男人 唔 可以 穷 Chapter 2
收到 Jeffrey 電話 , 我仲未 完全 可以 將我 對 以娜 嘅 憤怒 Mode 轉換 過嚟 , 同 Jeffrey 收線 之後 , 我行 咗 埋 去 以娜 坐 住 嘅 架 波子 前面 , 我 嘗試 望下 周圍 睇下 見唔見到 頭先 用 呢 架 車載 住 以娜 嘅 男人 係 邊個 , 不過 我望 咗 差唔多 半分鐘 , 都 始終 見唔到 我 想 搵 嘅 人 , 呢 個 時候 以娜 打開 咗 隻 窗 , 伸 咗 個頭 出嚟問 我
「 阿正 , 你 做 乜嘢 呀 ? 頭先 邊個 打俾 你 ? 」 「 妳 收聲 ! 」 我用 咗 差唔多連 中環 嘅 邊 嘅 人 都 聽到 嘅 聲線 大叫 , 之後 …
「 砰 ! ! 」 我 用盡 生平 最大 嘅 力量 一拳 打 咗 落架 波子 車頭 度 , 我 見到 以娜 個樣 好 驚慌 , 不過 我 冇 理到 , 然後 擰 轉頭 , 就行 去 前面 停 咗 喺 路邊 嘅 的士 上車 。
我 離開 咗 , 因 為 喺 呢 間 波子 前面 , 我 搵 唔 到 我 可以 對抗 佢 嘅 理由 , 以娜 背叛 我 嘅 原因 , 一 早就 已經 放 咗 喺 我 前面 。 愛情 同 面包 面前 , 乜真 係 有 咁 多 人會 選擇 前者 咩 ?
我 感覺 輸 咗 , 但 我 覺得 自己 只不過 係 輸 咗 俾 金錢 , 而 唔 係 能力 上 嘅 比較 , 我 認為 只不過 失去 咗 一個 貪錢 嘅 女人 , 我仲有 我 嘅 事業 , 冇錯 , 我而家 就要 去 處理 我 事業 上 嘅 問題 , 我 好 快 , 我 好 快 就 會 處理 好 。
由上 環返 中環 嘅 車程 好 短 , 我 好 快 就 已經 返到 公司 , 我 一入 門口 , 就 已經 見到 我 老闆 ,Marcus Lam。
「Marcus, 頭先 Jeffrey 打俾 我 , 佢 話 ….」
「 得喇 , 我交低 咗 俾 Jeffrey, 你 同 佢 傾 。」
講完 ,Marcus 就 走 咗 , 我望 住 佢 背影 , 感覺 到 一陣 寒意 , 呢 個 一直 以嚟 對 我 照顧 有加 , 教識 我 所有 工作 上 知識 、 帶 我 人生 第一次 去 中國 會食 成千 蚊 晚餐 嘅 老闆 , 點解 突然 會敢 ?
我 冇 諗 太多嘢 , 一支 箭 咁 就 行 咗 入 會議室 , 坐 喺 度 嘅 係 Jeffrey。
Jeffrey Wan, 溫世 男 , 公司 入 面 嘅 業務經理 , 職位 剛剛 好 就 係 高 我 一級 , 平時 因為 大家 工作 範疇 唔 太 接近 嘅 關係 , 我 都 唔 使 , 亦 唔 會 聽 佢 講 嘢 , 而 佢 亦 都 視 我 為 眼中釘 , 因 為 佢 一 早就 想 安插 多 一個 親戚 坐 我 個位 。
呢條 仆街 Jeffrey 係 一個 二世祖 , 自細同 老豆 老母 住 雲景台 , 細細 個 去 美國 讀完 間 野雞大學 , 返嚟 香港 就 日日落 老籣 溝 鬼妹 , 平時 生活 無憂 , 但 個人 就 冇 乜 能力 , 就 硬 係 鐘意 弄權 , 佢 阿媽 同 Marcus 唔 知有 乜嘢 交情 , 俾個 仆街 一入 嚟 就 坐 呢 個位 , 全 公司 好多 人 都 唔 妥 佢 。
我 一行 入去 ,Jeffrey 見到 我 就 好 撚 串 噉 冷笑 咗 一下
Jeffrey:「 正哥 , 乜 你 捨得 返嚟 喇 ? 」 我 :「 老闆 佢 話 …..Jeffrey, 發生 咗 乜 野事 ? 」 Jeffrey:「 乜野事 ? 上星期 你 訂 嘅 批 風 筒 , 你 堅持 要 用 嘅 間 新 運輸 , 我 到 今日 都 未搵到 , 頭先 我 打 去 船 公司 查 , 批貨 根本 冇 交到 去 , 而家間 船 都 開 咗 , 你 話 批貨 到底 去 咗 邊 ? 」 我 :「 冇 可能 , 我 今朝 仲打俾 個 運輸 佬 , 佢 話 今晚 會 fax 返 交貨單 畀 我 , 我 打 去 問問 佢 。」 Jeffrey:「 你 唔 使 打 喇 , 我 已經 打 咗 。」
我 唔 理 Jeffrey 講 嘅 野 , 打去 俾 個 運輸 佬 , 但 打 咗 十幾次 都 冇 人 聽 。
Jeffrey:「 點呀 ? 搵 唔 到 呀 ? 」 我 :「 搵 唔 到 , 我 聽 日會 跟 住 個 地址 去 佢 公司 搵 一次 , 一定 會查 清楚 件 事 。」 Jeffrey:「 唔 使 喇 , 【林生】 叫 你 放下 假先 , 清 咗 你 未 放 嘅 大 假 , 先返公司 慢慢 處理 , 至於 批貨 , 要 報警 定係 上間 運輸 公司 問 清楚 , 我 自有 安排 。」
我 :「 唔 需要 , 我 嘅 工作 你 完全 唔 知 , 我會 自己 向【林生】講 。」
Jeffrey:「 正哥 , 頭先 【林生】 冇 同 你 講成 單野 已經俾 咗 我 跟 ? 你 唔 會仲以 為 【林生】 好 信 你 , 年 幾前 你 細佬爭 人 錢 搞 到 有 大耳窿 上嚟 公司 大吵大鬧 嘅 時 開始 , 【林生】 已經 唔 鐘意 你 , 乜 你 唔 知 ? 」 我 :「 你 唔 好 再 拎 呢 單野 出嚟 講 ! 」 Jeffrey:「 唔 好講 ? 我哋仲知 你 細佬 呢 幾日 就 出監 , 你 屋企 應該 會 等 錢 使 架 可 ? 」 我 :「 你 講乜野 呀 ? 」 Jeffrey:「 我講 乜野 心照 啦 , 要 講 嘅 已經 講完 , 聽日 Rocky 會 暫代 你 個位 , 有 乜野 唔 明 就 會 打俾 你問 , 記得 開住 電話 呀 。 我而家 走 喇 , 你 走 嘅 時 記得 熄燈 , 俾返 小小 貢獻 公司 呀 。」
講完 ,Jeffrey 條 仆街 就 走 咗 , 我 坐 咗 喺 公司 , 一路 咁 諗 , 點解 一日 之內 , 我會 黑到 好似 俾 人落 咗 降頭 一樣 , 期間 以娜 打 咗 幾次 俾 我 , 但 我 冇 聽到 , 所有 事 都 嚟 得 太快 , 我 一路 發呆 , 一路 開住部 電腦 玩 拆 炸彈 , 一路 玩 到 半夜 三點 。
我 坐 住 N961 返 屯門 市中心 嘅 屋企 , 打開門 , 燈 都 未開 就 坐 咗 喺 梳 化 , 突然 間 有人 開 咗 廁所 燈 , 我 探頭 望望 , 面前 出現 嘅 , 係 一個 我 好 耐 冇 見 過 嘅 臉孔 , 我 一年 前 因為 持械 行劫 而 去 咗 坐監 嘅 親生 細佬 – 薛可勇 。
望到 可勇 , 我 先醒 起 , 原來 佢 今日 放監 出嚟 。
我 更加 醒起 , 我 地 兩 兄弟 最後 一次 見面 , 應該 係 佢 犯事 俾 人 拉 嘅 晚 , 我 喺 差館 當住 幾十 人面 打 咗 佢 一巴 。
佢 坐監 初期 嘅 段時間 , 我 因為 嬲 , 未曾 試 過去 探 佢 , 到 後來 過 咗 兩個 星期 冇 咁 嬲 想 去 探 佢 , 點知 又 發生 佢 之前 爭落 錢 嘅 班 收 數 佬 上 我 公司 搞事 , 跟 住 嘅 , 就 緊 係 我 更加 嬲 , 一路 到 今日 , 我先 真正 見返佢 , 佢 , 好似 瘦 咗 。
原來 我 地 兩 兄弟 冇 見 已經 一年 有 多 。
佢 望 住 我 笑一笑 , 行入 廁所 , 拎 咗 盤水 出嚟 走過 我 身邊 。
可勇 :「 哥 , 唔記得 沖完涼 倒 咗 盤【碌柚葉水】 , 你 咁 夜 嘅 ? 加班 呀 ? 」 當時 嘅 我 心情 其實 好差 , 以 娜 嘅 出軌 、 公司 唔 見 貨 嘅 含冤 , 令 我 已經 覺得 好 辛苦 好 辛苦 , 而家 見 番 一年 幾 冇 見 嘅 細佬 , 雖然 曾經 佢 做錯事 , 雖然 佢 有 連累 我 喺 公司 俾 人 閒話 , 但 始終 二十幾年 嘅 兄弟 情 , 令 我 好 想 埋 去 攬 一 攬 佢 , 問侯 佢 一句 。 可惜 我 冇 。
我 :「 係 呀 , 我忙 到連 你 出返嚟 都 唔 記得 咗 , 今日 係 阿媽 接 你 ? 」 可勇 :「 冇 , 係 【阿栽】接 我 。」 我 :「 阿媽 明明 話會 去 接 你 , 你 又 避開 佢 ? 」 可勇 :「 邊有 , 我 等 咗 陣見 唔 到 咪 走 先 囉 。」 我 :「 大個 仔喇 , 阿媽 呢 一年 為 你 嘅 事 好 傷神 , 唔 好 再 成日 唔 理 佢 。」
可勇 :「 我知 喇哥 , 係 呀 我 同 【阿栽】 出去 , 你 都 早 小小 休息 。」
我 :「 有 冇 錢 使 , 阿哥 俾 住 幾佰蚊 你 責袋 先 。」
可勇 :「 唔 使 喇 , 【阿栽】 佢 今日 還返 之前 借 我 嘅 幾千 蚊 俾 我 , 我 走 喇 , 哥 。」
可勇 呢 個 朋友 【阿栽】 , 細個 同 我 地 一樣 住 友愛 邨 一齊 大 , 平時 工都 唔 願番 , 日日 都 係 問 屋企 拎 錢 。 為 人縮骨無品 厚 面皮 , 又 鐘意 做 波羅雞 , 所以 一向 我 都 唔 係 好 鐘意 佢 , 我 成日 認為 可勇 之所以 學壞 搞 到 要 坐監 都 係 因 為 佢 , 聽見 可勇 話 佢 有 幾千 蚊 還返 俾 佢 , 我 都 覺得 有 小小 奇怪 , 好 怕 佢 地 兩個 走 埋 一齊 又 會 唔 知 做 乜嘢 犯法 嘅 事 。
呢 個 時候 , 突然 一下 好 大聲 嘅 煞車 聲 打斷 咗 我 嘅 思維 , 我行 出窗 , 見到 一架 新款 Audi 停 咗 喺 我 樓下 , 打開 車門 嘅 係 一條 西裝 友 , 我 再 望 真 小小
「 咦 , 呢 個 咪 係 【阿栽】 ? 」 第二日 , 一早 起身 , 望望 電話 , 有 十幾個 未接 來電 , 其中 有 八成 都 係 以娜 打黎 , 另外 其他 就 係 公司 嘅 同事 。 我 打返 公司 問問 平時 都 傾到 兩句 計 嘅 同事 我 走 咗 之後 嘅 情況 , 佢 話 Jeffrey 條唔 知乜野 親戚 Rocky 已經 坐 咗 我 個位 接手 我 嘅 野 , 我 聽到 之後 覺得 好 無奈 , 我 平日 盡忠職守 , 克【克儉】儉 咁 為 公司 做事 , 而家 一件 小小 嘅 誤會 就 咁 樣 對 我 ?
我 好 嬲 , 我 決定 先 解決 我 另外 一個 問題 , 打俾 以娜 。
由禽 晚 我 打完 架 波子 一 鎚 再 離開 以娜 之後 , 佢 足足 打 咗 十幾 廿次 電話 俾 我 , 但 我 全部 都 冇 聽到 , 對於 呢 個 現象 我 係 自己 感覺良好 , 我 覺得 代表 咗 以娜 著緊 我 同埋 唔 想 失去 我 , 所以 而家 打 咗 十幾次 黎想 我 原諒 佢 。
所以 我而家 就 打個 電話 狂鬧 佢 一 鑊 出氣 , 再 諗 下 點收 埋個 尾 , 求其 搵 小小 野 罰 佢 , 咁 就 可以 解決 咗 感情 上 嘅 問題 , 全心全意 咁 諗 下點 對付 公司 嘅 Jeffrey 同 拆返掂 唔見 咗 貨 嘅 單 野 , 當我 坐 喺 梳化 正 準備 打電話俾 以 娜 嘅 時 , 可勇 開門 返咗黎 。
基於 我 本意 係 想 打 去俾 以娜 屌 佢 一 鑊 , 所以 我 唔 想俾 可勇 聽到 , 我 起身 打算 行入 房先 打 。
可勇 :「 哥 咁 早 嘅 ? 」 我 :「 係 呀 , 你 又 同 【阿栽】 去 街 去 到 天光 , 係 喎 , 我 禽晚望 落 樓下 , 見【阿栽】條友仔 好似 幾 好景 咁 喎 。」 可勇 :「 係 呀 , 佢 而 家 做乜鬼野 倫敦 金 , 同 我 講早 排搞掂 咗 個 大 客過 咗 一千萬 幫 佢 開 戶口 , 而家 晚晚 係 咁 意落 兩 轉單 都 搵 到 兩三 倍野 , 禽晚 咪 係 佢 收市 之後 黎車 我 同 佢 班 同事 去 玩 囉 。」
「 係 呀 ? 咁 叻仔 呀 佢 ? 咁 你 都 早 小小 訓喇 。」 我求 其講 兩句 就 行返 入房 , 心 諗 晚晚 係 咁 意 打個 電話 都 搵 到 我 成個 月 嘅 人工 ? 呢 個 世界 仲 有人 做 雞 嘅 ? 呢 條【阿栽】都 唔 知 係 做 緊 乜野 仆街 野 。
但 我 當然 唔 會 為 呢 種事 上心 啦 , 我 冥想 咗 五分鐘 , 諗 好 哂 以娜 大約 會同 我講 乜 野 佢 係 貪玩 之類 嘅 廢話 , 而 我 又 需要 同 佢 講 乜 野 教訓 佢 之後 再 去 原諒 佢 。
諗 好 哂 , 我 拎起 我 嘅 部 背景 係 我 攬住 以娜 嘅 Sony W801i
「 給我 一團 熊火 試煉 我 , 証明 我 這麼 恨恨 愛過 , 期望 不 多 只要 …..」 電話 傳 黎 嘅 係 以娜 嘅 接駁 鈴聲 , 我 再 一次 準備 我 已經 諗 好 咗 嘅 台 詞 。
「 喂 , 阿正 ? 」 「 點呀 ? 」 第一招 , 扮沮喪
「 今晚 你 得 唔 得閒 , 我 想 搵 你 。」 嘿 , 咁 直接 即 係 表示 妳 好 想 我 盡快 原諒 妳
「 我 未知 喎 , 有事 咩 ? 」 「 我 想 上 你 屋企 執返 哂 所有 野 , 仲有 我本 特區 護照 同 旅行 嘅 個 行李箱 , 我 下星期 要 同 同事 去 星加坡 做野 呀 。」 聽到 以娜 咁 講 , 我 有 小小 錯愕 , 更加 有 小小 恐懼 。
佢 唔 係 貪玩 , 亦 唔 係 黎 認錯 , 佢 係 黎 為 我 地 呢 段 感情 蓋棺 。
我 :「 嗯 , 今晚 拎俾 妳 。」
以娜 :「 好 丫 , 唔 該 哂 。」
以娜 從容 嘅 聲線 令 我 完全 感覺 唔 到 佢 有 任何 唔 開心 , 大姐 而家 我哋 分手 喎 , 妳 俾 我 見到 妳 同 第二條 友 喺 車 度 咀 咗 啖 喎 , 妳 仲 好意思 咁 好 心情 同 我 好 丫 唔 該 哂 ?
當晚 , 我哋約 咗 喺 【長江中心】 下面 嘅 【大家樂】 等 , 原因 係 , 以娜 有 客 喺 呢 邊 要 見 , 而 佢 俾 我 嘅 時間 係 : 十分鐘 。
我 特登 搵 一個 轉角 位黎 坐 , 因為 我 唔 知道 一陣 我會 唔 會 發脾氣 。
等 咗 十五分鐘 , 以娜 匆忙 咁 黎到 。
以娜 :「 對唔住 阿正 , 我 遲 咗 。」
我 冇 答到 以娜 , 因為 我 目光 停留 咗 喺 佢 嘅 個 全新 黑色 加 彩色 花 唔 知 係 乜野 款 嘅 LV 手袋 度 , 呢 個 袋 之前 行 置地 嘅 時 佢 有 同 我 睇 過 , 但 好似 要成 八千 幾蚊 , 以 我 原則 手袋 係 要 黎裝野 , 並唔 係 用黎 演野 , 我 係 唔 會 亦 都 唔 準 佢 買 。
我 :「 到底 發生 乜野事 ? 」 我 單刀直入 。 以娜 :「 冇 野 呀 , 係 呀 , 我 好 趕時間 , 我個 護照 呢 ? 你 屋企 上面 我嘅 野 我 遲 小小 先 拎返 , 得 唔 得 呀 ? 」 以娜 估作 輕鬆 嘅 樣 , 有 一剎那 我 真 係 覺得 好 撚 好 撚 討厭 。 我 :「 點解 要 分手 ? 點解 你 會上 咗 嘅 個人 嘅 車 ? 」 我 已經 講唔 出 , 點解 你哋會 錫 咗 一 啖 。 以娜 :「 好來好去 , 你 就當 我 變心 。」
我 :「 乜 撚 野叫當 ? , 唔 係 妳 唔 通 係 我 ? 」 以娜 :「 夠喇 , 我 走 喇 , 唔 想 再 嘈 , 我 去完 星加玻 返黎先 再 傾 。」 以娜 講完 就 起身 拎起 手袋 想 走 , 我 即刻 起身 擋住 佢 。
以娜 :「 薛可正 , 行開 。」
我 :「 唔 講清楚 , 我 唔 會俾 妳 走 。」
以娜 放低 個袋 , 好 不屑 咁 望 住 我 :
「 點樣 唔俾 我 走 ? 好似 你 唔俾 我 想 做 我 嘅 野 咁 ? 」 我 冇 出聲 , 我 想 聽 佢 講 到底 佢 有 乜 野 諗 法 。 以娜 :「 記唔記得 邊個 Edith? 」 我 當然 記得 ,Edith 同阿火 係 我 同 以娜 一對 共同 朋友 , 兩年 前 Edith 識 咗 一個 有錢 佬 就 飛咗 阿火 , 當時 阿火仲 要生要死 , 最後 飲醉 咗 喺 二樓 跌 咗 落街 整斷 咗 隻 腳 , 最後 搞 到 工 又 冇 , 腳 又 唔 多 靈活 , 朋友 都 冇 見 , 最後 聽到 佢 嘅 消息 好似 話 返咗 大陸 。 我 :「 嘅個 貪錢 港女 丫嘛 。」
以娜 :「 冇 錯 , 就 係 嘅 個 你哋 口中 嘅 貪錢 港女 , 人哋 而家 仔 都 四個月 , 日日 坐 喺 佢 老公 打 本 嘅 畫廊 度 不知 幾 滿足 , 你仲記 唔 記得 佢 以前 同阿火 係 點過 日子 ? 」 以娜 咁 講我 亦 記得返, 嘅 時 Edith 係 做 空姐 , 而 阿火 就 係 裝修佬 一名 , 初初 一齊 嘅 時 阿 火 仲 有 工 開 都 幾 甜蜜 , 到 後來 開工 唔 夠 , 就 日日 坐 屋企 打機 , 由 天堂 1 打到 魔獸 , 佢 仲 同 我 講 , 有次 同 Edith嗌交 嗌 到 差唔多 分手 , 原因 係 Edith 老母 生日 , 佢 因 為 要 奇岩 守城 而 冇 去 到 。 我 :「 挑 , 講到 尾 又 咪 係 貪錢 。」
見到 個 新 嘅 LV, 加埋 嘅 日 嘅 架 波 子 , 我 直覺 認為 以娜 係 因為 錢 先 離開 我 , 所以 我 諗 住 指桑 黑槐 咁 單打 一下 以娜 。
以娜 :「 邊個 唔 貪錢 ? 你 咪 一樣 日日 同 我 提住 想 你 公司 加 人工俾 你 , 錢 邊個 嫌多 ? 人哋 而家結埋婚 老公 日日 放工 就 渣車 接 佢 返屋企 , 同阿火 一齊 嘅 時 呢 ? Edith 呢頭 飛 嘅 度 條 仆街 就返大陸 叫雞 喇 。」
呢 一樣 係 以 娜 喺 我 Msn 同 阿 火 嘅 對話 偷睇 到 。
我 :「 咁 關我哋 乜野事 ? 」 以娜 :「 我 兩年 前 想學 跳舞 , 你 話 無謂 , 最後 我要 自己 偷偷地 走去 學 。」 我 :「 我 平時 做野 時間 都 忙 到 想訓 都 冇 , 妳 無啦啦 學乜野 跳舞 ? 時間 好多 呀 ? 」 以娜 :「 一年 前 我 話 儲定 錢 第時 買樓 , 你 話 你 而家 屋企 有 層樓 , 第時結咗婚 裝修 下間 屋 就 可以 一齊 住 , 仲 可以 同 世伯 伯母 有個 照應 。」 我 :「 有 乜野 唔 好 ? 我供而家 層樓 都 供 到 死死 下 , 仲邊 有錢 儲 多份 ? 」 以娜 :「 生日 係 食【翠華】 , 聖誕 係 食【麥奀記】 , 連同 我 屋企 人食 飯 都 係 揀 咗 平 嘅 先 。」 我 :「 咁 有 乜野 問題 , 都 係 食 一餐飯 之 嘛 。」
以娜 :「 你 永遠 將我 當做 你 嘅 附屬品 , 我同 你 拍拖 , 你 就要 將 你 嘅 世界 同 我 世界 融合 , 但 你 只不過 係 將我 世界 摧毀 , 跟 住將 我 放入 你 嘅 世界 度 , 跳舞 係 我 由細到大 嘅 興趣 , 拍拖 三年 你 都 根本 唔 上心。
想買樓 係 我 需要 我 將來 嘅 空間 , 我 只不過 唔想 起身 要 等 廁所 用 , 又 或者 係 想 同 幾個 朋友 返屋企 傾下 計 嘅 時 唔 需要 擔心 嘈到 屋企 其他人 。
不過 你 講得 冇 錯 , 只不過 係 食 一餐飯 , 因為 你 心目 中 你 所 擁有 嘅 野 先 係 最 重要 , 你 覺得 食乜野 都 唔 重要 , 咁 我 甚至 係 我 嘅 家人 都 要 跟 埋 你 咁 諗 , 到底 你 有 冇 尊重 過我 , 或者 係 我 屋企 人 ?
就 好似 阿火 咁 ,Edith 走 嘅 時 佢 就要 生 要死 , 有 冇 諗 過 自己 去 叫雞 嘅 時 係 幾對唔住 Edith 呀 ? 」 我估唔 到 以娜 所講 嘅 會 係 呢 堆 我 冇 諗 過 嘅 野 , 一時間 我 唔知點答 。 以娜 :「 你 唔使 再 望 住 我 呢 個 袋 , 呢 個 袋 係 之前 你 唔俾 我 買 嘅 個 , 我 想 用 買 呢 個袋 黎話俾 自己 聽 , 以後 , 我 應該 行返入 我 自己 嘅 世界 , 做 我 想 做 嘅 野 , 搵 我 想 搵 嘅 路 。
我 諗 你 唔 會 再 唔俾 我 走 。 ByeBye! 」 就 係 咁 , 以娜 消失 咗 喺 我 眼前 , 我個腦 一路 諗 住 佢 講 嘅 野 , 似是而非 , 我 可以 諗 到 好多 藉口 去 反駁 , 但係呢, 由 以 娜 嘅 態度 嘅 嚟睇 , 就算 我駁 到 咁 又點 , 佢 已經 唔 會 變返 以前 嘅 個 以 娜 。 行出 【大家樂】 , 心神恍惚 嘅 我 望 都 冇 望 就 行 咗 出 馬路 。 「呠!!」突然 一架車 從 我 右邊衝 出嚟,我 嚇到 成個人坐咗落地,架車 一停,個西裝友 司機 一落車 就想 屌柒 我。 「我 屌你老母 你 點過 馬……….咦,你 咪係 正哥?」