張悦楷講《三國演義》, 117

而家 又 講下 孟獲 啊 ， 佢 畀 孔明 六擒六縱 之後 呢 ， 佢 又 同 佢 舅 仔 帶來 洞主 啊 ， 去 投奔 烏戈國 ， 拜見 國 主 兀突 骨 嘞 喎 。 烏戈國 呀 ， 原來 係 冇 房屋 嘅 ， 人人 都 喺 山邊 挖 啲 窯洞 住 㗎 啫 。 孟獲 去 到 ， 就將 啲 事講 畀 兀突 骨 聽 。 兀突 骨 就 話 喇 ： 好 啦 ， 你 嘅 事 即 係 我 嘅 事 啊 ， 我 一 於 出兵 同 你 報仇 ！ 孟獲 就 即刻 叩頭 多謝 喇 。 於是 兀突 骨 啊 ， 叫 佢 嗰 兩個 帶兵 頭目 嚟 ， 呢 兩個 頭目 ， 一個 叫做 土安 ， 一個 叫做 奚泥 。 點起 三萬 藤甲兵 就 離開 烏戈國 ， 向 住 東北方 出發 去 同 蜀 兵 作戰 嘞 。 佢 哋 行 到 一條 河 叫做 桃花 水 呀 ， 河 嘅 兩岸 都 係 桃樹 嚟 ， 睇 上 嚟 靚 就 確係 靚 喇 。 但 係 自古以來 年 年 啲 桃樹 跌 啲 葉落 條河 處 呢 ， 如果 第二 國 嘅 人 飲 咗 啲 河水 啊實 死 嘅 ， 唯獨 是 烏戈國 啲 人 飲 咗 呢 ， 哈 就 更加 精神 爽利 嘅 噃。 兀突 骨 啲 兵馬 嚟 到 桃花 渡口 就 扎落 營寨 ， 等 住 蜀 兵 嚟 嘞 。 而家 講下 孔明 ， 佢 探聽到 呢 個 情況 啊 ， 就 統率 兵馬 ， 一直 前進 嚟 到 桃花 渡口 。 哎呀 隔岸 望見 嗰 啲 蠻 兵 呀 ， 哼 ， 人 唔 似人 鬼 唔 似鬼個樣 啊 ， 醜得 淒涼 咯 。 又 問下 啲 土人 ， 話 而家 正 係 桃 葉落 嘅 時候 啊 ， 啲 水 唔 飲 得 嘅 噉 。 孔明 就 吩咐 退後 五里 ， 扎落 營寨 ， 就 留魏 延 喺 度 把守 。 第 日 ， 烏戈國 主 ， 帶領 一彪 藤甲軍 過河 嚟 進攻 嘞 。 擂響 戰鼓 打響 銅鑼 ， 呱呱 聲 噉 大聲 吶喊 。 魏延 立即 帶兵 出 嚟 迎戰 嘞 。 嗰 彪 蠻 兵 呀 ， 捲 地 而 嚟 啊 。 蜀兵 就 隔 遠 就 用 箭 亂射 過去 ， 吖 ！ 點 知道 啲 箭 射 到 落 藤甲 上 便 ，𠻘 聲 就 滑開 咗 ， 根本 就 射 唔 入 去 嘅 跌 晒 落地 。 啲 蠻兵 啊 衝到 埋身 嘞 噃， 蜀 兵用 刀 斬 用 槍刺 啊 亦 斬 唔 入 ， 刺 唔 穿 嘅 ， 嘩 噉 點有 得 打 㗎 ！ 而且 啲 蠻兵 呢 ， 都 係 使 利刀 使 鋼叉 嘅 。 蜀兵 頂 唔 住 喇 打敗 走人 喇 。 啲 蠻兵 亦 冇 追 喎 ， 自己 啊 退返 扯 嘞 。 魏延 跑 返 轉頭 ， 趕到 去 桃花 渡口 睇 下 ， 嘿 ， 只見 啲 蠻兵 呀 ， 就 噉 着 住 藤甲 游水 過河 。 其中 有 啲 呢 大概 係 覺得 攰 喇 ， 哈 居然 除開 件 藤甲 ， 放 喺 水面 個人 呢 就 坐 喺 上 便 嚟 ， 十足 坐 隻 艇 仔 噉 ， 噉 爬 下 爬 下 就 爬 咗 過去 嘞 。 嘿 呀 魏延 呀 急急 跑 返去 大本營 ， 將 見到 嘅 情況 ， 逐一 逐二講 畀 孔明聽 。 孔明 就 請 呂凱同 當地 嘅 土人 嚟 問下 啦 。 呂凱話 喇 ： 係 啊 ， 我 都 聽聞 講 ， 南蠻 當中 有個 烏戈國 ， 都 冇 人倫 㗎 。 更 兼有 藤甲 護身 ， 只有 佢 打 你 冇 你 打 佢 嘅 。 又 有 啲 桃葉 毒水 ， 佢 哋 本國 人 飲 咗 呢 ， 就 精神百倍 ， 之 第 國人 飲親 呀 就 立即 死 人 嘅 。 丞相 呀 ， 好似 啲 噉 嘅 南蠻 地方 ， 縱使 大獲全勝 喇 ， 亦 冇 乜 益處 㗎 啫 ， 不如 趁早 班師回朝 罷啦 。 哈哈哈哈 ， 我 哋 嚟 得到 呢 處極 唔 容易 ， 點 能夠 就 噉 就 返 去 呢 ？ 唔 緊要 ， 我 聽 日 自然 有 制服 蠻 兵 嘅 辦法 㗎 喇 。 孔明 於是 派 趙雲 啊 ， 協助 魏延 把守 營寨 ， 並且 吩咐 佢 哋 唔 好 出戰 。 到 咗 第日 ， 孔明 叫個 土人 帶路 ， 自己 坐住 架 四輪車 ， 去 桃花 渡口 北岸 嘅 深山 大嶺 啊 ， 到處 去 視察 地形 。 噉 去 到 啲 崎嶇 險峻 嘅 地方 呢 ， 車唔 行得 嘞 ， 孔明 就 落車 步行 。 行下 睇 下 ， 睇 下行 下 ， 就 行到 一座 大山 。 望見 前 便 有 個 山谷 ， 就 好似 條 長蛇 噉 嘅 ， 兩邊 兩面 都 係 懸崖峭壁 ， 光 脫脫 冇 到 樹木 ， 當中 一條 大路 。 孔明問 個 土人 話 喇 ： 呢 個 山谷 叫做 咩 嘢 名 啊 ？ 叫做 盤蛇谷 呀 。 出 咗 山谷 ， 誒 就 係 去 三 江城 嘅 大路 ， 山谷 前 便 叫做 塔郎甸 啊 。 哎呀呀 ， 真 係 天賜 我 一 笪 成功 嘅 好 地方 啊 。 孔明 立即 行返 舊路 ， 上車 返到 大本營 ， 就 叫 馬岱 嚟 吩咐 佢 話 ： 馬 將軍 ， 我交 畀 你 十部 黑油 櫃車 ， 你 再 去 準備 一千條 竹竿 ， 將車櫃 裏 便 嘅 物件 ， 如此 如此 ， 啊 。 你將 本部 兵馬 ， 守住 盤蛇谷 兩頭 ， 依照 我 講 嘅 辦法 去 做 。 限 你 半個 月 ， 要 一切 都 做好 佢 ， 到期 喇 就 如此 如此 。 如果 走漏消息 ， 就 按 軍法 處理 。 得 令 ！ 馬岱 接受 咗 命令 走 啦 。 孔明 又 叫 趙雲 嚟 吩咐 佢 話 ： 趙 將軍 ， 你 去 盤蛇谷 後 便 三江 大路口 把守 。 要 如此 如此 ， 所用 嘅 物件 要 依期 準備 妥當 。 得令 啊 ！ 趙雲 接受 咗 命令 去 嘞 。 跟 住 孔明 又 叫 魏延 嚟 吩咐 佢 話 ： 魏 將軍 ， 你 率領 本部 兵馬 去 桃花 渡口 扎寨 。 如果 蠻兵 渡河 過 嚟 攻擊 呢 ， 你 就 放棄 營寨 ， 向 插住 白旗 嘅 地方 逃走 。 我限 你 喺 半個 月 內 ， 要 連輸 十五陣 ， 放棄 七個 營寨 。 如果 只 係 輸 十四 陣 都 唔 好 嚟 見 我 。 魏 將軍 ， 魏 將軍 ！ 吓 ？ 哦 ， 得 令 ！ 魏延 接受 咗 命令 ， 周身 唔 舒服 冇 釐 神氣 噉 去 咗 咯 。 孔明 又 叫 張翼 啊 ， 帶領 一支 軍隊 ， 依照 指定 嘅 地方 建立 營寨 。 另外 呢 ， 又 命令 張嶷 、 馬 忠 ， 率領 投降 過 嚟 嘅 蠻 兵 千 幾 人 ， 如此這般 噉 。 好 喇 ， 部署 好 喇 ， 各人 都 依照 計策 去 做 咯 噃。 而家 就 返 轉頭 講返 下 孟獲 。 呢 一日 佢 同 烏戈國 主 兀突 骨話 ： 諸葛亮 ， 好多 詭計 啊 ， 一味 打埋伏 。 以後 ， 同 佢 哋 交戰 呀 ， 要 吩咐 三軍 ， 但凡 ， 見到 啲 山谷 啊 、 樹林 啊 ， 千祈千祈 唔 好 隨便 入去 啊 。 嘿 大王 你 講得 有 道理 啊 ， 我 都 知道 中國 人 呀 好多 詭計 嘅 。 以後 ， 就學 似 你 講 嘅 噉 樣 做 啦 ， 我 喺 前 便 嚟 廝殺 ， 你 喺 後 便 嚟 指點 啦 ！ 兩個 大王 噉 就 商量 妥 對付 孔明 辦法 嘞 喎 。 有 一日 ， 有 報告 嚟 話 蜀 兵 喺 桃花 渡口 北岸 ， 建立 起 營寨 噉 。 兀突 骨 啊 立即 派 兩個 大 頭目 ， 率領 藤甲軍 過河 去 同 蜀 兵 交戰 。 魏延 打 咗 幾個 回合 ， 就 打敗 撤退 啦 。 蠻兵 怕 有 埋伏 喎 唔 敢 追 ， 自己 返 轉頭 喇 。 到 咗 第日 ， 魏延 又 試去 建立 營寨 。 蠻兵 知道 咗 又 試 帶兵 過 嚟 打 啦 。 魏延 同 佢 哋 打 咗 幾個 回合 ， 哈 又 打敗 逃走 。 呢 次 啲 蠻兵 啊 追住 殺 過去 嘞 ， 追 咗 十幾 里 ， 哈哈 ， 見到 四圍 冇 埋伏 吖 ， 就 索性 喺 蜀 軍 放棄 嘅 營寨 住落 嚟 。 第 日 ， 嗰 兩個 大 頭目 ， 就 請 兀突 骨 嚟 到 新 佔領 嘅 營寨 ， 講 畀 佢 聽 係 點樣 點樣 佔領 嘅 噉 。 嘿 兀突 骨好 歡喜 啊 ， 立即 帶兵 大舉進攻 ， 將魏延 追 咗 一輪 。 啲 蜀 兵 丟盔棄甲 就 猛 走 猛 走 。 魏延帶 住 呢 支 專門 打敗仗 嘅 軍隊 就 一味 望住 插起 白旗 嘅 地方 逃跑 過去 。 果然 ， 去 到 白旗 嗰 度 呢 ， 早就 有個 空 營寨 喺 度 等 住 㗎 喇 ， 噉 魏延 啲 兵馬 就 喺 呢 個 營寨 駐扎 啦 。 噉 兀突 骨 帶兵 追到 嚟 喇 ， 魏延 就 率領 軍隊 放棄 營寨 就 逃走 ， 噉 蠻兵 啊 佔領 咗 營寨 嘞 喎 。 第 日 ， 蠻兵 又 向 住 前方 追殺 。 魏延 就 回兵 同 佢 哋 交戰 ， 打 咗 唔 夠 三個 回合 又試 打敗 ， 一味 就 望 住 插 白旗 嗰 度 逃跑 。 去 到 ， 又 有 個 空營 喺 度 等 住 ， 噉 魏延 就 照例 又 住 落 啦 。 第 日 ， 蠻兵 又 到 嘞 ， 魏延 呀 稍 為 打 幾打 又 走 ， 於是 蠻兵 啊 再次 奪取 到 營寨 。 好 喇 ， 唔 好 講得 咁 囉嗦 喇 。 而家 就 講下 魏 延 佢 且 戰 且 走 啊 ， 已經 輸 咗 足足 十五陣 就 連氣 放棄 咗 七個 營寨 ， 引到 啲 蠻兵 就 猛 咁 追殺 。 兀突 骨 就 親自 打前鋒 喎 。 佢 一路上 呢 ， 但凡 見到 樹林 茂盛 嘅 地方 ， 就 叫 啲 兵 唔 好入 去 。 又 派 人 離遠 噉 望 下 ， 嘩 果然 見到 呀 ， 喺 啲 樹蔭 裏 便 ， 插住 好多 旗 嘅 。 兀突 骨 就 對 孟 獲話 喇 ： 係 喎 係 喎 ， 果然 不 出 大王 所料 喎 。 嘻嘻哈哈 哈哈哈哈 ， 誒 ， 諸葛亮 ， 你 詭計 ， 呢 一次 呀 ， 畀 我 識穿 晒 喇 ！ 大王 啊 ， 你 連氣贏 咗 佢 十五陣 ， 佔 咗 佢 ， 七個 營寨 ， 蜀兵 望風 而 走 。 諸葛亮 ， 已經 冇 晒術 喇 啊 ， 嘻 哈哈哈 哈哈哈 ， 呢 次 大王 呀 ， 再 一 進兵 ， 就 大事 成功 喇 ！ 兀突 骨 畀 孟獲 噉 樣 恭維 ， 歡喜 到 周身 鬆 晒 ， 一 啲 都 唔 將蜀兵 放在 眼內 嘞 。 到 咗 第十六 日 ， 魏延帶 住 佢 嗰 隊 殘兵敗將 ， 又 試 嚟 同 藤甲兵 對敵 。 兀突 骨 就 騎 住 隻 大象 行先 。 只見 佢 頭戴 日月 狼 鬚 帽 ， 身披 叮叮 噔 噔 嘅 金 珠 纓絡 ， 兩 便 嘅 小 掩 啊 ， 露出 一片片 鱗甲 ， 個 雙眼 呀 閃閃發光 嘅 。 佢 指 住 魏 延 嘰 哩 呱 啦 噉 猛 咁 鬧 。 魏延 都 唔 知 你 噏 乜 啊 ， 虛晃 一刀 ， 撥馬 就 走 。 嗰 啲 蠻 兵 就 好似 潮水 噉 㗾 噉 湧過 嚟 。 魏延 帶兵 轉過 咗 盤蛇谷 ， 向 住 插 白旗 嘅 地方 跑 。 兀突 骨 就 帶 住 蠻兵 嘩嘩 聲 狂呼 大叫 ， 跟 實後便 就 追殺 過去 。 兀突 骨 見到 山上 便 一 啲 樹木 雜草 都 冇 嘅 ， 諗 住實 冇 埋伏 㗎 啦 就 放心 追上去 ， 追 啊 追 啊 就 追 咗 入 去 山谷 。 嗯 ？ 見到 有 幾十架 黑油 櫃車 就 停 咗 喺 條 路 處 。 啲 蠻兵 就 報告 話 喇 ： 大王 啊 ， 呢 處 係 蜀 軍 運糧 嘅 路 嚟 㗎 。 佢 哋 見到 大王 帶兵 衝到 嚟 ， 掉 低 晒 啲 糧車 逃命 走 咗 咯 ！ 好 啊 ， 追 ！ 兀突 骨 指揮 啲 蠻兵 繼續 向前 追 ， 就 嚟 追到 山谷 嘅 出口 喇 。 咦 ？ 乜 唔 見 晒 啲 蜀 兵 嘞 喎 。 忽然間 ， 零零 林 林 喺 山上 便 呀 碌 咗 無數 咁 多 木頭 大石 落 嚟 ， 塞住 晒 山谷 嘅 出口 。 兀突 骨 就 叫 啲 人 搬開 啲 木頭 大石 ， 一 於 開路 前進 。 點 知道 見到 前 便 呀 原來 仲有 大大小小 好多 車輛 ， 裝滿 晒 乾柴 含 含聲 燒着 喇 。 弊 喇 ！ 兀突 骨 就 連忙 大 嗌 退兵 ， 退兵 噉 。 誰知 後軍 又 鬼 殺 咁 嘈 ， 一問 ， 弊弊 冇 咁 弊 喇 ， 原來 話 山谷 入口 嗰 度 啊 ， 已經 畀 乾柴 塞到實 。 車上 便 都 係 火藥 嚟 ， 已經 燒着 晒 喇 噉 。 兀突 骨 見到 呢 處 就 冇 草 冇 樹 ， 個心 都 仲 唔 係 點慌 ， 就 嗌 人 搵 路 出去 啦 噉 。 突然 間 ， 喺 兩 便 山上 ， 亂 咁 掉 啲 火把 落 嚟 ， 火把 所到之處 呀 ， 即刻 就 焫 着 地下 嘅 藥引 。 轟轟 轟轟 ！ 就 地 飛起 鐵炮 。 眨 下眼 ， 滿山滿谷 ， 火光 亂舞 ， 一 碰到 藤甲 就 燒着 晒 ， 嘩 ！ 慘咯 ！ 將 兀突 骨 同埋 三萬 藤甲軍 啊 ， 燒到 你 攬 我 我 攬 你 一 嚿嚿 一堆堆 噉 死 晒 喺 盤蛇谷 。 孔明 喺 山上 便 遠遠 咁 望 落 去 ， 只見 啲 蠻兵 呀 ， 燒到 開膛 爆肚 ， 伸手 屈腳 噉 哎 肉酸到 哎呀 ， 而且 大半 人 呢 ， 都 係 畀 啲 鐵炮 打死 嘅 ， 打 到 頭殼 都 開花 ， 有 啲 炸開 幾 橛 。 嗰 啲 氣味 呀 臭 到 不堪 啊 慘咯 ， 慘咯 ！ 孔明 見到 盤蛇谷 好似 個 地獄 噉 ， 都 不禁 流 起 眼淚 嚟 話 ： 唉 ！ 我 雖然 有功 於 社稷 ， 但 係 殺人 太 多 ， 我 嘅 壽命 必定會 減短 㗎 咯 。 啲 蜀 軍 將士 見到 噉 嘅 情形 呀 ， 個心 都 好 震 㗎 。 火燒 盤蛇谷 呢 陣 ， 孟獲 正 喺 營寨 裏頭 就 等 緊 交戰 嘅 消息 。 忽然間 ， 有千 幾個 蠻兵 歡天喜地 噉 嚟 到 拜見 佢 ， 話 ： 恭喜 大王 ， 賀喜 大王 啊 ！ 烏戈國 嘅 兵馬 同蜀兵 大戰 ， 已經 將 諸葛亮 圍困 喺 盤蛇谷 裏面 喇 ， 而家 特意 嚟 請 大王 去 接應 啊 ！ 哦 ？ 好 ！ 你 哋 係 乜嘢 人 啊 ？ 我 哋 都 係 本 洞 嘅 人 嚟 ， 逼 於 無奈 先至 投降 蜀 軍 嘅 啫 ， 而家 知道 大王 嚟 到 咯 ， 就 特意 返 嚟 助戰 㗎 。 孟獲 好 歡喜 ， 即刻 率領 同族 嘅 黨羽 ， 同埋 召集 到 啲 番 人 啊 ， 就 由 蠻兵 帶路 喇喇聲 趕去 盤蛇谷 。 去 到 喇 ， 嘩 嗨 ！ 只見 火光 亂 閃 ， 臭氣沖天 。 孟獲 知道 中計 喇 ， 急忙 退兵 。 誰知 左便 有 張嶷 右 便 有馬忠 ， 兩路 軍馬 殺出 嚟 。 孟獲 正話 想 抵敵 唧 ， 喎 嗬 噉 一聲 吶喊 ， 原來 話 嚟 助戰 嘅 蠻 兵 呀 ， 裏 便 大半 係 由 蜀 兵 扮 嘅 。 佢 哋 三兩下 手腳 就 將孟獲 同族 黨羽 同埋 嗰 啲 番 人 ，冚𠾴唥 捉起 嚟 喇 。 孟獲 單人 匹馬 就 殺出 咗 重圍 ， 一味 混 山路 行 。 佢 仲 以 為 自己 好彩 喎 ， 點 知道 行行 下 ， 只見 喺 山坳 裏頭 ， 一隊 人馬 簇擁 住 一架 四輪車 。 車 上面 端端正正 坐住 一個 人 ， 頭 戴綸巾 身穿 道袍 ， 手上 揸 住 鵝毛扇 擪 下 擪 下 ， 嘿 係 孔明 喺 度 等 住 啊 ！ 孔明 大喝一聲 話 ： 反賊 孟獲 ！ 呢 次 點樣 啊 ！ 孟獲 掉頭就走 ， 嘿 唔 走 得 喇 。 有個 將軍 喺 旁邊 一下 衝開 嚟 ， 攔住 去路 ， 哦 ， 係 馬岱 啊 ！ 孟獲 措手不及 ， 畀 馬岱 生擒活捉 。 喺 呢 個 同一時間 啊 ， 王平 、 張翼 已經 帶住 一支 軍隊 ， 攻到 去 蠻 寨 。 將 祝融 夫人 與 及 孟 獲 嘅 全家老小 ， 都 捉住 晒 押 緊返 嚟 喇 。 孔明 大獲全勝 就 返到 大本營 。 佢 就 召集 眾位 將官 嚟 到 中軍帳 ， 將 火燒 盤蛇谷 嘅 計謀 啊 ， 講解 返 畀 大家 聽 ， 佢 話 ： 我 呢 條計 啊 ， 係 不得已 先至 用 嘅 ， 大損 陰德 啊 。 唉 ！ 係 噉 嘅 ， 我 估計 敵人 呢 ， 必定 以為 我會 喺 啲 樹林 茂盛 嘅 地方 埋伏 兵馬 嘅 。 之 我 呢 ， 只 係 虛插 旗幟 ， 其實 就 冇 兵 喺 度 ， 有意 使 到 佢 哋 起疑心 。 我 之所以 命令 文長 要 連輸 十五陣 ， 為 咩 呢 ？ 就 係 為 咗 堅定 佢 哋 嘅 信心 吖 嘛 。 我 見到 盤蛇谷 只有 一條 路 出入 ， 兩邊 兩便 都 係 光 一 光 嘅 峭壁 ， 一 啲 樹木 都 冇 ， 而 下 便 又 係 沙土 。 因此 呢 ， 我 就 命令 馬岱 將 黑油 櫃車 ， 車晒 去 山谷 安排 好 。 油櫃 裏 便裝 住 嘅 ， 都 係 預先 做好 嘅 火炮 ， 就 叫做 地雷 。 一炮 裏 便 係 藏 住 九炮 ， 三十步 埋 一個 。 又將 啲 竹竿 打通 晒 啲 裂 ， 藥引 就 穿 住 喺 啲 竹竿 裏頭 。 噉 所有 嘅 地雷 ， 都 用藥 引 串起 晒 嘅 ， 一點 着 就 山崩地裂 。 我 又 命令 趙子龍 準備 咗 大量 嘅 乾草 ， 用車 裝住 ， 安排 喺 谷口 。 又 喺 山上 準備 好 大石頭 同 擂木 。 然後 呢 ， 就 派 魏延去 引 兀突 骨同 藤甲軍 進入 山谷 嘞 。 一放 咗 魏延出 嚟 ， 立即 切斷 條路 ， 就 放火燒 佢 。 我 點解 要 用 火攻 呢 ？ 開講 有話 ， 利於 水者 必 不利於 火 吖 嘛 。 藤甲 雖然 刀箭 不 入 ， 但 係 呢 ， 係 畀 油 浸 嘅 ， 見 火必 着 。 啲 蠻兵 咁 兇頑 ， 非 火攻 唔 能夠 取勝 啊 ！ 唉 不過 使到 烏戈國 嘅 人 滅 晒 種 ， 都 係 我 嘅 罪過 咯 。 聽 完 孔明 噉 樣一 解釋 呀 ， 眾 將官 衷心 拜服 啊 佢 哋 都 話 ： 丞相 天機 真 係 鬼神莫測 啊 ！ 過 咗 一陣 ， 孔明 就 吩咐 押 孟 獲入 嚟 。 呢 刀斧手 將孟獲 拉 嚟 ， 扤 佢 跪 喺 地處 。 孔明 叫 人 解開 佢 嘅 繩索 ， 放 佢 起身 。 然後 帶 佢 過去 第個 帳篷 ， 請 佢 飲酒 食飯 。 當孟 獲同 祝融 夫人 、 孟優 、 帶來 洞主 ， 與 及 同族 嘅 黨羽 親戚 等等 喺 度 飲 緊 酒 嘅 時候 ， 忽然間 有個 官員 行入 嚟 對 孟 獲話 喇 ： 丞相 覺得 好 唔 好意思 ， 唔 想 同 大王 見面 ， 特意 叫 我 嚟 放大 王返 去 ， 等 大王 再 召集 人馬 ， 嚟 一決勝負 喎 。 大王 你 而家 可以 走 嘞 。 哎呀 孟獲 喊 起 上 嚟 啊 ， 佢 話 ： 七擒 ， 七縱 ， 從古到今 ， 都 未曾 有 過 嘅 。 我 ， 雖然 係 化外 之 人 ， 都 仲 知道 啲 禮儀 嘅 ， 唔 通 我 ， 真 係 一 啲 都 唔 識 羞恥 嘅 咩 ！ 於是 孟獲 就 同埋 妻子 、 兄弟 、 親戚 等等 ， 一齊 去 中軍帳 ， 將件 衫 除 咗 一邊 ， 對住 孔明 跪 喺 處 請罪 ， 佢 話 ： 丞相 天威 ， 我 哋 南方 嘅 人 ， 永遠 ， 都 唔 再 作反 喇 ！ 大王 你 而家服 啦 嘛 ？ 嗯 ！ 我 ， 子子孫孫 ， 都 感激 丞相 再生 之德 ， 點會 唔 服 呢 ？ 孔明 好 高興 ， 請 孟 獲 佢 哋 起身 ， 大排 筵席 祝賀 ， 就 任命 孟獲 永遠 做 洞主 。 噉 啊 蜀 軍 所 佔領 嘅 地方 ， 全部 退還 。 孟獲 同族 嘅 親戚 黨羽 ， 與 及 所有 嘅 蠻 兵 呀 個個 都 感恩戴德 ， 歡歡喜喜 ， 跳住 舞 噉 啊 去 咗 喇 。 孟 獲 佢 哋 走 咗 ， 長史 費禕 走 嚟 勸諫 孔明 話 ： 今日 ， 丞相 親自 率領 士兵 ， 深入 不 毛 ， 征服 南蠻 。 而家 蠻王 已經 投降 歸服 喇 ， 點解 唔 委派 官吏 同孟獲 一齊 嚟 鎮守 呢 笪 地方 呢 ？ 孔明 話 ： 如果 我 哋 噉 樣 做 有 三件 事 唔 妥 啊 。 第一 ， 留 官吏 喺 處 就 一定 要 留兵 ， 噉 給養 就 好 難辦 ； 第二 ， 蠻 人 喺 呢 次 死傷 甚 多 ， 留 官吏 而 唔 留兵 呢 就 必成 禍患 嘅 ； 第三 ， 蠻人 有 自己 嘅 規矩 ， 對外 人 終歸 係 信 唔 過 嘅 。 我而家 既 唔 留人 亦 唔 運糧 ， 就 係 求得 同 佢 哋 相安無事 啫 。 冇 錯 啊 ！ 孔明 就 確係 考慮 得 非常 周到 啊 ， 大家 都 好 拜服 。 噉 蠻方 呢 便 呢 ， 都 極之 感激 孔明 嘅 恩德 ， 就 為 孔明立 咗 個 生祠 ， 以後 四季 嚟 拜 佢 。 啲 蠻 人 一 提起 孔明 ， 都 稱呼 佢 做 慈父 嘅 ， 表示 最大 嘅 恭敬 。 又 送 咗 好多 金銀珠寶 、 丹漆 藥材 、 耕牛 戰馬 作為 軍用 。 同時 亦 係 最 緊要 最 緊要 㗎 喇 ， 佢 哋 真心 表示 啊 以後 永遠 唔 再 作反 喇 噉 。 於是 南方 就 平定 晒 。 而家 講下 孔明 ， 他 犒賞三軍 之後 呢 ， 就 喺 九月 嘅 一個 吉日 ， 傳令 班師 返去 西 蜀 。 佢 命令 魏延帶 本部 兵馬 做 先鋒 。 噉 魏延 帶兵 就 啱 啱 行到 瀘水 。 咦 ？ 忽然間 ， 陰雲密佈 ， 水面 上 呀 一浸 狂風 驟起 吹 到 大浪 滔天 ， 飛沙走石 。 啲 軍隊 啊 根本 行 唔 逳。 孔明 就 請 孟獲 嚟 問 下 佢 點解 啦 。 孟獲 話 喇 ： 呢 條河 ， 係 有 兇神 ， 作祟 害人 㗎 。 過河 來往 嘅 ， 要 祭 佢 至 得 㗎 。 用 乜嘢 嚟 祭 呢 ？ 舊時 ， 我 哋 國內 ， 見到 兇神 作祟 ， 就 用 ， 七七四十九個 人頭 ， 同埋 黑牛 、 白羊 噉 嚟 祭 佢 。 自然 就 風平浪靜 ， 更 兼 保佑 ， 年 年 好收成 添 㗎 喇 。 而家 已經 打 完仗 ， 地方 都 平定 咗 咯 ， 點 能夠 亂 咁 殺人 㗎 ， 噉 唔 得 嘅 。 孔明 就 親自 嚟 到 瀘水 岸邊 睇 下 。 果然 係 噃， 啡 啡 聲 噉 陰風 陣陣 ， 波濤 洶湧 ， 真 係 得人驚 㗎 。 孔明 就 覺得 十分 奇怪 ， 就 搵 當地 嘅 土人 嚟 了解 下 。 土人 講 佢 聽 ： 係 啊 ， 誒 係 啊 ， 誒 自從 丞相 呀 經過 之後 啊 ， 誒 呢 處 呀 ， 誒 晚晚 都 聽見 呀 ， 誒 河邊 有鬼 喊 㗎 。 誒 由 黃昏 啊 到 天光 呀 ， 喊 到 冇 停 㗎 。 誒 喺 啲 瘴氣 裏頭 啊 ， 誒 周時 呀 ， 誒 仲 見到 無數 無數 咁 多 誒 ， 誒 陰魂 冤鬼 啊 。 所以 誒 都 冇 人敢 過渡 喇 。 孔明 話 ： 呢 啲 都 係 我 嘅 罪惡 啊 。 初時 ， 馬岱 率領 嗰 千 幾名 蜀兵 都 死 喺 條 河 處 。 更 兼 殺死 嗰 啲 南方人 都 係 拋 咗 落河 㗎 。 啲 狂魂 怨鬼 冤仇 不息 ， 所以 搞 到 噉 樣 啊 。 好 ， 等 我 今晚 去 拜祭 下 佢 哋 啦 。 係 咯 ， 丞相 呀 去 拜 下 就 好 咯 。 誒 依照 舊例 呢 ， 誒 ， 誒 殺 四十九個 人頭 嚟 祭 啊 ， 誒 噉 啲 冤魂 呢 ， 自然 就 散 㗎 喇 。 唉 ！ 本來 ， 係 人 死 咗 而 變成 冤鬼 ， 而家 又點 能夠 再 殺生 人 呢 ？ 唔 得 嘅 。 我 自有 主意 㗎 嘞 。 孔明 啊 於是 吩咐 行軍 廚房 ，劏 牛宰馬 ， 搋 好 啲 麵 粉 做成 個人 頭 噉 樣 。 裏 便 呢 就 塞 啲 牛羊肉 做 餡 嚟 代替 人頭 ， 誒 呢 啲 就 叫做 饅頭 噃。 哈哈哈 ， 噉 而家 啲 饅頭 係 唔 係 噉 樣 嚟 嘅 呢 就 不得而知 喇 。 當晚 ， 喺 瀘水 岸邊 ， 擺起 香案 ， 擺開 種種 祭品 ， 點起 七七 四 廿九 眼燈 ， 豎起 支長 幡 嚟 到 招魂 。 又將 啲 饅頭 擺好 喺 地下 嚟 。 噉 啊 到 咗 三 更 時分 ， 孔明 頭 戴金冠 身披 鶴氅 ， 親自 嚟 到 拜祭 喺 呢 次 戰爭 裏 便 ， 陣亡 嘅 蜀 軍 將士 ， 與 及 南方 將士 嘅 陰魂 呀 。 讀完 祭文 ， 孔明 放聲 痛哭 ， 感動 到 大家 都 流起 眼淚 。 孟 獲 佢 哋 嗰 班 人 呢 亦 忍 唔 住 跟 住 喊 起 上 嚟 。 哈 ！ 真 係 靈 噃。 只見 喺 啲 愁雲慘霧 之中 呀 ， 隱隱約約 噉 有 成 幾千 鬼魂 ， 隨風飄 散晒 嘞 。 於是 孔明 就 叫 人將 啲 祭品 ， 拋晒落 瀘水 裏 便 。 第 日 ， 孔明 率領 大軍 嚟 到 瀘水 南岸 ， 嗨 今日 唔 同 晒 喇 。 只見 雲收霧 散 風平浪靜 ， 蜀 軍 就 安然 渡過 瀘水 凱旋 返去 嘞 。 行到 永昌 郡 ， 孔明 就 留低 王伉同 呂 凱 喺 處 。 任命 佢 哋 鎮守 永昌 、 牂 牁 、 越 嶲 、 建寧 呢 四個 郡 。 就 打發 孟 獲 佢 哋 返 去 ， 囑咐 孟獲 ， 要 勤勤懇懇 ， 治理 南方 ， 好好 地 對待 民眾 ， 要種 好 啲 田地 。 孟 獲 佢 哋 流 住 眼淚 ， 跪低 拜 咗 幾拜 孔明 ， 就 辭別 返去 。 噉 孔明 呢 ， 就 繼續 率領 大軍 返去 成都 。 噉 孔明 大軍 返 到 嗰 陣 呀 嘩 架勢 咯 ！ 劉禪 劉 後主 啊 ， 御駕 出 城 三十里 歡迎 大軍 凱旋 啊 。 劉禪 落 咗 車 ， 企 喺 大路 旁邊 等候 孔明 。 孔明 返到 喇 ， 哎呀 見到 噉 樣 慌忙 落車 就 跪 喺 處 對 劉禪 話 ： 臣 唔 能夠 迅速 平定 南方 ， 使主上 龍心 憂慮 ， 都 係 臣 之 罪過 啊 。 相父 一路 辛苦 喇 ， 起身 ， 起身 ！ 劉禪 扶 起 孔明 ， 一拍 噉 坐車 返 成都 。 然後 就 舉行 盛大 嘅 太平 宴會 ， 重重 噉 賞賜 慰勞 三軍 。 從此 之後 啊 ， 有 二百 幾處 地方 ， 都 係 啲 比較 遙遠 嘅 山 邦 小國 喇 ， 都 嚟 到 進貢 朝拜 喇 。 孔明 呢 又 請 劉禪 後主 批準 ， 對 喺 呢 次 征戰 犧牲 嘅 將士 家屬 ， 都 給予 優厚 嘅 撫 恤 。 噉 就 人心 歡暢 朝野 升平 。