!حياة عيلتنا: حاطين البنات مسؤولين عنا - YouTube
ابو يزن
شوف شوف
بتتذكر شهر العسل؟
قضناه هون أحلى أيام
بتعرفي انه كانت اول واخر رحلة النا مع بعض
اتطلع اديش سعر الرحلة رخيص
شو رأيك نرجع نعملها ونسافر شهر عسل ثاني
هاتي هاتي أشوف قديش يعني رخيص؟
اوووف هذا عنجد العرض خرافي
اه بس استني .. هذا للجروبات حبيبتي
عائلتين او اكثر يعني أكيد مش هوني مون ههههه
هوني مون قال
طيب بنجيب عيلة ثانية معنا
بس بدنا حدا ظله خفيف وناس مش نكدين وما يجننونا
وهيك بنترك الاولاد معهم وبنطش لحالنا
شو رأيك ؟؟
بمين عم بتفكري؟؟
بليز بليز بابا
لو سمحت
يا بابا يا بابا
ماشي بنروح
سَفرة سَفرة سَفرة
انا رايحة اخبر ام يزن
ونتفق على كل التفاصيل
بابا .. مش قادر اجر الشنتة
خلي رنا تساعدك بابا
خليني باللي انا فيه
مش قادر تقيلة عليك حبيبي
شد حيلك معي اغراض كتير
بابا رنا مش قابلة تساعدني
دبروا حالكم
مش شايفينّي مشغول
شو اللي عم بصير هون
انت شايف؟
قال هذه البلايز لبسوها على شهر العسل ههههه
بابا شوف سالي
اخدت هذه المخدة اللي بنحطها على الرقبة
هي لمين ؟ الك ؟
بالزبط
هي مش الك سيد سند
هي النا كلنا وانا سبقت عليها
خلص يا ولاد .. دور دور
طيب .. انا اول
سسسسندددددد
نداء نهائي وأخير لعيلة أبو سند
وعيلة أبو يزن هو مافي غيركم بالمطار؟
الرجاء التوجه فورا للبوابة رقم ٣
خلصونا! الطيارة كلها بتستنا فيكم
وبعدين معكم
يلا يا جماعة... ركض
يزن هلا قوم .. هذا محلي
مش قايم، انا سبقت
اللي سبق لبق
يزن !!! بلاش انادي المضيفة تقومك غصبن عنك
ام يزن وين كنتوا؟ قلقنا عليكم تأخرتوا
لما سافرنا شهر العسل ابو يزن شرالي ريحة من السوق الحرة
وضلينا ندور عليها عبل ما لقناها
منيح اللي اجيتوا
بابا خلي يزن يقوم هلا
يزن اتحرك من محلك بسرعة
طب بابا بديش اقعد جمبها
بقعد محلك
لا حبيبي ما حزرت
احنا حجزنا وراء لحالنا
تفضلي يا قلبي
يا حبيبي ما احلا البيوت
هجوووووم
حطوا أغراضكم
بنتلاقى عندنا كمان نص ساعة
شوف ما احلا التخوت
بتقدر تنط عالي كتير
رح البس هذا الفستان على البحر
جبتي تبعك صح
طبعا
أول اشي ضبيته هههههه
شو رأيكم انا وابو يزن بنطلع بنجيب شوية اغراض للبيت
بس انا وام يزن قلنا بنروح نبجيب خبز ومعجنات للولاد
صح أم يزن شو
اه في مخبز قريب من هون كنا كل يوم نوكل في انا وابو يزن لما اجينا هون
بنجيبلكم معنا قهوة كمان
انتوا خليكم ارتاحوا هون مع الأولاد ما بنطول عليكم
خلص تمام
انتو روحوا جيبوا الخبز والمعجنات
واحنا بس ترجعوا بنطلع بنجيب اغراض البيت الثانية
شو رأيك عصام؟
ماشي
يلا مع السلامة.. باي
دينا خلينا نطلع نجيب الأغراض هلا
شو والأولاد؟
أي شو بده يصير عليهم
صاروا كبار وكلها نص ساعة
يا ولاد! احنا طالعين اقل من ساعة نجيب كل اغراض البيت
ديروا بالكم عبل ما نرجع
سالي ورنا انتو المسؤولين عن اخوانكم
ما حدا يطلع من البيت! مفهوم
مفهوم
مش مصدق انه الجيم اللي بنحبها موجودة بالبيت
هذا جد بيت الاحلام
سند ويزن
تعالوا بسرعة رتبوا اغراضكم من اول ما اجيتوا وانتو عم تلعبوا
مش فاضين .. بعد شوي
حبايبي ما تنسوا انه احنا اللي مسؤولين
يلا تفضلوا
رنا شو عم تعملي
اذا الماما شالت الشاحن عن موبايلك بتقول اشي
انا هون المسؤولة عنك حبيبي
سنننند وين ريموت التلفزيون
سند قعد منيح
يا سلام .. شو مال قعدتي
هلا اذا توسخ العفش بدفعونا بداله نزل اجرك
مزبوط وانت كمان سيد يزن
لا هيك صار كتير
اكتر من كتير
احنا طالعين وما رح نرجع غير لما اهلنا المسؤولين عنا يرجعوا
وين رايحين الدنيا عتمة
ارجعوا لهون بسرعة بقول ارجعوا
شو رح نعمل هلا ؟؟
هيك الواحد بعرف صحابه
بطلعوا بسافروا بروحوا ومش حاكيين للولو؟؟
أصلا السفرة مش حلوة بدوني
هم الخسرانين
معك حق يا أم انصاف
يييي انت سامعني؟
هو بس أنا اللي سامع؟
كل الحارة سامعتك
احنا وين رح نروح ؟؟
انت صدقت
مش رح نروح محل
تعال هون وراء الشجرة
شو رح نعمل؟
رح نعلمهم درس وخنشوف شو بدهم يقولوا لاهلنا بس يرجعوا وما نكون موجودين
يا سلام عليك
شو هذا الصوت ؟؟
مش عارف
يييي مين هذا ؟
حرامي .. حرامي
هسسسسس وطي صوتك
احنا لازم نحكي مع البابا والماما
او مع الشرطة بسرعة قبل ما يدخل على البيت
مافي وقت للتليفونات لازم نتصرف
شو رح نعمل
انا خايف
رح ابعت لسالي ورنا
ورح نتصرف
شو في سالي
في حرامي عم بحاول يدخل البيت
انت متأكدة؟ هدول أكيد بعملوا فينا مقلب
أه ممكن مقلب
حرامي .. حرامي ..شو نعمل
احنا لازم نتعاون ونعمل خطة
هلا ببعت لسند
سند شو الخطة ؟ احكيلي
رح ادور على حبل وانت جيب كيس الألعاب اللي هناك والحقني
اوكي
(صراخ)
مسكوه ... مسكوه
مش معقول الخطة رهيبة وانتو فظيعين
عملناها
يزن شو هالشجاعة هذه
زي ما بقولوا الأجانب
Team work makes the dream work
قلتلك ما رديتي علي
يعني معقول هذا الكلام
ليش بدك تحط الحق علي
شو وين الخبز والاشياء الزاكية
شايفة ايديكم فاضية
قلتلها يعني من ٢٠ سنة بده يكون المحل لسى في محله
هو في اشي بضل زي ما هو
لو كان عندك نت اصلا كان لقيناه وما ضعنا ساعة وتكسروا رجلينا
له له يا جماعة طولوا بالكم
خلص تعالوا، احنا جبنا اشياء كتير خلص ما تقلقوا
شو في انتو ليش برا ؟؟
مين هذا ؟؟
انتو شو عملتوا بالزلمة
قدرنا نلقطه هالحرامي
حرامي؟؟ شو حرامي؟؟
هذا الشب اللي بده يصلح الشباك
انتوا شو عملتوا؟
الشركة رنت علينا وحكولنا انه جاي
شووووووو
قلتلك ما تتسرع قلت لا لازم احنا نتصرف
انا
مش رنا اللي قالت انا عندي خطة
يعني هلا صار الحق علي
اه الحق عليك ولا على مين ؟؟
يمكن احنا كاخوة ما بنتفق مرات وبنطاوش على اشياء كتير
ومع هيك احنا بنحب بعض كتير والاخوان ما الهم الا بعض
وأكييييد أحلى اشي انه نخلق ذكريات حلوة ومضحكة مع بعض
صح يا شباب
أكييييد صح
(يضحكون)
شفت مخبز شكله حلو على الطريق وعندهم قهوة زاكية
شو؟ يلا؟
شكله احنا اللي علقنا مع الاولاد اليوم
(يضحكون)
