!حياة عيلتنا:ساعدونا اهلنا مش مصدقينا - YouTube
لزرعلك بستان ورود وشجرة صغيرة تفييك
اه طمن حليتها ولا شو
صرلك ساعة بلشان بهل الاسلاك ؟؟
حبيبي الشغل النظيف دايما بده وقت
ولا لا يا ابو يزن
اشبك .. اشبك اشوف
لسى مش واصل
انا اللي عرفت الحل يا معلم
لا انا المعلم مش انت
مرحبا .... زبط ؟
لسى بابا لسى
عادي اليوم كله اصلا مش زابط
له له له يا يزن شو مالك يا زلمة طول بالك
ليش صاير اشي بالمدرسة ؟
لا بس جابولنا استاذ جديد
عنيف وصوته عالي
ههههه ليش هو في نوع ثاني وانا مش داري
صحيح
احنا طول عمرنا بنوكل قتل وبهادل من الاساتذة وهينا ماشالله علينا
شو بدرس هذا الاستاذ
رياضيات ؟
انت ما بنخاف عليك بالرياضيات يابا ولا يهمك
يلا حبيبي الاكل جاهز
روح تغدى ابو يزن ولا يهمك
انا بدبر حالي بالاكل متعود
ما تقلق علي.. ولا يكون عندك اي مشكلة يم
لا لا بنتغدى انا واياك مع بعض
تفضل
اي ما تغلب حالك.. شو طابخين بلا مؤاخذة ؟؟
سند لسى عم تدرس ؟
لا خلصت الامتحان
بس عنا يوم مفتوح هذا اللي اعطيتكم الدعوة تبعته اليوم
وصفنا لازم يقدم اشي ولسى مش عارفين شو نعمل
بس هيك ؟
لا .. كمان سامي هلا بعتلي
امه بالمستشفى وهو كل الوقت معها
وبكرا لازم يجي على المدرسة لانه عنا امتحان
حرام
يا علي انا
خلص بكرا بعمله ساندويشة وشوية فواكه واشياء زاكيه
وانت دير بالك عليه
شكرا ماما
طيب ماما حبيبتي خلص انت بكرا تعالي عندي وبنحكي بالموضوع
حلا خلص جننتيني
شو في شو صار ؟؟
صارلي نص ساعة بحاول أنيمها
هلا كل هذا الصراخ لانه حلا حبيبتي لسى ما نامت
طولي بالك ماما
خلص روحي شوفيها وبكرا بستناكم
انصاف حبيبتي .. شوي شوي على البنت
تصبحي على خير ماما
يلا طلعولي كتبكم بسرعة
وافتحوا على صفحة ٢٥ وحلو السؤال الاول
انا اجيت على طول من المستشفى وما معي الكتاب
ما تقلق سامي احكيلو
انت عندك ظرف
شو هذا اللي بتكتب فيه ؟
قلم جديد .. اعطيني اجرب خطه
انا قلت تحل ولا تحكي يا استاذ يزن !! اه
بس انا خلصت حل
هات اشوف
حل صحيح
والاصح انك بس تخلص ..تسكر ثمك
سامي .. جيب كتابك وتعال
انا حليت استاذ بس على ورقة لانه ما معي كتاب
شو
شو هذا الاهمال والاستهتار تبعكم انا مش فاهم
بس استاذ
انت اسكت ولا كلمة بدي اسمع
قلتلي ما معك كتاب اه .. ما معك
طب خذ ... هي كتاب
عجبك هيك.. هي المديرة ما صدقتنا
احنا مش رح نسكت
شو رح نعمل ؟؟
رح نحكي لاهلك ولاهل سامي كمان شو عمل الاستاذ فيكم اليوم
المشكلة انه اهل سامي بالمستشفى
وانا اصلا حكيت لابوي عن الاستاذ وما اهتم
يزن
مش احنا بكرا عنا النشاط
اه .. شو دخل
انا عندي فكرة!! تعال معي
شوفي ماما .. شوفي هذه التيك توك
(تضحك)
ايو فرجيني هالضحكة الحلوة
المشاكل يا ماما ما تخلص
شوفي شوفي هالفيديو كمان
ماما انا لازم اطلع اجيب وليد من كرة القدم
يلا حلا يلا ماما
جننتوني
انا مش قلتلك ما توكلي كمان حلو
وبعدين مش عارفة تمسكي الصحن مثل الناس
جننتيني انتي واخوكي
ماما شو صارلك
ليش كل هذا اي عادي ما صار اشي
ما بترد على كلامي وبتضل توكل حلو وبتصير هايبر وبتجنني
وانت بتقولي ليش بصرخ
ماما انصاف .. هدي شوي
ما بصير هيك
انا ما رح اوعظ عليك وانا متأكدة انك بتحبي ولادك
ما بصير هيك تتعاملي معهم كل مرة بعملوا اشي غلط
ولا نسيتي حالك هلأ يا إنصاف لما كنتي صغيرة ما انتي كنتي مجننتيني
هلا صرتي تحسي بمشاعر الولاد؟
نسيتي كيف كنتي تصرخي علي وتضربيني وأنا صغيرة؟
ماما إنصاف حبيبتي
انا غلطت
سامحيني ومش ضروري تغلطي غلطتي
ليش تأخرتوا؟ هي حجزنالكم جمبنا تعالوا تعالوا
تسلمي ام سند
شو هذا ازمة مش معقولة
بس الشباب اكدوا علينا انه نحضر
شوف القاعة معبية وحتى عازمين الاساتذة والمعلمات كمان
أهالينا الأعزاء، أساتذتنا الكرام وكل الحضور، اهلا وسهلا فيكم جميعا
اليوم حبينا نقدملكم سكتش صغير وبسيط يعبر عن قصتنا
انشالله تستمتعوا فيها
شو يا ولاد جاهزين للمعركة
قصدي للدرس
ههههه ابني نهفة ما صارت خفيف دم زي ابوه
شيلو الدروع بدنا نبدأ الحصة .. شو عم تعلموا ؟
عم نحمي حالنا منك يا استاذ
كلامك جارح
بكل مرة بتدخل فيها على الصف بتصرخ وبتضرب بنحس فيها بالخوف والقلق
بنحس بالذنب والخجل
بنحس بعدم القيمة والفشل
واللي عم بصير معنا اليوم عم بخلينا نكره المادة
ونكره المدرسة بدل ما يعطينا للمستقبل امل
ولادنا
احنا موجودين هون عشان ندعمكم ونحميكم ولا شو اسمنا اهل
سامحونا يا طلاب اذا في حدا منا اساتذة ومعلمات بنتصرف معكم بهذه الطريقة
الصراخ الضرب بسبب اذى جسدي ونفسي
وهذا مش مقبول لانه احنا بنحبكم وانتو على قلبنا مثل العسل
إذا في تصرف غلط من الطالب واجب الاستاذ يعرف شو سبب التصرف الغلط
وشو سبب الكلل أو الملل
بما اني المديرة، انا بعتذر عن تقصيري وانا رح اتصرف
كل واحد منكم يا ولاد بستاهل الحب والاحترام
عمرك ما تسكت على هيك اشي وكون مثل هدول الشباب
بطل واكتر من بطل
