話 說 劉備 啊 聽講 周瑜 親自 嚟 到 答謝 ， 就問 孔明 ： 周瑜 嘅 來意 ， 係 乜嘢 呢 吓 ？ 哈哈哈哈 ， 佢 邊度 肯話 為 咗 一 啲 啲 薄禮 就 走 嚟 答謝 我 哋 呢 ？ 佢 不過 係 為 咗 南郡 而 嚟 啫 。 哦 ， 佢 如果 帶兵 嚟 到 ， 我 哋 點樣 對待 好 啊 ？ 佢 嚟 到 嘅 時候 ， 主公 你 噉 噉 噉 噉 噉 ， 同 佢 對答 就 得 喇 。 啊 ， 噉 好 啊 ， 好 啊 ！ 於是 劉備 呢 就 下令 喺 油 江口 擺開 戰船 ， 岸上 呢 ， 排列 住 軍隊 。 呢 一日 ， 劉備 接到 報告 話 周瑜 、 魯肅 帶兵 嚟 到 喇 噉 。 孔明 呢 ， 就 派 趙雲帶 住 幾個 馬 軍 出去 迎接 。 周瑜 一 嚟 到 ， 見到 啲 戰船 同 軍隊 嘩 嗨 ， 軍勢 雄壯 啊 ， 個心 啊 極之 唔 安樂 喇 。 佢 哋 嚟 到 營 門外 便 ， 劉備 、 孔明 已經 等 住 喺 度 迎接 。 噉 啊 一齊 行入 去 中軍帳 ， 行過禮 ， 分開 賓主 坐落 ， 劉備 就 吩咐 設宴招待 。 噉 乜嘢 都 準備 好 晒 㗎 喇 ， 話 咁 快 就 擺好 酒席 ， 大家 埋位 飲酒 嘞 喎 。 首先 呢 ， 劉備 就 舉杯 多謝 周瑜 ， 祝賀 佢 赤壁大戰 取得 巨大 嘅 勝利 。 飲過 幾 巡酒 ， 周瑜 話 ： 豫州 你 將兵 馬 轉移 嚟 到 呢 處 ， 係 唔 係 有意思 要 奪取 南郡 呢 ？ 哦 ， 聽講 都督 想 奪取 南郡 ， 故此 嚟 幫手 啫 。 如果 都督 唔 去 攞， 噉 我 就 必定 去 攞 咗 佢 㗎 。 哈哈哈 哈哈哈 ， 我 哋 東吳 想 吞併 漢江 好耐好 耐 㗎 喇 ， 而家 南郡 已經 喺 掌握 之中 嘞 ， 點會 話 唔 去 攞 呢 ？ 不過 勝負 好難 預測 嘅 。 曹操 臨返 去 許昌 之時 ， 就 任命 咗 曹仁 鎮守 南郡 各地 ， 佢 必定 有 奇計 嘅 。 更 兼 曹仁 係 一員 猛將 ， 勇 不可 當 ， 就 係 怕 都督 攞 唔 到 南郡 咋 。 我 如果 攞 唔 到 ， 到 其時 就任 從 豫州 你 去 攞 啦 。 好 啊 ！ 子敬 、 孔明 ， 你 哋 嚟 做 個 證人 吓 ， 都督 你 唔 好 反悔 噃。 大丈夫 一言既出 ， 駟馬難追 ， 點會 反悔 呢 ？ 孔明 等 咗 咁 耐 就 係 等 周瑜 講呢 句 說話 。 周瑜 一講 咗 ， 孔明 就 話 嘞 ： 都督 呢 句 說話 非常 公道 。 首先 讓 東吳 去 攞， 如果 攞 唔 到 嘞 ， 主公 就 去 攞 噉 就 可以 啦 。 傾 掂 咗 之後 ， 周瑜 同 魯肅 辭別 咗 劉備 、 孔明 上馬 返扯 。 佢 哋 走 咗 ， 劉備 就問 孔明 嘞 喎 ： 先頭 ， 軍師 你 就 教 我 噉 噉 噉 嚟 回覆 周瑜 吖 ， 說話 我 啊講 咗 嘞 。 但 係 我 反反覆覆 噉 諗 下 ， 我 啊 諗 佢 唔 通 噃，嗱， 我而家 真 係 孤家寡人 一個 ， 冇 個 立腳 之地 ， 所以 就 想 攞 到 南郡 嚟 暫時 安身 啦 。 如果 畀 周瑜 攞 咗 先 ， 噉 ， 城池 已經 屬於 東吳 所有 咯 ， 噉 我 哋 仲 邊度 有行 啊 ？ 哈哈哈 哈哈哈 ， 當初 我 勸過 主公 攞 荊州 ， 主公 你 唔 聽 ， 今日 又 想 呀 ？ 唉 ， 以前 係 因為 呢 啲 係 景 升 嘅 地方 ， 所以 就 唔 忍心 攞 啫 。 而家 已經 成為 曹操 嘅 地方 咯 ， 噉 就 理應 去 攞 佢 咯 。 主公 ， 你 唔 使 憂慮 嘅 ， 即管 等 周瑜 出兵 去 廝殺 啦 。 好 快趣 ， 主公 你 就 可以 喺 南郡城 內 安安穩穩 坐 實 喺 處 喇 。 噉 有 咩 嘢 好 辦法 呢 先生 ？ 主公 ， 呢 如此 如此 啦 ， 噉 就 得 㗎 喇 。 吖 ！ 好 啊 好 啊 ！ 劉備 歡喜 到極 ， 於是 呢 ， 就 喺 油 江口 駐扎 ， 一 於 按兵不動 。 好 喇 ， 周瑜 、 魯肅 返到 去 大本營 。 魯肅 就問 啦 ： 都督 ， 點解 你 啊 亦 都 應承 玄德 去 攞 南郡 呢 吓 ？ 我 喺 彈指之間 ， 就 可以 得到 南郡 ， 我 啊 落得 虛做 個人 情啦 。 跟 住 周瑜 就問 啲 將官 ： 你 哋 邊位 敢 去 打頭陣 ， 奪取 南郡 啊 ？ 大將 蔣欽 應聲 而出 ： 末將 願 去 ！ 好 ！ 我 任命 你 做 先鋒 ， 徐盛 、 丁奉 做 副將 ， 帶 五千 精銳 軍馬 先行 渡江 ， 我 隨後 就 帶兵 嚟 接應 。 遵命 ！ 噉 東吳 呢 便 部署 好 ， 就 出發 嘞 喎 。 而家 講下 曹仁 。 佢 啊 坐鎮 南郡 啦 ， 佢 派 曹 洪 去 守 彝 陵 ， 作為 犄角之勢 互相 呼應 。 呢 一日 ， 佢 接到 報告 話 吳兵 已經 渡過 咗 漢江 喇 噉 。 曹仁話 ： 我 哋 一 於 堅守 ， 唔 同 佢 哋 打 。 曹仁 手下 有個 勇將 叫做 牛金 ， 佢 氣勢 昂昂 噉 對 曹仁話 ： 兵臨城下 而 唔 去 出戰 ， 係 膽怯 啊 ！ 何況 我軍 新近 打 咗 敗仗 ， 正 係 應該 重振 銳氣 嘅 時候 。 請 將軍 你 ， 撥 五百名 精兵 畀 我 ， 等 我 去 決一死戰 啊 ！ 曹仁 一 諗 ， 見到 佢 咁 勇敢 ， 好 吖 ， 就 叫 牛金 帶 五百名 精兵 出去 迎敵 。 兩 軍 相對 ， 丁奉 縱 馬上 前 嚟 交鋒 。 打 咗 四五個 回合 ， 丁奉 就 詐 諦 打敗 ， 牛金 帶住 兵 唔 係 追 咯 。 一 追 咗 入陣 ， 丁奉 見 牛金 中計 嘞 ， 即刻 指揮 軍隊 一下 包抄 ， 將 牛金 圍住 喺 陣 裏 便 。 牛金 喺 裏頭 呀 左衝右 突就點 都衝 唔 出 嚟 。 曹 仁 喺 城 上 望見 牛金 畀 吳兵 困住 喺 戰場 中心 。 弊 ！ 要 去 救 佢 至 得 ！ 就 立即 披甲 上馬 ， 率領 手下 壯士 幾百人 就 開城 出去 嘞 ， 舞住 張大 刀 殺入 去吳 兵 嘅 陣內 。 徐盛 上前 嚟 迎戰 嘞 ， 頂 曹仁 唔 住 啊 畀 曹仁 一直 殺到 戰場 中心 ， 救 咗 牛金 出 嚟 。 誒 ， 曹仁 擰 轉頭 一睇 ， 唔 得 ， 仲有 幾十人 喺 陣內 出 唔 到 嚟 。 於是 又 試衝返 轉頭 殺入 去 ， 救 咗 嗰 幾十人 殺出重圍 。 一出 嚟 ， 就 撞 到 蔣欽 攔住 去路 。 曹仁同 牛金 搏命 咁 衝 ， 衝散 咗 蔣 欽 嘅 包圍圈 。 曹 仁 嘅 細 佬 曹 純 啊 ， 亦 都 帶兵 嚟 到 接應 嘞 。 噉 雙方 混戰 一場 ， 結果 就 打敗 咗 吳軍 ， 曹仁 打起 得勝 鼓 啊 收兵 嘞 。 蔣欽 打輸 咗 就 返 去 見 周瑜 。 周瑜 見 第一場 仗 就 輸 咗 就 嬲 起 嚟 想 殺 佢 頭 。 好彩 得到 眾位 將領 講情 先至 饒恕 咗 蔣欽 呀 免 佢 一 死 。 跟 住 周瑜 立即 點兵 ， 要 親自出馬 去 同 曹仁 決戰 。 甘寧 就 話 喇 ： 都督 唔 好 隨便 出戰 。 而家 ， 曹仁 叫 曹洪 ， 據守 彝陵作 為 犄角之勢 互相 呼應 。 請 都督 你 派 我 帶 三千名 精兵 ， 直取 彝陵 ， 奪取 咗 彝陵 之後 ， 都督 就 可以 去 打 南郡 嘞 。 周瑜 覺得 甘寧 呢 個 分析 好 啱 ， 聽 佢 嘅 ， 就 先派 甘寧 帶 三千 兵去 攻打 彝陵 。 關於 呢 件 事 ， 曹仁 得到 偵探 嘅 報告 ， 佢 就 同 陳 矯 商量對策 。 陳 矯話 嘞 ： 如果 彝陵 失守 ， 南郡 就 守 唔 住 㗎 喇 ， 要 快 啲 去 救 至 得 。 於是 曹仁 啊 就 命令 曹純同 牛金 ， 秘密 噉 帶兵 去 救 曹洪 。 曹純 呢 ， 就 派 人 去 通知 曹洪先 ， 叫 佢 出 城 誘敵 。 好 喇 ， 甘寧 帶兵 嚟 到 彝陵 。 曹洪 就 出城 嚟 同 甘寧 交鋒 ， 打 咗 二十幾個 回合 ， 曹洪 唔 夠打 ， 走人 嘞 噃。 甘寧 呢 噉 就 攻佔 咗 彝陵 ， 好 歡喜 啦 。 點知 到 咗 黃昏時分 ， 曹純 、 牛金 嘅 人馬 嚟 到 喇 ， 兩隊 人馬 合埋 ， 將彝陵 呀 氹 氹 𡃈 噉 圍到 鐵桶 咁 實 。 探馬 將呢 個 消息 飛快 噉 報 畀 周瑜 聽 ， 嘩嚇 到 周瑜 大驚失色 。 程普 就 話 喇 ： 要 快 啲 分兵 去 救 佢 啊 。 周瑜 話 ： 呢 個 地方 非常 緊要 ， 如果 分兵 去 救 ， 萬一 曹仁 帶兵 嚟 襲擊 又 點辦 呢 ？ 呂蒙 話 ： 甘興霸 乃 係 江東 大將 ， 點 可以 唔 去 救 啊 ？ 周瑜 話 ： 我 啊 想 親自 去 救 佢 ， 但 係 留 邊個 喺 呢 處 嚟 代理 我 嘅 職務 好 呢 ？ 呂蒙 話 ： 留 凌公績 喺 處 擔任 啦 。 我 做 前鋒 ， 都督 押後 ， 唔 使 十日 ， 必定 高 奏凱歌 ！ 周瑜 話 ： 唔 知 凌公績 肯 唔 肯 暫時 代理 我 嘅 職務 呢 ？ 凌公績 就 係 凌統 喇 ， 佢 話 ： 如果 十日 為期 呢 ， 我 就 擔當 得 起 嘅 ； 十日 之外 ， 就 唔 能夠 勝任 喇 。 好極 喇 ， 就 係 噉 決定 啦 ！ 周瑜 好 高興 ， 於是 留低 萬幾 兵馬 就 交 畀 凌統 ， 即日 就點 起 大軍 ， 出發 去 彝陵 。 呂蒙 提出 一個 建議 ， 佢 話 ： 彝陵南 便 有條 小路 ， 去 南郡 極其 方便 嘅 。 我 哋 可以 派 五百 人去 斬 嗰 啲 樹 ， 要 嚟 塞住 條路 。 曹軍一 打敗仗 必定 由 嗰 條 路 撤退 嘅 ， 到 時 ， 佢 哋 啲 馬行 唔 過 ， 就 必定 要 掉 低 啲 馬 逃跑 㗎 喇 。 我 哋 噉 就 可以 得到 佢 哋 唔 少 馬匹 啦 嘛 。 呢 個 建議 好 到極 啊 。 周瑜 同意 咗 ， 立即 就 派 咗 五百 兵去 。 當 周瑜 嘅 大軍 啊 ， 就 快 嚟 到 彝 陵 嘅 時候 ， 周瑜 就問 ： 邊位 將軍 願意 突圍 入去 救 甘寧 啊 ？ 周泰話 ： 我 去 ！ 即刻 提刀 縱馬 ， 一直 殺入 曹 軍 之中 衝 到 城門 下 便 。 甘寧 望見 周泰 嚟 到 ， 就 出城 嚟 接 佢 啦 。 周泰講 畀 佢 聽 ， 話 都督 親自 帶兵 嚟 救 佢 。 甘寧 又 感動 又 高興 ， 馬上 傳令 落 去 ， 叫 啲 兵士 整好 裝束 ， 食飽飯 ， 準備 做 內應 打 出去 。 而家 講下 曹洪 、 曹頓 、 牛金 。 佢 哋 接到 消息 話 周瑜 嘅 大軍 就 快 嚟 到 ， 一便 派 人 去 南郡 報告 曹仁 ， 一便 呢 就 分兵 嚟 迎敵 。 噉 東吳 兵一到 啊 ， 曹兵 就 上前 頂住 嘞 。 兩軍一 交鋒 ， 甘寧 、 周泰 分別 由 兩路 殺出 嚟 就 殺 到 曹兵 喇喇亂 。 曹洪 、 曹純 、 牛金 就 佢 哋 果然 帶住 敗兵 由 嗰 條 小路 逃跑 喎 。 點知個 條路 呀 ， 畀 啲 樹木 亂 柴塞到 實一實 ， 啲 馬 唔 過得 。 只有 掉 低 晒 啲 馬匹 行路 趯 更 係 啦 。 哈哈 ， 噉 東吳 軍 呢 ， 就 執福咯 撈 咗 五百 幾匹馬 。 周瑜 乘勝追擊 ， 指揮 部隊 馬不停蹄 趕 去 南郡 。 行到 半路 ， 遇着 曹 仁 嘅 軍隊 嚟 救彝陵 ， 噉 兩支 軍隊 一 遭遇 就 打起 嚟 。 結果 呢 ， 因為 已經 好夜 喇 ， 所以 混戰 一場 之後 啊 就 各自 收兵 。 曹仁 返到 南郡城 啊 ， 就 同 大家 商量 。 曹洪話 ： 而家 已經 失 咗 彝陵 喇 ， 局勢 危急 ， 仲 唔 快 啲 拆開 丞相 交 落 嘅 密 計 睇 下 ， 嚟 解救 呢 個 危局 ？ 冇 錯 ， 冇 錯 ！ 我 正 係 想 噉 做 啊 。 曹仁 於是 拆開 曹操 留 低 嗰 封 密信 嚟 睇 ， 一睇 當堂 歡喜 返 。 立即 傳令 ， 五更 煮飯 ， 天 蒙蒙 光 ， 就 喺 城頭 上 啊 插 滿 旗幟 虛張聲勢 。 而 全部 兵馬 呢 就 放棄 城池 ， 由 三個 城門 出 城 。 而家 講下 周瑜 啊 ， 佢 救出 咗 甘寧 之後 ， 就將 部隊 啊 擺 喺 南郡城 外 。 呢 朝 早 ， 咦 ？ 見到 曹兵 由 三個 城門 走出 嚟 噃。 周瑜 就 立即 行 上去 將台 觀察 ， 究竟 睇 下 咩 嘢 事 得 。 只見 城頭 上 ， 虛插 旗幟 人影 都 冇 個 ， 再 仔細 睇 一 睇 出 嚟 嗰 啲 兵卒 ， 只見 佢 哋 人人 啊 ， 都 孭 住 背包 。 嗯 ， 周瑜 一 諗 ， 曹仁必 定 準備 鬆 人 定 嘞 。 於是 喺 將 台 行 返 落 嚟 ， 命令 將軍 隊分 為 左右 兩翼 。 如果 前軍 得勝 ， 就 唔 使理 咁 多 啊 ， 一味 向前 追擊 就 係 喇 ， 直到 聽到 打 攞 先 至 可以 收兵 。 又 命令 程普 指揮 後軍 。 周瑜 啊 親自 帶兵 攻城 。 喺 曹 軍陣 內 ， 戰鼓 一響 ， 只見 曹洪 出馬 就 挑戰 。 周瑜 嚟 到門 旗下 便 ， 叫 韓當 出馬 去 同 曹洪 交鋒 。 打 到 三十幾個 回合 ， 曹洪 唔 夠打 ， 走 嘞 。 曹仁 親自出馬 接戰 ， 周泰 一鞭 隻 馬 ，𠽤 哩 𡃈 嘞 衝到 陣前 迎住 ， 兩個 就鬥 咗 十幾個 回合 。 曹仁 又 打敗 走 嘞 ， 陣勢 亂 晒 。 周瑜 即刻 指揮 兩翼 嘅 人馬 衝殺 出去 ， 打到 曹 軍 大敗 。 周瑜 身先士卒 ， 帶住 軍隊 追過去 一直 追 到 南郡城 下 。 哈 ， 曹 軍 唔 趯 入 城 噃， 全部 都 向 住 西北方 敗退 嘅 。 韓當 、 周泰 就 率領 住 前鋒 部隊 猛追 住 去 啦 。 周瑜 見到 城門 大開 ， 城上 又 冇 人 ， 就 命令 軍隊 搶城 。 當 其時 周瑜 帶住 幾十個 人 ， 縱馬 飛奔 直 衝入 城 。 哎呀 ， 原來 陳 矯 啊 ， 一直 匿 埋 喺 城樓 上 便 嘅 。 佢 而 家 望見 周瑜 親自 入 城 ， 個心 就 猛 咁 喝彩 喇 ： 丞相 真 係 妙計 如神 喇 ！ 佢 將 隻 手 一 揮 ， 只 聽見 梆子 㩧 噉 一響 ， 兩便 預先 埋伏 好 嘅 弓弩 呀 一齊 亂 咁 射 ， 直情 落雨 咁 落 啊 ！ 城門 裏 便 ， 又 挖 咗 陷坑 嘅 ， 爭先 衝到 入 城 嘅 呢 ， 咁 噠 噉 冚𠾴唥 都 僂 晒 落 坑 。 嘩弊 ！ 周瑜 急急 勒馬 回頭 ， 遲 喇 ！ 畀 人 一箭 射中 左便 小 掩 ， 當堂 翻身 跌 咗 落馬 。 好 嘢 咯 ， 牛金 啊 快馬加鞭 ， 喺 城裏 便 殺出 嚟 想 捉 周瑜 嘞 噃。 呢 便 啊 徐盛 、 丁奉 兩個 唔 要命 噉 撲上去 ， 將 周瑜 救 咗 返 扯 。 呢 個 時候 ， 埋伏 喺 城內 嘅 曹 兵 突然 衝出 ， 殺到 啲 吳兵 呀 自相 踐踏 ， 跌落 護城 壕塹 裏頭 嘅 都 唔 知 幾多 啊 。 程普 見到 形勢 急轉直下 ， 極之 不利 嘞 ， 急急 下令 鳴金收兵 。 點知 曹仁 、 曹洪分 兵 兩路 殺返 轉頭 ， 打到 吳兵 大敗 。 好彩 得到 凌 統帶 住 一支 生力軍 ， 斜 斜 地 喺 橫 便 衝殺 過 嚟 就 頂住 啲 曹兵 ， 噉 樣程 普 啊 先至 能夠 將 啲 殘兵 敗 卒 撤退 返去 營寨 。 曹仁 呢 ， 反敗 為勝 ， 率領 住 得勝 之師 返入 南郡城 嘞 。 而家 講下 丁奉 、 徐盛 ， 佢 救 咗 周瑜 返去 營寨 ， 就 叫 隨軍 醫生 嚟 ， 用 鐵鉗 拔出 嗰 箭頭 出 嚟 ， 又 用 啲 金瘡 藥啊 敷 住 個 傷口 。 哎呀 ， 痛到 周瑜 啊 白豆 咁 大粒 汗 ， 咬到 嘴唇 穿 咁 滯 啊 ， 乜嘢 都 食 唔 落 ， 連水 都 唔 想 飲 。 個 醫生 話 ： 呢 支箭 嘅 箭頭 有毒 ， 唔 係 三 幾日 就 好 得 㗎 。 千祈 唔 好 嬲 ， 如果 怒氣 一衝 呢 ， 傷口 就 復發 㗎 喇 噉 。 於是 程普 啊 傳令 三軍 ， 一 於 堅守 營寨 ， 不准 出戰 。 如是者 過 咗 三日 ， 牛金 帶兵 嚟 挑戰 嘞 喎 ， 程普 啊 照樣 按兵不動 。 牛金 叫 啲 士兵 破口大罵 ， 一直 鬧到 黃昏 先至 收兵 返扯 。 到 咗 第日 ， 又 嚟 罵 戰 嘞 ， 程普怕 周瑜 嬲 ， 唔 敢 報 過 佢 知 。 到 咗 第三日 ， 牛金 呢 就 直 情將 隊伍 開到 嚟 東吳 嘅 營寨 門口 。 放大 喉嚨 嚟 鬧 ， 口口聲聲 一味 話 要 活捉 周瑜 。 程普 見到 噉 樣 唔 係 路 㗎 就 搵 齊 大家 嚟 商量 ， 想 暫時 退兵 返去 請示 過 孫權 再作 打算 啦 噉 。 周瑜 啊 佢 雖然 係 受 咗 傷 ， 係 痛得 好 交關 ， 但 係 神智 好 清醒 。 佢 知道 曹兵終 之 無日 都 嚟 到 寨 前 叫罵 ， 之 又 唔 見 啲 將領 嚟 稟報 佢 喎 。 有 一日 ， 曹仁 親自 率領 大軍 ， 擂衡 個 戰鼓 ， 大聲 吶喊 又 嚟 到 挑戰 嘞 。 程普 啊 硬 係 硬 住 頭皮 唔 出去 應戰 。 周瑜 聽到 聲 ， 就 叫 嗰 班 將領 入 嚟 中軍帳 問 佢 哋 話 ： 邊度 鼓噪 吶喊 啊 ？ 啲 人 就 回答 佢 話 喇 ： 稟告 都督 ， 係 我 哋 啲 士兵 喺 度 演習 啊 。 唉 ， 你 哋 點解 要 呃 我 啊 ？ 我 知道 曹兵 ， 時時 都 嚟 到 寨 前 辱罵 。 程德謀 你 既然 同 我 一齊 掌管 兵權 ， 為 乜嘢 要 坐視不理 呢 ？ 同 我 請德謀 嚟 。 程德謀 就 係 程普 。 佢 嚟 到 就 同 周瑜 解釋 啦 佢 話 ： 我 見到 都督 你負 咗 傷 ， 醫生 囑咐 話 唔 能夠 激 嬲 你 ， 所以 ， 曹兵 嚟 挑戰 嘅 事 ， 就 唔 敢 報告 你 啦 。 周瑜 就問 ： 各位 都 唔 出去 應戰 ， 噉 有 乜嘢 主張 呢 ？ 程普話 ： 所有 嘅 將領 ， 都 話 想 收兵 返去 江東 先 ， 等 都督 你箭傷 好 返 ， 然後 再作 打算 啊 。 周瑜 聽程 普 講完 ， 猛然間 喺 鋪 床 處 ， 啪 聲下 跳 起身 話 ： 大丈夫 ， 既然 食君 之祿 ， 就 應當 戰死沙場 ， 能夠 用馬革 裹尸 返 嚟 係 好事 嚟 啊 ！ 點 能夠 為 咗 我 一個 人 ， 而 損害 到 國家 嘅 利益 。 周瑜 講完 ， 立即 披甲 上馬 。 嘩 ！ 所有 嘅 將領 呀 冇 個 唔 震動 啊 。 周瑜 啊 於是 率領 幾百名 馬 軍出 到 嚟 營前 嘞 。 當時 曹兵 已經 佈 好 陣勢 。 曹仁勒定 馬 ， 企 喺 門 旗下 便 ，攞 住 條 馬鞭 拂拂 下 大聲 噉 鬧 ： 周瑜 嗰 個 衰仔 實 係 唔 得 好 死 嘅 ， 再 唔 敢 正眼 睇 下 我 哋 曹兵 喇 。 曹仁話 猶 未了 ， 周瑜 喺 一隊 馬 軍 之中 突然 衝出 嚟 話 ： 曹仁 匹夫 ！ 你 見 唔 見 周郎 啊 ！ 曹 軍 見到 周瑜 個個 都 驚 到 窒 晒 。 曹仁捩 轉頭 對 啲 軍士 話 ： 出力 咁 鬧 佢 出力 咁 鬧 佢 ！ 於是 曹兵 啊 個個 都 破口大罵 嘞 喎 。 周瑜 發 大火 喇 ， 佢 派 潘 璋 出去 應戰 。 點知 都 未曾 嚟 得切 交鋒 唧 ， 周瑜 突然 間 ， 大叫 一聲 ， 跟 住口 噴 鮮血 成個 跌 咗 落馬 。 殺 啊 噉 曹兵 吶喊 住 衝殺 過 嚟 。 東吳 嘅 將士 啊 亦 衝上去 頂住 ， 噉 雙方 混戰 一場 呢 啲 呢 就 唔 講 佢 。 而家 只 係 講 當時 啊 救 返起 周瑜 返到 中軍帳 。 程普 就 問喇 ： 都督 ， 都督 ， 你 嘅 貴體 如何 啊 ？ 周瑜 就 靜靜 噉 對程 普話 ： 呢 個 ， 係 我 嘅 計 嚟 咋 。 噉 ， 你 呢 個 計策 係 點 嘅 呢 ？ 我 嘅 身體 ， 已經 冇 乜嘢 痛楚 㗎 喇 。 先頭 我 之所以 整成 噉 樣 呢 ， 不過 係 想 畀 曹兵 知道 我 病危 。 噉 佢 哋 一定 會 輕敵 嘅 ， 我 哋 就 派 一班 心腹 親信 嘅 士兵 ， 入去 城裏 便 詐降 ， 話 我 已經 死 咗 喇 噉 。 我 估計 ， 今晚 黑 曹仁必 定 走 嚟 劫營 嘅 。 我 哋 就 喺 四周圍 埋伏 好 人馬 嚟 裝 佢 ， 噉 曹仁 啊 ， 實 畀 我 哋 捉 到 嘅 ！ 啊 都督 呢 一條 計 ， 妙極 喇 ， 妙極 喇 ！ 周瑜 同程 普 商量 好 之後 ， 立即 啊 同一 啲 將領 放聲 痛哭 ， 喊起 嚟 話 周瑜 死 咗 喇 噉 。 嗰 啲 兵士 聽 咗 ， 大驚 喇 一下 就 到處 噉 傳開 晒 ， 話 周 都督 箭傷 發作 死 咗 喇 。 各個 營寨 都 掛起 孝 嚟 。 而家 講返 曹仁 嘞 ， 佢 同一 班 將領 喺 城內 議論 ， 話 周瑜 今日 呀 怒氣 一衝 ， 傷口 崩裂 就 搞 到 口吐 鮮血 ， 成個 舂 咗 落馬 ， 冇 幾 耐 佢 實 死 㗎 喇 噉 。 正 喺 度 你 一句 我 一句 咁 傾緊 ， 有人 入 嚟 報告 話 ： 有 十幾個 吳軍 嚟 投降 ， 其中 有 兩個 呢 ， 本來 係 曹兵 嚟 ， 以前 被 俘虜 過去 嘅 噉 。 曹仁 即刻 吩咐 叫 佢 哋 入 嚟 問 下 。 嗰 班 投降 過 嚟 嘅 兵士 入到 嚟 ， 叩 過頭 行過禮 ， 就 稟告 畀 曹仁 聽 ， 話 ： 將軍 啊 ， 今日 呀 ， 周瑜 喺 陣前 傷口 崩裂 ， 一返 到 營寨 就 死 喇 ， 而家 啲 將官 呀 都 掛孝 舉哀 。 我 哋 呀 都 係 受 過程 普 嘅 凌辱 嘅 ， 實在 忍 唔 住 嘞 ， 所以 特意 嚟 投降 ， 將 周瑜 嘅 死訊 報告 畀 將軍 唧 。 曹仁 聽 咗 高興 非常 咯 ， 跟 住 就 同 大家 商量 。 當晚 就 去 劫寨 要 搶 到 周瑜 嘅 屍體 ， 然後 砍 佢 個頭 ， 送 去 許都 獻 畀 丞相 請功 。 陳 矯 就 話 ： 要 劫寨 就要 即刻 出兵 ， 千祈 唔 好 遲 喇 。 於是 曹仁 就 命令 牛金 做 先鋒 ； 自己 做 中軍 ； 曹洪 、 曹純 做 押後 。 只 係 留低 陳 矯帶 住 少數 士兵 守城 ， 其餘 嘅 兵卒 呢 ， 全數 出動 。 當晚 ， 初 更 過後 ， 曹仁 下令 出 城 直奔 周瑜 嘅 營寨 。 點 知道 一 嚟 到 寨門 ， 人影 都 冇 個 ， 只 係 見到 虛插 旗幟 。 弊 喇 ！ 知道 中計 喇 呢 趟 急急 退兵 啦 。 退 唔 切 咯 ！ 轟轟 轟轟 ， 霎時之間 ， 四圍 都 響起 炮聲 。 東便 ， 韓當 、 蔣欽 殺過 嚟 ； 西便 ， 周泰 、 潘璋 殺過 嚟 ； 南便 ， 徐盛 、 丁奉 殺過 嚟 ； 北便 ， 陳 武 、 呂蒙 殺過 嚟 。 噉 曹 軍 四面受敵 ， 前 中後三 路軍 都 沖 散 咗 。 搞 到頭 就 救 唔 到 尾 ， 尾 又 救 唔 到頭 ， 畀 吳軍啊 打到 零兵 賴敗 。 曹仁帶 住 十幾個 馬 軍 ， 搏命 噉 殺出重圍 ， 就 遇 着 曹洪 ， 就 帶 住 一班 殘兵敗將 撤退 啊 。 一直 殺到 五更 ， 就 嚟 趯 到 返去 南郡 嘞 。 突然 之間 ， 轟 噉 一聲 炮響 ， 又 畀 凌 統帶 住 一支 軍隊 攔住 去路 ， 又 殺 咗 一陣 。 噉 曹仁帶 住 敗兵 就 斜 斜 地 奪路 而 走 啦 ， 怎知 又 撞 着 甘寧 大殺 一場 。 曹仁慌 晒 喇 ， 唔 敢 返去 南郡 喇 ， 就 直 筆順 住 大路 逃跑 去 襄陽 。 吳軍追 咗 一輪 ， 就 冇 繼續 追 ， 返 轉頭 嘞 。 當 周瑜 、 程普 打敗 咗 曹仁 ， 下令 收兵 一直 趕到 去 南郡城 下 。 咦 ？ 只見 城頭 上 ， 插滿 晒 旗幟 ， 有 一位 將軍 喺 城樓 上 大聲 噉 嗌： 都督 唔 好 見怪 啊 ！ 我 奉 軍師 將令 ， 已經 奪取 咗 呢 座 城 喇 ！ 我 就 係 常山 趙子龍 啊 ！ 嘩 乜 噉 都 成 世界 嘅 ， 周瑜 嬲 到頭 殼頂 出煙 ， 馬上 下令 攻城 ！ 但 係 城上 便 呢 ， 亂箭 射落 嚟 ， 周瑜 就 唯有 叫 收兵 返去 先 。 返到 營寨 喇 ， 商量 咗 一下 ， 打算 派 甘寧 帶 幾千 人馬 ， 去 奪取 荊州 ； 派凌統 呢 帶 幾千 人馬 ， 去 奪取 襄陽 ； 然後 就 再 嚟 奪取 南郡 都 未 遲 吖 噉 。 正 喺 度 調撥 緊 人馬 嘅 時候 ， 一個 探馬 飛跑 嚟 到 喇 。 報告 ！ 諸葛亮 攞 咗 南郡 之後 ， 用 兵符 詐調 荊州 守城 嘅 軍馬 嚟 救 ， 就 叫 張飛 去 襲擊 攞 咗 荊州 喇 ！ 報告 ！ 又 一個 探馬 嚟 喇 ！ 報告 都督 ， 夏侯惇 喺 襄陽 ， 畀 諸葛亮 派 人 帶 住 兵符 ， 詐作話 曹仁 求救 ， 氹 咗 夏侯惇 帶兵 出 城 ， 就 叫 關雲長 攞 咗 襄陽 。 兩處 城池 ， 容容易易 噉 就 歸 咗 劉玄德 喇 。 周瑜 問 ： 諸葛 亮點 得到 兵符 㗎 ？ 程普話 ： 佢 捉住 陳 矯 ， 兵符 自然 畀 佢 攞 晒 去 㗎 啦 。 哎呀 ！ 氣死我 啊 ！ 周瑜 嘅 箭 傷 又 試 爆裂 ， 當堂 暈 咗 過去 ， 好耐好 耐先 至 蘇醒 返 。 噉 嗰 班 將領 啊 就 安慰 勸解 佢 啦 。 周瑜 話 喇 ： 我 ， 我 ， 我 ， 我 如果 唔 殺 咗 孔明 呢 個 鄉下佬 ， 我點 都 唔 出得 心裏 便 呢 一 啖 怨氣 ！ 嘿 ！ 哈哈 ！ 程德謀 ， 你 ， 你 幫 我 手 去 攻打 南郡 ， 事 必要 為 東吳 搶 佢 返 嚟 ！ 正 喺 度 講 緊 ， 魯肅 嚟 到 。 周瑜 啊 同 佢 話 ： 我 想起 兵去 同 劉備 、 諸葛亮 決個 雌雄 ， 搶返 城池 返 嚟 ！ 子敬 你 要 幫 我 啊 。
張悦楷講《三國演義》, 068
To hear audio for this text, and to learn the vocabulary sign up for a free LingQ account.
