Tibulli "Quis fuit, horrendos primus..." (Elegiae, I, 10) Tibulli "Who was the first to be feared..." (Elegies, 1, 10) Tibulli "Quem foi o primeiro a ser temido..." (Elegias, 1, 10)

Quis fuit, horrendos primus qui protulit enses? Quam ferus et vere ferreus ille fuit! Tum caedes hominum generi, tum proelia nata, Tum brevior dirae mortis aperta via est. An nihil ille miser meruit, nos ad mala nostra Vertimus, in saevas quod dedit ille feras? Divitis hoc vitium est auri, nec bella fuerunt, Faginus astabat cum scyphus ante dapes. Non arces, non vallus erat, somnumque petebat Securus varias dux gregis inter oves. (...)