班 謀士 議論 緊 荊州 嘅 事 。 東吳 嘅 使者 帶住 孫權 嘅 書信 嚟 見 佢 。 曹操 接 咗 封信 拆開 嚟 睇 下 ， 內容 呢 就 係 話 吳兵 就 快要 襲擊 荊州 喇 ， 請求 曹操 出兵 去 夾攻 關雲長 。 而且 叮囑 曹操 啊 ， 要 保守機密 ， 免致 畀 關雲長 知道 咗 呢 就 有所準備 喇 噉 。 曹操 同 佢 嗰 班 謀士 研究 嘞 。 董昭話 ： 而家 樊城 被圍 ， 好 急 住 等 住 去 救 佢 哋 。 不如 派人將 呢 封 信用 箭 射入 樊城 裏 便 等 大家 安心 。 同時 呢 ， 一定 要 畀 關公 知道 東吳 呀 就要 襲擊 荊州 喇 。 噉 佢 怕 荊州 危險 啊 ， 必然 即刻 退兵 嘅 。 到 時 叫 徐晃 趁勢 追擊 ， 噉 就 可以 獲得 全勝 喇 。 呢 一招 都 幾絕 㗎 吓 。 曹操 聽 佢 嘅 ， 於是 一方面 就 派 人 催促 徐晃 盡快 去 進攻 關雲長 。 另 一 方便 呢 ， 親自 統率 大軍 ， 直到 洛陽 南方 嘅 陽 陵 坡 駐 扎 ， 就 援救 曹仁 嘞 。 徐晃接 咗 曹操 要 佢 進攻 關雲長 同 樊城 解圍 嘅 命令 。 跟 住 啊 ， 又 探聽到 ， 關平 嘅 兵馬 就 駐 扎 喺 偃 城 ， 廖 化 嘅 兵馬 就 駐 扎 喺 四 冢 。 噉 啊 前後 總共 一十二個 營寨 連綿不斷 。 徐晃 當機立斷 ， 立即 命令 副將 徐商 、 呂建 ， 打起 徐 晃 佢 個 旗號 ， 去 偃城 正面 對 關平 發起 進攻 。 而 佢 自己 呢 ， 就 帶 住 五百 精兵 ， 順住 沔水 由 背後 去 偷襲 偃城 。 關平 聽聞 徐晃 帶兵 嚟 到 唄 ， 就 率領 本部 兵馬 嚟 迎敵 嘞 。 兩陣 對圓 ， 關平 出馬 同 徐商 交鋒 。 僅僅 係 打 咗 三個 回合 ， 徐商 大敗 而 走 啊 。 跟 住 呂建 出馬 ， 亦 係 打 咗 五六個 回合 呢 都 打敗 走人 嘞 ， 關平 乘勝 追殺 一路 追 咗 廿幾里 。 突然 有 報告 嚟 話 城內 起火 喇 ， 弊 喇 關平 知道 中計 喇 ， 急忙 勒兵 返去 救 偃城 。 誰知 行到 半路 就 撞 正 一彪 軍馬 就 攔住 去路 。 徐晃 騎馬 就 企 正 喺 門 旗 之下 ， 大聲 噉 話 ： 關平 賢侄 ， 真 係 唔 識 死 喇 你 ！ 你 哋 荊州 呀 已經 畀 東吳 奪 咗 去 喇 ， 你 仲 喺 呢 度 發 乜嘢 狂 啊 ！ 豈有此理 ！ 關平 嬲 到極 啊 縱 馬舞刀 直取 徐晃 。 打 咗 三四個 回合 ， 嗬 噉 啲 兵 嘈起 上 嚟 。 嘩 ， 只見 偃 城裏 便 呀 大火 熊熊 ， 燒到 半邊天 都 紅晒 。 關平 不敢 戀戰 喇 ， 殺開 條路 趯 咗 去 四冢寨 。 廖化 見到 佢 就 問 啦 ： 聽講 荊州 已經 畀 呂蒙 偷襲 咗 喇 ， 而家 軍心 驚慌 ， 如之奈何 啊 ？ 哼 ， 呢 啲 實 係 謠言 ， 兵士 再 講 嘅 就 斬 ！ 正 喺 度 講 緊 ， 流星 馬 嚟 報告 話 ： 正北方 嘅 第一 兵營 呀 畀 徐晃 帶兵 嚟 攻打 緊 。 哎呀 ， 關平 話 ： 如果 第一 兵營 失守 ， 其他 各營 就 有 危險 喇 。 呢 處 靠近 沔水 ， 曹兵 唔 敢 嚟 嘅 ， 我同 你 一齊 去 救 第一 兵營 啦 。 廖化 就 立即 叫齊 部下 嘅 將官 ， 吩咐 佢 哋 話 ： 你 哋 要 堅守 營寨 ， 如果 魏兵 嚟 到 就 即刻 點火 做 信號 啦 。 嗰 啲 將官 話 ： 將軍 放心 ， 四 冢 營寨 ， 佈置 咗 十重 鹿角 咁 多 障礙物 ， 就算 係 雀 仔 都 飛 唔 入 啊 ， 使 乜 憂 啲 魏兵 ！ 於是 關平 、 廖化 就 出齊 四 冢 營寨 嘅 精兵 ， 飛速 趕到 去 第一 兵營 駐扎 。 關平 啊 先 觀察 咗 一下 敵情 ， 見到 魏兵 駐 扎 喺 啲 矮 山上 便 ， 佢 就 同 廖 化 話 喇 ： 徐晃 駐兵 都 唔 得 地利 嘅 ， 今晚 去 劫 佢 個 寨 就 啱 嘞 。 噉 小 將軍 你 帶 一半 兵馬 去 ， 我 就 喺 度 把守 本寨 啦 。 當晚 ， 關平 帶住 一支 兵馬 殺入 去 曹 軍營 寨 。 撞 到 入 去 咦 一個 人 都 冇 見 ， 中計 喇 ！ 關平 火速 退後 。 畀 徐商 、 呂建 一左一右 兩便 夾攻 ， 打 到 關平 大敗 回營 。 曹兵 啊 趁勢 追殺 過 嚟 ， 四面 沊沊𡃈 噉 圍住 猛攻 。 關平 、 廖化 頂 唔 順 嘞 ， 就 唯有 放棄 第一 兵營 ， 撤退 返去 四 冢 營寨 。 哎呀 ！ 遠遠 就 望見 寨裏 頭 大火 沖天 ， 急忙 跑 到 返去 營寨 前 便 ， 嘩 只見 全部 都換 咗 曹兵 旗號 咯 。 弊 傢伙 喇 ， 即刻 退兵 想 由 大路 趯 去 樊城 。 又 畀 一支 軍隊 喺 前 便 攔住 ， 為首 一員大將 乃 係 徐晃 。 關平 、 廖化 兩位 一齊 衝上去 ， 出盡 死力 猛打 ， 衝開 條路 帶 住 一班 殘兵敗將 啊 返到 嚟 大寨 見 關雲長 。 關平 話 喇 ： 稟告 父親 ， 而家 徐晃 已經 攻陷 咗 偃城 各個 地方 。 兼 之 曹操 就 親自 率領 大軍 ， 分 三路 嚟 救 樊城 。 誒 聽 好多 人 都 話 ， 荊州 已經 畀 呂蒙 偷襲 咗 喇 噉 。 哼 ！ 呢 啲 係 敵人 造 嘅 謠言 ， 想 擾亂 我 哋 軍心 。 呂蒙正 係 病危 ， 而家 由個 後 生仔 陸遜 嚟 代替 佢 嘅 職務 ， 不足 為 慮 嘅 。 話口 未 完 ， 徐晃 帶兵 嚟 到 嘞 。 關雲長 即刻 叫 人 同 佢 備 馬 。 關平 就 話 喇 ： 父親 嘅 身體 仲未 復元 ， 唔 好 出戰 喇 。 徐晃 過去 同 我 有 交情 ， 呢 個人 係 有 本事 。 如果 佢 唔 肯 退兵 ， 我 就 斬 咗 佢 先 ， 警告 下 其他 嘅 魏 將 ！ 於是 披掛 上馬 ， 奮起 神威 出 到 陣前 。 嘩 嗨 嗰 啲 魏兵見 到 呀 個個 都 膽戰心驚 啊 。 關雲長 勒定 馬 ， 佢 問 ： 徐公明 喺 度 嘛 ？ 只見 曹 營 嘅 門 旗 一開 ， 徐晃 出馬 ， 佢 護 一 護 個 身 話 ： 自從 同君侯 分別 ， 轉眼 又 幾年 ， 冇 想到 君 侯 嘅 鬚髮 都 已經 蒼白 咯 。 諗 起 壯年 嘅 時候 ， 同君侯 來往 ， 時時 得 你 嘅 教誨 真 係 十分 感激 ， 我 一直 都 冇 忘記 。 今日 ， 君 侯 嘅 英雄氣概 威震 華夏 ， 使 我 呢 個 老朋友 聽到 都 非常 羨慕 啊 。 今日 有 機會 見面 覺得 好 安慰 好 安慰 啊 。 既然 你仲 記得 我 哋 嘅 交情 係 咁 深厚 ， 唔 同 第個 ， 點解 你 而家 屢次三番 嚟 逼 我 個 仔 呢 ？ 點 知道 徐晃 講完 開頭 一段 懷舊 嘅 說話 ， 乜 都 唔 講 客氣 嘞 。 佢 對 住 部下 嘅 將官 大聲 噉 話 ： 邊個 斬到 關雲長 首級 嘅 ， 重賞 千金 ！ 關雲長 啊 大為 驚奇 喇 ： 公明 ， 乜 你講 啲 噉 說話 嘅 ？ 今日 呢 啲 乃 係 國家 嘅 事 ， 我 唔 敢 以私廢公 啊 ！ 徐晃 講完 ， 揮舞 大斧 啊 直取 關雲長 。 關雲長 發火 喇 ， 舞起 大刀 上前 迎戰 。 激戰 咗 八 十幾個 回合 ， 唉 ， 關雲長 雖然 武藝 絕倫 啊 ， 但 係 隻 右手 終歸 係 唔 夠力 吖 。 關平 怕 父親 頂 唔 住 ， 急急 打鑼 收兵 。 關雲長 呢 就 撥轉 馬頭 回營 嘞 。