八號
每年 ， 香港 都 會 打風 。 以前 ， 每當 有 颱風 嚟 嘅 時候 ， 香港 天文台 都 會 喺 信號 塔掛 起 一個 球形 嘅 標記 ， 所以 香港 人會 叫 颱風 做 「 風球 」。 風球 分為 五個 等級 ， 包括 冇 得 放假 嘅 一號 、 三號 風球 ， 同埋 令 大家 唔 使 返工 返 學 嘅 八號 、 九號 同 十號 風球 。 香港 人 工作 繁忙 ， 大家 都 想 放多 一日 假 。 所以 ， 每次 天文台 話 即將 有 颱風 嘅 時候 ， 大家 都 好 雀躍 ， 希望 個風 可以 打得 勁 啲 耐 啲 ， 達到 八號 風球 就 可以 放假 。
於是 ， 每當 颱風 吹到 嚟 嘅 時候 ， 大家 都 好 關心 佢 嘅 級別 。 由 最初 掛 起 一號 風球 開始 ， 大家 就 不斷 許願 ， 希望 佢 變成 三號 風球 ， 再 變成 八號 風球 。 不過 ， 香港 有 一個 人人 都 聽 過 嘅 都市 傳說 —— 李氏 力場 。 呢 道 力場 可以 阻擋 颱風 ， 保護 香港 人 嘅 安危 。 奇怪 嘅 係 ， 呢 道 力場 往往 喺 大家 需要 返工 返 學 嘅 日子 先 會 出現 ， 當 大家 放工 放學 或 放假 ， 力場 就 會 離奇 消失 。 所以 ， 通常 掛親 八號 都 係 大家 唔 使 返工 返 學 嘅 時間 。 有人 仲話 天文台 同 啲 商人 、 老闆 互相合作 ， 令 大家 繼續 返工 。 所以 ， 呢 道 力場 就 以 香港 首富 李家 誠 命名 ， 就 叫 李氏 力場 。 如果 大家 想 放到 打風假 ， 首先 就要 令 李氏 力場 消失 。 但 可惜 嘅 係 ， 一直 都 冇 人 知道 ， 點樣 先 可以 令 佢 消失 。
正正 因為 噉 ， 所以 大家 一邊 想 颱風 升級 嘅 同時 ， 又 唔 想 佢 咁 快 就 升 到 八號 風球 。 因為 如果 個風 咁 早 喺 放工 放學 或公眾 假期 升 到 八號 ， 噉 到 咗 真正 返工 返 學 嘅 時候 ， 佢 就 已經 減弱 返 做 三號 甚至 一號 風球 。 記得 有 一晚 ， 媽媽 見到 打緊 八號 ， 一心 諗 住 個 風會 打到 聽 朝 ， 可以 放多 一日 假 ， 就 約 埋 一班 朋友 打 通宵 牌 。 點 知 佢哋 打 到 朝 早 六點 ， 佢 望一望 電視 ， 先 發現 原來 個風 已 經變 返 三號 ！ 冇 耐 佢 仲 收到 老細 Whatsapp：「 記得 準時 返工 啊 ！ 結果 佢 要 頂住 一對 大大 嘅 黑眼圈 ， 行路 左搖右 擺 噉 返工 。
不過 ， 有 啲 工種 係 風雨不改 都 要 返工 嘅 ， 爸爸 就 係 呢種 。 記得 上次 打風 ， 明明 已經 掛 咗 八號 風球 ， 爸爸 都 係 要 返工 。 嗰 時 出面 橫風 橫雨 ， 好多 樹同 物件 都 俾 風吹 到 上 路面 ， 令 交通 受阻 。 爸爸 由 屋企 搭返 公司 本身 只 需 半個 鐘 車程 ， 但 嗰 次 竟然 搭 咗 成 兩個 鐘 ！ 到 放工 嗰 陣 ， 仲因 為 好多 交通工具 暫停 服務 而 返 唔 到 屋企 。
前幾日 ， 香港 又 打風 喇 ！ 為 咗 可以 推遲 小測 ， 我同 媽媽 一樣 ， 心入面 不斷 希望 可以 掛到 八號 風球 。 朝早 七點 ， 我 起身 準備 返 學 嗰 陣 ， 聽到 出面 啲 風吹 到 呼呼 聲 。 我 記起 天文台 話 今日 會 打風 ， 心入面 就 不斷 諗 住 ： 八號 ！ 八號 ！ 八號 ！ 然後 打開 電視 一望 ， 結果 只 係 三號 風 。 唉 ， 始終 都 係 鬥唔 過 李氏 力場 。 好彩 噚 晚 我 冇 諗 住 一定 放假 就 通宵 打機 。 不過 媽媽 就 一臉 失望 噉 望 住 電視機 左上角 嘅 三號 風球 符號 —— 睇 嚟 佢 噚 晚 又 同 朋友 通宵 打 麻雀 喇 ……
雖然 爸爸 「 八號 」 風球 係 冇 假放 ， 不過 幾日 之後 ， 我 發現 佢 將 希望 寄託 喺 另 一個 「 八號 」—— 佢 好 專心 噉 望 住 電視 ， 對住 一隻 印有 「8」 字 嘅 馬匹 大聲 吶喊 ！ 八號 馬 同 其他 馬 一齊 跑 ， 佢哋 跑 得 越 嚟 越 快 ， 爸爸 就 叫 得 越 嚟 越 大聲 。 原來 爸爸 同 我 一樣 咁 鍾情 於 「 八號 」！ 但 結果 「 八號 」 都 係 令 我哋 大失所望 ……
我 諗 ， 大家 都 係 返去 繼續 努力 做 嘢 ， 唔 好 再 對 「 八號 」 有 咁 多 幻想 喇 ……
