متيم lovelorn porzucony przez ukochanego sevgili

**المذيعة: مشاهدينا ضيفنا اللي مشرفنا دلوقتي في الإستوديو درس تمثيل وإخراج في كندا وبالرغم من إنه هو قدم في كندا العديد من الحفلات للجالية العربية هناك إلا إن هو قرر إنه ييجي لمصر لأنه عارف إن في مصر هيقدر إن هو يحقق شهرة وإنتشار أكبر والجمهور هيعرفه بشكل أكبر. Anchor: Our viewers, our guest, who is our supervisor, is now in the studio. He studied acting and directing in Canada, and although he gave many concerts in Canada for the Arab community there, he decided that he would come to Egypt because he knows that in Egypt he will be able to achieve fame and spread more, and the audience will know him better. . أول ألبوم غنائي قدمه كان إسمه مش مستني وكمان دلوقتي بتعرضله فيديو كليب جديد إسمه ملاك، دلوقتي مشرفنا في الإستوديو متيم إزيك يامتيم. **

**المذيعة ٢: صباح الخير. **

**متيم: صباح النور. **

**المذيعة ٢: خلينا نبدأ بالبداية خالص زي ما شمس قالت إنك دارس الإخراج في كندا، فكرة الغنا وإنك تعمل أول ألبوم جات إزاي؟**

**متيم: طبعا إبتديت أغني وانا عندي 9 سنين، انا درست إخراج وتمثيل في كندا ، إبتديت اغني في الجاليات، جيت مصر فإبتديت بقى انزل لايف كتير جدا ، إبتديت احضر للألبوم بقالي دلوقتي اربع سنين، وإبتدينا بقى نعمل جروب ونقعد نسمع اغاني نفكر افكار جديدة ميوزيك جديدة والحمد الله تم الألبوم على خير ونزل وأهه الحمد الله عمل شغل كويس. **

**المذيعة: متيم مع إنك دارس في كندا لكن إحنا حاسيين إن المزيكا بتاعتك شرقي أوي. **

**متيم: هو ده اللي حصل فعلا. **

**المذيعة: مفكرتش إنك تدخل ميوزك شوية مثلا غربي في الأغاني بتاعتك؟**

**متيم: مدخلتش غربي ، لكن دخلت نوع هو ميكس ما بين البيرزن ميوزك اللي هي إيراني على تركي على عربي، فالناس إبتدت تسمع وإبتدت تستوعب الميوزيك، دي حاجة كويسة. حتى في اللايف طريقة الأداء بتاع الفرقة مختلفة شوية كان عندنا حفلة إمبارح الحمد الله عملت شغل كويس الفكرة بتاعة الميوزيك والأداء كان مختلف. فإحنا مقدمين ميوزيك جديدة هي مش إنجليش او ميكس لا إحنا مقدمين حاجة جديدة تماما. **

**المذيعة: حاجة مختلفة. **

**متيم: حتى الكمانجات بتلاقيها صوتها غريب شوية فده هيعمل فرق شوية مابيني وبين الناس الموجوده في السوق، يعني هيخليني على الأقل محطوط في حتة جديدة شوية . **

**المذيعة: قلت عملت الألبوم كان إنتاج شركة؟ كان سهل بالنسبة لك إنك تلاقي شركة؟ ولا إنت اللي أنتجبت لنفسك؟**

**متيم: هو الإنتاج يعتبر انا وسبونسر أصحابي وكده اللي عملنا الإنتاج، الشركة توزيع بس، طبعا ربنا يخليلي برضه أمي اكيد ساعدتني لازم أشكرها في كل حاجة لأنها وقفت جنبي جامد اوي لغاية دلوقتي ،  بس إحنا نعتبر إحنا المنتجين. **

**المذيعة: عموما مبروك على النجاح وكل سنة وإنت طيب ونتمنالك كل توفيق إن شاء الله نورتنا. **

**متيم: مرسي. **

**المذيعة: وكنا سعداء بوجودك. **

**المذيعة 2: مرسي يامتيم. **

**متيم: مرسي وكنت سعيد بيكم جدا. **

**النشاط الخامس**

**إبتديت وأنا عندي تقريبا تسع سنين. كنت قاعد عند الملحن العبقري محمد الموجي، فقال لبابايا متيم لازم يغني علشان هو عنده موهبة كويسة. **

**كنت بقعد ألعب على الجيتار شوية، ودي كانت البداية بتاعتي، فبعد كده إنطلقت بقى في الجاليات العربية في كندا. أنا عشت في كندا حوالي ١٥ سنة، فأخدت إكسبرينس كويسة على الستيج. **

**غنيت لمطربين كبار، طبعا للفنان الكبير عمرو دياب، الفنانة سميرة سعيدة، فده إداني إكسبرينس كويسة أوي على الستيج، وبعدين جيت مصر من حوالي ٧ سنين بعد ما خلصت دراسة الإخراج والتمثيل، وإبتديت هنا بقى. **