張悦楷講《三國演義》, 110

我 哋 講到 劉備 就 病重 ， 臨終 囑咐 孔明 就 唔 好 重用 馬 謖 。 吩咐 完喇 ， 劉備 就 叫 侍臣 召 所有 嘅 大臣 入 嚟 ，攞 紙筆 ， 寫 咗 遺詔 ， 交 咗 畀 孔明 佢 話 ： 哎 ， 朕 冇 讀書 ， 只 係 ， 大概 知道 啲 道理 啫 。 聖人 話 ： 鳥之將 死 ， 其鳴 也 哀 ； 人之將死 ， 其言也善 啊 。 朕 ， 本來 想同 各位 愛卿 ， 一齊 去 剿滅 曹賊 ， 共 扶漢室 。 不幸 ， 半路 中途 ， 要 分別 咯 。 啊 ， 勞煩 丞相 啊 ， 將 詔書 交 畀 太子 阿禪 。 叫 佢 ， 叫 佢 唔 好 以 為 係 講 慣講 熟 嘅 普通 說話 ， 凡事 ， 望丞相 你 教 佢 啦 。 孔明同 一班 大臣 跪 喺 處 話 ： 請 陛下 保重 龍體 ！ 臣 等 ， 必定 竭盡 犬馬之勞 ， 嚟 報答 陛下 知遇之恩 啊 ！ 劉備 啊 叫 侍臣扶 起 孔明 ， 佢 一手 抹 眼淚 ， 一手 就 執住 孔明 隻 手 。 佢 話 ： 朕 ， 就 快要 死 喇 ， 有 幾句 心腹 嘅 說話 講 你 聽 。 陛下 ， 有 咩 嘢 聖旨 請講 。 先生 你 嘅 才能 ， 勝過 曹丕 十倍 。 必定 能夠 安邦定國 ， 終歸 統一天下 。 若果 太子 係 可以 輔助 ， 就 輔助 佢 ； 如果 ， 如果 佢 冇 才幹 ， 先生 ， 你 就 自己 做成 都 之主 啦 。 哎呀 孔明聽 劉備 講完 呀 個 心 怦怦 跳 ， 周身 出汗 手足無措 ， 即刻 就 跪 喺 地 嚟 ： 臣 誓 要 竭盡全力 ， 忠貞不二 ， 輔助 太子 直到 死為止 啊 ！ 講完 ， 叩頭 叩到 額頭 都 流血 呀 。 劉備 又 請 孔明坐 喺 龍 床上 便 ， 叫魯 王劉永 、 梁王 劉理行 埋 嚟 就 吩咐 佢 哋 話 ： 你 哋 ， 要 記住 朕 嘅 說話 ， 啊 ， 朕 死 咗 之後 ， 你 哋 三 兄弟 ， 都 要當 丞相 係 父親 ， 噉 嚟 侍奉 ， 唔 準 怠慢 啊 ， 記住 至 好 啊 。 講完 ， 叫 兩個 王子 一齊 拜下 孔明 。 兩個 王子 拜 完 ， 孔明 就 話 喇 ： 臣 雖然 肝腦塗地 ， 都 報答 不了 陛下 知遇之恩 啊 ！ 劉備 跟 住 對 成班 大臣 話 ： 朕 已經 將 三個 仔 ， 託付 畀 丞相 ， 要 佢 哋 ， 當 丞相 係 父親 ， 一樣 噉 侍奉 。 各位 愛卿 ， 都 唔 好 怠慢 ， 唔 好 辜負 朕 嘅 期望 啊 ， 啊 。 劉備 又 叫 趙雲 埋 嚟 對 佢 話 ： 朕 ， 同 愛卿 ， 係 相交 於 患難 之中 ， 一直 到 而家 ， 想 唔 到 要 喺 呢 處 分別 。 愛卿 要 記住 ， 同 朕 多年 嘅 交情 。 時常 關照 我 嗰 幾個 仔 ， 吓 ， 唔 好 辜負 朕 嘅 囑咐 啊 。 臣 ， 誓效 犬 萬 之勞 ！ 各位 愛卿 ， 朕 ， 唔 能夠 一一 噉 囑咐 你 哋 咯 ， 希望 你 哋 ， 自己 ， 珍重 啦 ！ 講完 ， 劉備 就 逝世 ， 享壽 六十三歲 。 當時 ， 係 章武 三年 ， 即 係 公元 二 二三年 ， 四月 二十四日 。 後 嚟 ， 大 詩人 杜甫 有 一首 詩 詠歎 呢 件 事 ： 蜀 主窺 吳向 三峽 ， 崩年 亦 在 永安 宮 。 翠華 想像 空山 外 ， 玉殿 虛無 野寺 中 。 古廟 杉松巢 水鶴 ， 歲時伏臘 走村 翁 。 武侯祠 屋長 鄰近 ， 一體 君臣 祭祀 同 。 噉 劉備 逝世 之後 啊 ， 文武 官員 都 非常 哀痛 定 啦 。 孔明 啊 率領 眾 官員 護送 劉備 嘅 靈柩 返去 成都 。 返 到 嘅 時候 ， 太子 劉禪 出 城 迎接 ， 然後 將 靈柩 安 喺 正殿 裏 便 。 舉哀 行禮 完畢 嘞 ， 就 開讀 劉備 嘅 遺詔 。 遺詔 個 大意 呢 就 係 噉 講 嘅 ： 我 初時 得病 ， 不過 係 痢疾 ， 收尾 又 併發 其他 嘅 病症 ， 都醫 唔 好 。 平時 都 話 喇 ， 一個 人有 五十歲 ， 都 唔 算 短命 ， 而家 我 六十幾歲 咯 ， 死 亦 冇 乜嘢 遺憾 咯 ， 就 係 掛住 你 哋 幾 兄弟 啫 。 你 哋 要 經常 勉勵 自己 啊 ， 唔 好 認為 壞事 好 細微 就 做 下 都 唔 緊要 ； 又 唔 好 認為 好事 咁 細微 就 唔 去 做 佢 。 只有 賢德 嘅 行 為 ， 先至 可以 服人 啊 。 我 嘅 德行 淺薄 ， 你 哋 唔 好學 我 。 你 哋 同 丞相 相處 ， 要 好似 對待 父親 一樣 噉 ， 千祈千祈 唔 好 怠慢 ， 唔 好 忘記 。 你 哋 幾 兄弟 要 努力 ， 要 使 到 自己 名聲 顯著 ， 要 記住 我 嘅 囑咐 啊 。 宣讀 完 遺詔 ， 孔明 就 話 ： 國家 一日 冇 個 君主 係 唔 得 ， 請 太子 登基 繼承 漢朝 正統 。 於是 孔明 就 同 文武百官 ， 立太子 劉禪 做 皇帝 。 將 年號 呢 就 改為 建興 元年 ， 即 係 公元 二 二三年 喇 。 劉禪 做 咗 皇帝 就 加封 諸葛亮 做 武鄉侯 ， 領 益州牧 。 將 先主 劉備 安葬 喺 惠 陵 ， 稱 佢 做 昭 烈 皇帝 。 尊稱 皇後吳氏 做 皇太 後 ； 稱 甘夫人 做昭烈 皇 後 ， 糜夫人 呢 亦 追稱 為 皇 後 。 升賞 群臣 就 大赦天下 ， 呢 啲 呢 就 唔 多 講喇 。 而家 講下 曹丕 ， 佢 知道 劉備 逝世 就 好 高興 啊 。 佢 同 啲 大臣 商量 話 喇 ： 劉備 死 咗 ， 朕 唔 使 憂 嘞 ！ 不如 趁 佢 哋 國 中 無 主 嘅 時候 ， 起兵 去 攻 佢 都 好 噃。 賈詡 唔 同意 嘞 佢 話 ： 劉備 雖然 死 咗 啫 ， 佢 誒 必定 託孤 於 諸葛亮 嘅 。 諸葛亮 感激 劉備 對 佢 知遇之恩 ， 就 必定 傾心 竭力 嚟 扶持 繼位 嘅 劉禪 喇 。 所以 ， 陛下 唔 好 倉 倉促 促就 去 攻 佢 啊 。 司馬懿 就 話 ： 陛下 所見極 之 英明 ， 唔 趁 呢 個 時候 進兵 ， 更待何時 啊 ！ 好 ， 仲達 你 講下 ！ 陛下 ， 若果 只 係 出動 我 哋 中原 嘅 兵馬 ， 就 難以 取勝 。 必定 要用 五 路大軍 四面 夾攻 ， 使到 諸葛亮 首尾 不能 救應 ， 然後 就 可以 擊敗 佢 。 哦 ？ 你 講 嘅 係 邊 五 路大軍 呢 ？ 陛下 寫 一封 書信 ， 派 使者 去 鮮卑 國 ， 見 國王 軻比能 ， 送 多 啲 金銀珠寶 畀 佢 作 為 禮物 ， 叫 佢 出動 十萬 羌兵 ， 先由 陸路 去 攻取 西平 關 ： 呢 個 係 第一路 。 再 寫 一封信 ， 派 使者 帶住 官 誥 賞賜 直入 南蠻 ， 見蠻 王孟獲 ， 叫 佢 起兵 十萬 ， 攻打 益州 、 永昌 、 牂 牁 、 越 巂 四個 郡 ， 攻擊 西川 嘅 南部 ： 呢 個 係 第二路 。 嗯 ， 噉 仲有 呢 ？ 陛下 再 派遣 使者 去 東吳 ， 表示 和 好 ， 應承 割地 畀 佢 ， 叫 孫權 起兵 十萬 ， 攻打 兩川 峽口 ， 直取 涪城 ： 呢 個 係 第三路 。 又 派 使者 去 降將 孟 達 嗰 處 ， 叫 佢 喺 上 庸 ， 起兵 十萬 ， 向西 攻打 漢中 ： 呢 個 乃 係 第四路 。 然後 ， 任命 大將軍 曹真 做 大 都督 ， 率領 十萬 雄兵 ， 由 京兆 直出 陽平關 ， 去 奪取 西川 ： 呢 個 係 第五路 。 噉 總共 係 五十萬 大軍 ， 五路 並進 ， 哈哈哈哈 ， 就算 諸葛亮 係 姜子牙 返生 ， 亦 抵擋 唔 住 啊 陛下 。 曹丕 真 係 高興 啊 。 佢 隨即 寫 好 信 ， 靜靜 噉 派遣 四個 能說會道 ， 口才好 嘅 官員 做 使者 ， 分別 去 鮮卑 、 南蠻 等 幾個 地方 。 又 任命 曹真 做 大 都督 ， 帶 十萬 兵馬 直取 陽平關 。 呢 個 時候 ， 張 遼 等等 一班 大將 啊 ， 都 封 咗 做 列侯 ， 派 咗 去 鎮守 冀州 、 青州 、 徐州 ， 以及 合肥 等等 嘅 地方 ， 故此 呢 次 出兵 呢 就 冇 調 佢 哋 嘞 。 誒 各位 ， 喺 上面 講 咗 好幾個 地方 啊 ， 所以 呢 就要 囉嗦 啲 噉 講一講 。 鮮卑 就 係 古代 嘅 一個 民族 ， 而家 呢 絕大部分 已經 同 漢族 同化 咗 㗎 喇 。 當時 佢 哋 活動 地區 就 喺 華北 同埋 西北 一帶 㗎 。 南蠻 指 嘅 就 係 ， 今日 雲南 啊 貴州 啊 以及 四川 嘅 一部分 地區 。 益州郡 呢 ， 就 唔 同 益州 噃。 益州郡 就 係 今日 雲南 西南部 嘅 地區 ， 蜀 漢建興 三年 就 改名 做 建寧 郡 嘅 。 而 益州 呢 ， 係 一個 州 ， 包括 嘅 地方 就 好多 好大 。 有 今日 四川 、 甘肅 、 陝西 、 湖北 、 貴州 嘅 一部分 地區 ， 州城 就 係 成都 。 永昌 郡 就 係 今日 雲南 大理 嘅 部分 地區 ， 郡 城 呢 ， 喺 而 家 雲南 寶山 縣 。 牂 牁 郡 啊 ， 就 喺 今日 貴州省 內 。 越 巂 郡 呢 ， 係 今日 雲南 、 四川 嘅 部分 地區 ， 郡 城 就 喺 四川 西昌 縣 嘅 東南 。 好 喇 ， 噉 誒 言歸正傳 喇 。 而家 講下 蜀漢 後主 劉禪 啊 ， 佢 登基 之後 呢 ， 噉 啊 舊日 嘅 老 臣子 好多 都 病死 咗 喇 ， 呢 度 呢 亦 唔 能夠 逐一 逐二 噉 講 。 噉 啊 國家 裏 便 一切 有關 立法 、 司法 、 錢糧 等等 嘅 事情 啊 ， 都 由 諸葛丞相 話 晒 事 。 噉 啊 ， 當時 劉禪 仲 未曾 娶 老婆 ， 即 係 ， 仲 未曾 有皇 後 啊 。 孔明 啊 同一 班 大臣 認為 ， 張飛 嘅 女兒 就 非常 之 賢德 ， 今年 係 十七歲 ， 就 向 劉禪 建議 ， 立 佢 做 正宮 皇 後 。 劉禪 同意 喇 。 噉 是 就 喺 呢 一年 啊 ， 八月 ， 邊境 有 緊急 報告 話 北魏 出動 五 路大軍 嚟 攻打 西川 ， 噉 就 係 上面 講 嗰 五 路大軍 嘞 。 而且 附帶 稟奏 畀 後主 知 ， 話 軍情 已經 報告 咗 丞相 喇 ， 但 係 丞相 唔 知 點解 ， 好幾日 冇 出 嚟 理事 啊 噉 。 劉禪 聽見 話 五 路大軍 嚟 攻打 西川 已經 吃 咗 一大 驚 嘅 啦 。 再 聽見 話 孔明 冇 出 嚟 理事 喎 就 更加 心慌 喇 。 喇喇聲 就 派 個 侍臣 去 召 孔明 上朝 。 侍臣 去 咗 半日 返 嚟 講 ： 丞相 府 啲 人話 丞相 有病 唔 出得門 喎 噉 。 劉禪 真 係 震 喇 ， 又 吩咐 黃門 侍郎 董允 、 諫議 大夫 杜瓊 ， 叫 佢 哋 兩個 直情 去 到 病床 前 便 面見 丞相 ， 將 緊急 軍情 講 佢 聽 。 董允 、 杜瓊 就 去 到 丞相 府 ， 嗨 對 唔 住 喇 ， 一律 擋駕 ， 丞相 吩咐 落 唔 見客 。 杜瓊 啊 咕咕 聲 ： 先帝 呀 託孤 於 丞相 ， 而 家主 上 初 初 登上 寶座 冇 幾耐 ， 就 畀 曹丕 派遣 五 路大軍 嚟 侵犯 國境 嘞 。 軍情 咁 緊急 ， 丞相 竟然 推話 有 病 唔 出 嚟 理事 喎 ， 噉 點解 呢 吓 ？ 唉 ！ 過 咗 好 耐 ， 守門 官出 嚟 傳達 丞相 嘅 說話 。 等 病情 稍覺 好轉 ， 聽朝 早出 都 堂 議事 噉 。 董允 、 杜瓊 就 唯有 一 字 歎 氣 一 字 返 扯 係 喇 。 第朝 早 ， 成班 文武 大臣 都 嚟 到 丞相 府 前面 等候 。 哈 ， 點 知道 啊 ， 從朝 到 晚 ， 又 唔 見 孔明 出 嚟 辦公 。 班 文武 大臣 呀 人心惶惶 就 唯有 散 啦 。 杜瓊 即刻 入宮 去 稟奏 劉禪 話 喇 ： 臣 等 見 唔 到 丞相 。 要 請 陛下 御駕 親自 去 丞相 府 ， 問 下 抵抗 敵軍 嘅 計策 至 得 喇 。 呢 件 事大 喇 ， 劉禪 啊 帶齊 一班 大臣 去 稟奏 畀 皇太後知 。 太後亦嚇 咗 一驚 啊 ， 佢 話 ： 丞相 點解 會 噉 嘅 呢 ？ 噉 就 辜負 咗 先帝 對 佢 嘅 期望 咯 ， 等 我 去問 下 佢 。 董允話 喇 ： 娘娘 唔 使 去 住 ， 睇 嚟 ， 丞相 必定 有 咗 高明 之見 㗎 喇 ， 等主 上去 咗 先 啦 。 若果 丞相 怠慢 咯 ， 到 時 再 請 娘娘 去 到 太廟 ， 召 丞相 嚟 問 佢 都 未 遲 嘅 。 噉 啊 照 董 允 嘅 意思 做 喇 。 第 日 ， 劉禪 擺駕 親自 嚟 到 相府 。 守門 官 見到 御駕 到 啊 慌忙 跪低 叩頭 迎接 。 劉禪 問 佢 嘞 ： 丞相 喺 邊 處 啊 ？ 啟奏 萬歲 爺 ， 唔 知 丞相 喺 邊 處 啊 。 丞相 只 係 吩咐 落 ， 叫 擋住 文武百官 ， 唔 準入 內 啫 。 劉禪 就 於是 落 咗 車行 入 丞相 府 ， 一直 行到 第三 進 ， 吖 呢 處 喇 。 只見 孔明 一個 人 啊 篤 住 支 拐杖 ， 喺 個 池塘 仔 旁邊 睇 魚 噃。 劉禪 先 唔 去 驚動 佢 ， 就 企 喺 孔明 後 便 ， 企 咗 好 耐 好 耐 佢 先 至 慢慢 話 ： 丞相 好 安樂 啊 嚱？ 孔明 一 擰 轉頭 ， 見到 係 劉禪 嚟 到 慌忙 掉 開 拐杖 跪低 叩頭 話 ： 臣 罪該萬死 ！ 相父 請起 身 。 多謝 陛下 ！ 相父 ， 而家 曹丕 兵 分 五路 ， 侵犯 邊境 ， 來勢 非常 兇猛 。 相父 點解 唔 肯出 嚟 理事 啊 ？ 哈哈哈 哈哈哈 哈哈哈 ， 陛下 ， 請入 去 坐 ， 臣 慢慢 再 稟奏 明白 。 孔明 就 扶 劉禪 行入 去 內室 坐落 ， 佢 話 喇 ： 五路 敵軍 壓境 ， 臣點 會 唔 知 呢 ？ 剛才 臣 並非 喺 度 睇 魚 啊 ， 係 考慮 緊 事情 啫 。 哦 ？ 相父 有 咩 嘢 計策 對付 敵軍 呢 ？ 羌王 軻比能 、 蠻 王孟獲 、 反將 孟達 、 魏將 曹真 呢 四路 兵 ， 臣 都 已經 使 佢 哋 退走 咯 。 剩返 孫權 呢 一路 兵 ， 雖然 臣 已經 諗 掂 咗 退 佢 嘅 計策 ， 但 係 仲要 搵 一個 有 口才 嘅 人 做 使者 至 得 。 因為 未曾 搵 到 呢 個 合適 嘅 人選 ， 故此 喺 度 考慮 緊唧 ， 陛下 你 何必 擔心 呢 ？ 哦 ？ 噉 就 真 係 好 喇 ， 相父 果然 係 有 鬼神莫測 之機 啊 ！ 相父 ， 請 你將 退敵 嘅 計策 講出 嚟 聽 下 啦 。 先帝 將 陛下 託付 畀 臣 ， 臣 半點 都 唔 敢 怠慢 。 朝 上 嘅 官員 都 唔 曉得 兵法 之 奧妙 ， 用兵 就 貴在 使人 想 唔 到 ， 所以 點 能夠 洩 露出 去 嘅 呢 ？ 臣 一 知道 西番 王 軻比能 ， 帶兵 嚟 侵犯 西平 關 。 臣 就 諗 到 馬超 ， 因為 馬超 嘅 祖先 係 西川 人士 ， 素來 都 好 得 羌族 人 嘅 擁護 ， 羌族 人 都 稱 馬超 做 神威 天 將軍 嘅 。 臣 早就 派 咗 個 使者 飛馬 送 咗 一道 檄文 去 畀 馬超 ， 要 佢 嚴守 西平 關 ， 埋伏 好 四路 奇兵 ， 嚟 防備 軻比能 嘅 軍隊 ， 所以 ， 呢 一路 就 唔 使 擔心 喇 。 嗰 個 南蠻 孟獲 呢 ， 佢 帶兵 嚟 侵犯 四個 郡 。 臣 亦 都 飛馬 下達 命令 畀 魏延 ， 叫 佢 帶領 一支 軍隊 ， 左出 右入 ， 右入 左出 ， 作為 疑兵 。 嗰 啲 南蠻 兵 一味 靠 牛力 ， 但 係 性格 啊 最 多疑 ， 一 見到 疑兵 ， 就 必定 唔 敢 前進 㗎 喇 ， 噉 呢 一路 呢 ， 又 唔 使 擔心 㗎 。 孟 達 佢 呀 帶兵 要 去 進攻 漢中 吖 ， 孟達同 李嚴 曾經 結下 生死之交 。 臣 返 成都 嘅 時候 就 留低 李嚴 守衛 永安 宮 。 臣 已經 用 李 嚴 嘅 名義 ， 仿效 佢 嘅 筆跡 寫 咗 封信 ， 派 人 送 去 畀 孟達 。 噉 孟達 收到 信 之後 呢 ， 必然 會 藉口 有病 唔 願 進兵 嘅 ， 所以 呢 一路 ， 亦 唔 使 擔憂 。 至於 曹真 帶兵 嚟 侵犯 陽平關 ， 嗰 處 地方 非常 險峻 ， 可以 堅守 。 臣 已經 調 趙雲帶 一支 軍隊 去 陽平關 ， 吩咐 佢 嚴加 防守 唔 好 出戰 。 曹真 若果 見 我軍 唔 出戰 ， 唔 使 幾耐 ， 佢 自己 就 會 撤退 嘅 。 所以 呢 四路 兵 都 唔 使 擔心 。 臣 恐怕 噉 都 仲 唔 夠 保險 ， 又 秘密 噉 調 關興 、 張苞 兩個 人 ， 各帶 三萬 兵 ， 駐 扎 喺 啲 緊要 嘅 地方 作為 各路 嘅 救應 。 呢 幾處 兵力 嘅 調動 ， 都 冇 經過 成都 ， 故此 就 冇 人 知道 喇 。 啊 ， 原來 噉 嘅 ！ 相父 ， 噉 東吳 孫權 嗰 一路 兵 又 如何 對付 呢 ？ 東吳 呢 一路 兵 未必 會 咁 快 行動 。 若果 佢 見到 四路 兵 都 打贏 ， 兩川 危急 嘞 ， 佢 就 必定 嚟 進攻 。 相反 ， 若果 四路 兵 都 唔 贏呢 ， 佢 點 肯 逳 呢 ？ 曹丕 曾經 派 三路 大軍 侵犯 東吳 ， 魏 、 吳就 結落 咗 仇恨 。 臣 料想 孫權 必定 唔 肯 聽 曹丕 嘅 說話 嘅 。 雖則 係 噉 ， 必定 要 用 一個 極好 口才 嘅 人 去 東吳 ， 同 孫權 講明 利害 ， 說服 咗 孫權 ， 東吳 就 唔 會 出兵 。 噉 樣 其餘 嗰 四路 兵 ， 就 完全 唔 使 憂心 喇 。 但 係 到 而家 ， 仲未 物色到 去 東吳 嘅 人選 ， 臣 故此 喺 度 躊躇 啫 ， 使 乜 勞煩 陛下 御駕 親臨 呢 ？ 哦 ， 本來 呀 ， 太後亦 都 想 嚟 見 相父 㗎 ， 嘿嘿嘿 ， 而家 ， 朕 聽 咗 相父 嘅 說話 ， 真 係 如夢初覺 ， 噉 朕 就 唔 使 憂心 喇 。 孔明 就 吩咐 擺酒 ， 同 劉禪 歡歡喜喜 一齊 飲 咗 幾杯 ， 就 送 劉禪 回宮 。 喺 丞相 府 門口 啊 ， 成班 文武 大臣 都 企 齊 喺 度 等候 ， 睇 下 有 咩 嘢 消息 。 咦 ？ 見到 劉禪 眉開眼笑 喎 。 噉 啊 劉禪 同 孔明 分別 咗 坐 上車 返去 皇宮 。 噉 啊 大家 個心 都 有 啲 思思 疑疑 ， 究竟 點呢 吓 ？ 都 估 唔 到 啊 。 孔明 見到 喺 啲 官員 當中 有 個人 仰起 頭 ， 笑 瞇 瞇 噉 。 原來 呢 個 係 戶部 尚書 ， 姓 鄧 ， 名芝 ， 字伯苗 ， 係 漢朝 司馬 ， 鄧 禹 嘅 後代 。 孔明 暗中 使人 留住 鄧芝 ， 等 啲 官員 散 咗 之後 ， 孔明 就 請 鄧芝入 去 書院 坐 。 寒暄 咗 幾句 之後 孔明 就問 鄧芝話 喇 ： 當前 蜀 、 魏 、 吳 鼎足三分 ， 如果 想 消滅 嗰 兩 國 ， 統一天下 ， 應該 首先 去 攻打 邊國 呢 ？ 丞相 ， 以下 官 淺薄 個 見解 睇 嚟 ， 覺得 魏國 雖然 係 漢賊 ， 但 係 勢力 強大 啊 ， 急切 之間 難以 動搖 到 佢 ， 所以 只 能夠 慢慢 嚟 。 目前 主上 初登 帝位 ， 民心 未定 ， 最好 就 係 同 東吳 聯合 ， 唇齒 相依 ， 洗清 先帝 結 落 嘅 舊怨 ， 呢 個 乃 係 長久之計 。 未知 丞相 尊意 以 為 如何 呢 ？ 哈哈哈哈 哈哈哈 ， 呢 件 事 我 諗 咗 好 耐 㗎 ， 可惜 一直 都 不得 其人 啊 ， 今日 ， 我 先 至 搵 到 啊 ！ 丞相 想 搵 嗰 個人 做 咩 嘢 呢 ？ 我 想 派 佢 去 聯合 東吳 ， 大人 既然 明白 聯合 嘅 意義 ， 必定 能夠 不辱 君命 做好 呢 件 事 嘅 。 呢 個人 選 ， 非 大人 莫屬 喇 啊 ， 哈哈哈 哈哈哈 。 下官 才 疏智 淺 ， 恐怕 擔當 唔 起 呢 個 重任 啊 。 哎 ， 我 聽 日 就 去 稟奏 皇上 ， 勞煩 大人 去 東吳 行 一趟 ， 大人 唔 好 推辭 喇 。 承蒙 丞相 信賴 ， 下官 一定 盡力 ！ 下官 告辭 。 噉 鄧芝 應承 咗 ， 就 告辭 走 嘞 。 第 日 ， 孔明 得到 後主 劉禪 嘅 批 準 啊 ， 就 派 鄧芝 做 使者 去 東吳 嘞 。 而家 講下 孫權 ， 佢 自從 做 咗 吳王 之後 嘅 第二年 啊 ， 他 接受 咗 張昭 、 顧雍 等等 幾位 大臣 嘅 建議 ， 自己 建立 年號 ， 稱為 黃 武 元年 ， 即 係 公元 二二 二年 。 各位 ， 魏 、 蜀 、 吳三國 啊 ， 噉 啊 都 各自 建立 起 自己 嘅 年號 喇 。 最先 ， 就 係 魏國 曹丕 啦 ， 佢 喺 公元 二二 零年 啊 就 建立 咗 黃初 元年 。 跟 住 隔 咗 一年 ， 即 係 公元 二二 一年 ， 劉備 自立 為 漢中 王 ， 建立 章武 元年 。 然後 又 隔 一年 即 係 公元 二二 二年 ， 就 輪 到 孫權 喇 。 噉 啊 呢 一日 魏國 嘅 使者 嚟 到 拜見 孫權 ， 話 前次 啊 ， 蜀國 派 人 向 魏國 求救 ， 因為 一時 不明 就 派兵 幫 咗 佢 。 而家 已經 非常 後悔 喇 ， 要出 四路 兵去 攻打 蜀國 啊 ， 就 請 東吳 派兵 嚟 接應 。 將來 得到 蜀國 嘅 土地 咯 ， 就 各分 一半 噉 。 孫權 聽 咗 就 決定 唔 落 ， 就 同 張昭 、 顧 雍 佢 哋 商量 。 張昭話 喇 ： 陸 遜 嘅 見解 最高 明 ， 搵 佢 嚟 問 下 啦 。 陸遜 呢 ， 佢 自從 擊退 咗 魏兵之 後 啊 孫權 就 封 佢 做 輔 國 將軍 ， 江陵 侯 ， 領 荊州 牧 。 全國 嘅 軍權 都 喺 陸 遜 手 嚟 。 於是 孫權 呢 ， 就 召陸遜 嚟 問 佢 點樣 回覆 曹丕 嘅 要求 嘞 。 噉 究竟 陸遜 係 同意 呢 定 唔 同意 呢 ， 就 下次 再講 喇 。