創刊號 ：氣槍 入門 [6mm 生活 雜誌 6mm Life Magazine - 第一期 Vol.1 ]
或者 大家 都 有 睇 過 Keanu Reeves 呢 個 訓練 嘅 片段 。
咁 我 呢 個 節目 又 同 呢 個 訓練 片段 有 咩 關係 呢 ？
歡迎 收睇 Happy Kongner 嘅 新 節目 6mm 生活 雜誌 ， 我 係 阿 Steve。
呢個 新 節目 主要 係 想 分享 一下 有關 氣槍 運動 同 射擊 嘅 資訊 ， 解釋 一 啲 被 媒體 誤傳 嘅 流言 同 謬誤 ， 當然 仲會 介紹 呢種 非 主流 嘅 活動 畀 大家 啦 。
雖然 我 本身 係 有 玩開 氣槍 ， 但 都 容許 我帶 返個 作戰 頭盔 ， 雖然 我 已經 玩 咗 好幾年 氣槍 ， 由 室外 打 到 室內 ， 由 射 人 去 到 射紙 靶 都 體驗 過 。
但 如果 有 行內 師兄 或者 shooter 對 我 嘅 睇 法 或者 內容 有 唔 同意 , 都 歡迎 理性 嘅 討論 ， 畢竟 我 都 只 係 一個 業餘 愛好者 ， 唔 係 全 職業 界 人士 。
問我 射擊 運動 最 緊要 係 咩 ？
梗 係 型 啦 ，
唔 好意思 ， 係 安全 。
時不時 我 哋 就 會 喺 新聞 聽到 一 啲 涉嫌 氣槍 或者 真槍 嘅 新聞 ， 所以 我 就 先 講講 法律 上 有關 嘅 條例 先 啦 ， 咁 真槍 同 氣槍 嘅 分別 又 喺 邊度 呢 ？
喺 香港 法例 第 238 條 火器 及 彈藥 條例 ， 李明 可以 發射 任何 彈 子彈 過頭 食物 ， 以 窗口 能量 超過 兩 焦耳 嘅 長槍 型 氣槍 氣槍 或 手槍 型 氣槍 ， 就算 系 真槍 啦 。
所以 如果 你 可以 扮 法 印 咁 用口 發射 ， 其實 你 個 咀 應該 係 合法 㗎 。
合法 㗎 。
槍口 能量 好似 好 科學 咁 ， 其實 係指 投射物 離開 槍管 時 嘅 速度 。
而 焦耳 其實 係 一個 能量 單位 ， 咁 2 焦耳 即 係 幾多 呢 ？
即 係 只要 你 可以 將 一個 1Kg 物件 喺 一秒 內 移動 2 米 嘅 距離 ， 咁 你 就 可以 喺 香港 合理 宣稱 ， 自己 輸出 嘅 力量 ， 可以 匹敵 一枝 真槍 。
現時 香港 警察 用緊 俗稱 點 38 嘅 ， 按 使用 不同 彈藥 ， 焦耳 可以 由 220 至 320 不等 。
講到 好似 好勁 咁 ， 其實 平時 食個 早餐 我 哋 吸收 嘅 焦耳 仲多 。
氣槍 氣槍 ， 講就講 咗 幾分鐘 ， 大家 其實 知 唔 知 我 哋 喺 香港 泛指 嘅 氣槍 係 咩 先 ， 世界 上除 咗 真槍 ， 常見 槍型 發射器 有 幾種 。
如果 用 英文 , Air-gun, Air-soft, Paintball marker, 我 哋 就 可以 更為 直接 咁 去 理解 呢 3 類 嘅 槍 狀物 。
就 先 由 Paintball marker 講啦 ， 傳聞 Paintball marker 本身 嘅 用途 係 俾 畜牧業 嘅 從業員 ， 即 係 牛仔
幫 家畜 遠距離 注射 藥物 或者 進行 標籤 嘅 ， 後來 先 變成 互相 對射 嘅 。
而 傳統 Paintball 嘅 彈藥 係 一粒 圓形 嘅 塑膠 容器 ， 包住 一 啲 液體 或者 係 粉末狀 嘅 染色 物料 。
所以 佢 嘅 SIZE 較大 (13/17mm) 亦 都 係 比較 重 (1.5/3 克 )。
如果 被 Paintball 打中 ， 容器 就 會 破裂 ， 中彈 嘅 位置 就 會 被 染色 啦 …。
但 如果 Paintball 無 破裂 ， 根據 牛頓 有關 運動 嘅 第三 定律 ， 你 個 身 就 會 受 曬 Paintball 嘅 能量 ， 應該 會 瘀 ... 而 傳統 Paintball marker 嘅 外形 一般 都 會 有 一個 大型 彈倉 嚟 儲藏 彈藥 ， 亦 會 連接 一個 作為 動力 來源 啲 壓縮 氣體 樽 。
其實 喺 香港 ，Paintball 場地 已經 好 耐 無 見 過 ， 原因 應該 有 2 個
1）. 場地 ， 香港 嘅 土地 問題 就 係 人 都 知 ， 咁 點樣 會 搵 到 一個 地方 可以 畀 你 玩 呢 隻 做成 污染 ， 成地 顏料 嘅 嘅 活動 呢 ?
2） 根據 上文 提及 有關 焦耳 嘅 能量 公式 ， 可能 各位 心水清 嘅 朋友 應該 發現 。 如果 要將 愈 重 嘅 嘢 投射 ， 就要 用到 愈 大 嘅 能量 ， 我 哋 就 試下 情境 代入 一下 啦 ，
假設 你 喺 20 米 嘅 距離 射擊 你 嘅 朋友 ， 佢 喺 反應 不及 嘅 時間 下 (0.2 秒 ) 就 被 你 打中 咗 ，
已知 彈重 3g
無錯 ， 所以 你 會 犯法 呀 ，
原來 其實 喺 香港 唔 會 見到 Paint BALL 活動 嘅 原因 ， 係 佢 本身 嘅 存在 好易會 犯法 ，
因此 明顯 喺 香港 泛指 嘅 氣槍 就 唔 會 係 PAINT BALL 啦 。
Air gun 或者 大家 無見過 ， 但 其實 都 會 聽過 ， 就 喺 奧運 嗰 時 ， 咩 十米 氣步槍 ， 氣手槍 個類 就 屬於 其中 啦 。
佢 地 發射 嘅 彈藥 一般 都 係 金屬 制 叫做 pellet 嘅 子彈 ， 口徑 一般 係 .177 英 吋 / 4.5mm， 擁有 頭尾 粗 ， 而 中間 幼 嘅 外形 ， 我 就 覺得 有 啲 似 係 西洋棋 啦 。
因為 供彈 方式 同 彈藥 類型 唔 同 ， 所以 Air gun 同 paint marker 嘅 造型 上 ， 會少 咗 paint marker 上方 個彈 倉 ， 而 部分 步槍 型 嘅 Air gun 往往 可以 加裝 瞄準器 。
除 咗 係 奧運 項目 ， 喺 國外 Air gun 因為 可以 被 用作 狩獵 嘅 用途 ， 甚至 會 歸入 管制 類 嘅 物品 。
喺 Youtube 或者 Google 上 隨手 打 AIir Gun Hunting 就 可以 搵 到 好多 國外 嘅 狩獵 資料 ， 為 咗 唔 想 引起 大家 不安 ， 如果 想知 多 啲 有關 的 資料 可以 上網 自己 查下 ， 而 如果 大家 有 玩 ， 喺 2,3 月 推出 嘅 Metro 2033， 系列 主角 隨手 帶 住 嘅 就 正 係 參 參考 AIR GUN 嘅 槍械 。
故名思義 用作 狩獵 嘅 Air gun 嘅 威力 或者 係 槍口 動能 當然 遠遠 高於 用作 " 標籤 " 嘅 paint maker。
所以 唔 難 理解 到 根本 上 唔 會 有人 用 可以 致傷 致殘 嘅 狩獵 工具 進行 對抗性 嘅 野戰 活動 ， 呢 啲 以 想 打死 打殘 對方 為 目標 嘅 嘢 ， 都 係 留 反 喺 大家 食雞 Game 先 啦 。
咁 排除 埋 Air Gun, 咁 我 哋 就 剩返 Airsoft， 喺 台 灣 或者 大陸 Airsoft 又稱 為 軟 空氣 槍 ， 外型 同 真實 嘅 槍械 最為 近似 ， 有 部分 嘅 國家 因為 太 似 嘅 關係 更加 會 要求 喺 上面 加上 橙色 標籤 以 之 識別 ， 有時候 有 啲 電影 電視 作品 ， 仲會 有 啲 懶 嘅 道具 組用 Airsoft 當成 道具 直接 使用 。
同 之前 2 個 類別 唔 同 ，Airsoft 唔 止 單單 用 一 啲 比較 低 壓力 嘅 壓縮 氣體 推動 ， 有 部份 係 用 電力 推動 ， 甚至 有 俗稱 手 拉 雞 嘅 手動 。
雖然 Airsoft 款式 眾多 ， 但 彈藥 就 係 使用 我 哋 俗稱 嘅 BB 彈 ， 絕大多數 嘅 口徑 都 係 6mm， 少 部份 為 8mm，BB 彈 嘅 重量 有 好 多種 ， 但 一般 用 嘅 6mm BB 彈都 係 0.2g 至 0.3g 嘅 塑膠 BB 彈 。
一般 嚟 講買 返 嚟 嘅 airsoft 拆 盒 嗰 時 ， 焦耳 一般 都 係 1.5~0.8J 左右 啦 ， 而 日本 進口 嘅 氣槍 ， 因為 日本 法律 而 不會 多於 1J。
好 ， 我 哋 又 拎 返條 公式 出 嚟 ， 今 次 我 哋 不如 計用 人類 嘅 反應時間 0.2 秒 之下 ，airsoft 嘅 bb 彈 可以 飛幾遠 啦 。
好 啦 ， 我 哋 終於 搵 到 一個 又 合法 又 合理 嘅 射擊 方式 啦 。
正 正 係 因為 Airsoft 嘅 普遍 威力 唔 會 過強 嘅 特性 ， 而 外形 同 操作 原理 都 同 真實 槍械 相近 ， 所以 喺 香港 不論 係 對抗性 或者 係 競技性 嘅 氣槍 活動 都 係 以 各種 嘅 Airsoft 為 基礎 嘅 。
既然 講完 槍 ， 咁 當然 要 講下 香港 射擊 嘅 活動 啦 ， 大家 一講 氣槍 活動 ， 咁 大多數 都 會 係 諗 起 WARGAME 囉 ，2 班 人 喺 個 山頭 到 互相 對射 囉 。
其實 我 就 個人 就 覺得 射擊 活動 可以 主要 分為 2 類 嘅 ：
1. 好似 WARGAME 咁 ， 透過 直接 對抗 其他 參與者 而 獲得勝利 嘅 對抗性 運動 ， 或者 我 俗稱 嘅 打人 嘅 運動 ， 所以 參與 呢 類 嘅 運動 時 ， 就要 抱住 直接 被 對方 打中 嘅 覺悟 ， 而 對手 係 同 你 一樣 活生生 嘅 人 ， 所以 成個 遊戲 當中 都 會 有 一種 不確定性 ， 愛好者 或者 就 係 因為 呢種 刺激 感而 參加 呢種 對抗性 嘅 活動 ， 行內 打 WARGAME 嘅 人 都 會 互相 稱呼 大家 做 師兄 。 另一類 就 係 我 俗稱 打紙 靶 嘅 競技性 嘅 活動 ， 每 一個 射手 ( 俗稱 shooter) 都 需要 各自 獨立 咁 係 相同 嘅 情境 下 射擊 目標 ， 呢 類 嘅 活動 唔 洗 對抗 其他 嘅 參與者 ， 根據 不同 嘅 賽制 參加者 嘅 成績 ， 可能 係 按 時間 、 得分 或者 混合 計算 ， 最後 統計 出 勝利者 ，
相對 於 對抗性 氣槍 運動 更 傾向 於 作戰 嘅 感覺 ， 競技性 氣槍 運動 更加 似 一種 可以 客觀 統計 嘅 運動 。
等 我 再 就 每種 喺 香港 比較 常見 嘅 氣槍 運動 再 細緻 啲 咁 講畀 大家 知 啦 。
就 先講 最 出名 嘅 Wargame 啦 ， 又 叫 野戰 活動 ，
再 文雅 啲 可以 叫 生存 遊戲 ，
雖然 性質 上面 好似 包含 咗 所有 帶有 作戰 性質 嘅 氣槍 活動 ， 但 業界 當中 "Wargame" 其實 係 有 指 戶外 嘅 含意 ，
行內人士 又 俗稱 "outdoor"， 咁 當然 係 室外 玩 啦 ，
香港 嘅 土地 問題 就 全世界 都 知 。
咁 邊到 有 地方 俾 啲 人 進行 呢個 又 要 走 又 要 爬 ， 佔地 較大 嘅 活動 呢 ?
得益於 香港 得天獨厚 嘅 環境 ， 城市 同 郊區 距離 好近 ， 唔 少 嘅 WARGAME 場都 係
設立 喺 一 啲 野外 嘅 地區 一般 喺 新界 ， 車程 唔 會 太遠 ， 因此 就算 WARGAME 用到 嘅 裝備 比較 多同 大件 ，
自己 揸 車去 當然 冇 問題 啦 ， 但 就算 冇 車 ， 唔 少 WARGAME 場都會 係 星期六 ， 日
喺 旺角 有 穿梭 巴士 直達 場地 。
所有 嘅 氣槍 運動 都 會 要求 參加者 帶上 保護 眼睛 嘅 護具 ， 係 對抗性 嘅 活動 呢點 特別 重要 ，
按 個人 喜好 有人 什至會 帶上 全罩 式 嘅 面具 ， 衣著 上 不論 係 為 咗 實用 都好 係 COSPLAY 都好 ，
普遍 都 會 著 深色 或者 係 有 迷彩 紋路 嘅 衣物 甚至 係 軍服 ， 當然 其實 冇 規限 嘅 。
槍 一般 都 會 使用 到 有 全自動 功能 嘅 槍 款 ， 基本上 WARGAME 都 係 好 自由 ，
如果 你 喺 唔 怕 曬 ， 唔 怕 喺 戶外 環境 活動 ， 想 感受 下 不妨一試 。
好 啦 咁 戶外 就講 咗 ， 係 時候 講下 室內 啦 ， 我 哋 一般 會 叫 CQB，
同 經典 潛入 遊戲 Splinter Cell 男主角 Sam fisher
同 CQC 係 兩樣 嘢 ，
後者 係 泛指 近距離 嘅 空手 或者 冷兵器 格鬥 。
再次 歸功於 香港 土地 問題 ， CQB 場 一般 都 會 喺 工業區 ， 特別 喺 觀塘 為 主 。
由於 CQB 嘅 特性 ， 每場 節奏 相當 快 ， CQB 一般 遇到 對手 嘅 頻率 同 距離 都 好 近 ，
會 令人 有種 轉角 遇上 槍 咀 嘅 感覺 。
因為 交戰 嘅 距離 相當 近 ， 普遍 嘅 CQB 都 會 要 參加者 使用 一 啲 威力 較 低 嘅 氣槍 ，
例如 手槍 同 限制 係 半自動 功能 。
雖然 喺 室內 ， 但 因為 CQB 因為 跑動 頻率 同 幅度 更大 ，
所以 身心 嘅 消耗 唔 會 比 Wargame 低 ， 而 心理 嘅 壓力 可能 更大 㖭。
如果 覺得 打人 或者 係 被 人 打 好似 好痛 咁 ， 等 我 又 講下 啲 對紙 靶 嘅 氣槍 運動 先 啦 ，
2000 年 香港 上畫 咗 一套 叫做 槍 王 嘅 電影 ， 由 張國榮 同 方中信 主演 ，
電影 嘅 背景 描述 咗 一個 叫 IPSC 嘅 運動 ， 依家 有 好多 shooter 都 係 當時 被呢套 電影 吸引 而入 坑架 。
無錯 我 接下 來講 嘅 就 係 呢 個 項目 ， IPSC 初時 係 一項 特種部隊 嘅 訓練項目 ，
隨著 時代 嘅 演變 ， 已經 成為 一項 國際性 嘅 運動 ，
亦 都 有 官方 組織 去 舉辦 賽事 ， 制定 比賽 嘅 賽 例 ， 同 安排 裁判 。
好多 國家 都 有 屬下 嘅 地區 總會 同 屬會 進行 日常 訓練 同 比賽 ，
雖然 氣槍 嘅 發展 比 實彈 遲 ， 但 氣槍 組別 香港 早 幾年 已經 正式 被 總會 認受 咗 啦 ，2018 年 7 月 仲 喺 香港 舉辦 咗 第一次 嘅 世界 氣槍 公開賽 ，
香港 成績 相當 優異 㖭。
IPSC 比賽 按 級別 ， 當中 會 包含 6 至 30 個 情境 ， 俗稱 stage，
每 一個 Stage 嘅 設計 都 係 不同 嘅 ， 目標 愈 多 嘅 Stage 嘅 喺 一 整個 比賽 當中 所 佔 嘅 比重 就 愈 多 ，
有時 某 啲 Stage 仲會 要求 Shooter 通過 障礙物 或者 限制 下 射擊 㖭。
參加者 會 因應 槍支 嘅 改裝 程度 不同 而分 為 不同 嘅 組別 ， 好似 電影 槍王 中 完全 改裝 嘅 OPEN 開放 組 ，
到 基本上 唔 可以 進行 可見 改裝 嘅 production 原廠 組 不等 。
唔 同 嘅 組別 裝備 上同 彈藥 數目 嘅 限制 都 唔 同 ，
Shooter 要 因應 自己 嘅 組別 同 個人 能力 就 每 一隻 stage 去 做 準備 ，
計劃 如何 儘快 擊倒 所有 嘅 靶 來 完成 賽事 ， 比賽 亦 都 會 有 Shooter 準備 時間 去 觀察 Stage 嘅 情況 。
之後 嘅 集數 我 有 機會 會 深入 咁 講下 我 對 每類 氣槍 活動 嘅 淺薄 經驗 畀 大家 聽下 。
唔 知 大家 睇 電視 或者 電影 嗰 時 有 冇 見到 一 啲 同槍 或者 射擊 嘅 難忘 鏡頭 ，
又 等 我 同 大家 講下 一 啲 我 嘅 難忘 鏡頭 啦 ....
某某 主角 同 某某 反派 初則 口角 ， 繼而 大家 抆 槍 對峙 嘅 情況 ， 好多 動作片 都 有 咁 問題 係 邊呢 ?
做 得 主角 被 槍 指下 就 家常便飯 ， 但 次次 逢凶化吉 又 係 唔 係 全靠 主角 光環 加持 呢 ？
點解 次次 反派 都 好似 傻仔 咁 睇 住 主角 拎 槍 指 反住 自己 呢 ?
好 啦 ， 我 哋 要 由 E 樣嘢 講起 ， 呢舊 嘢叫 擊槌 英文 叫做 Hammer， 喺 真槍 當中 Hammer 負責 敲擊 撞針 從而 發射 子彈 。
喺 舊式 嘅 左輪手槍 當中 ， 射手 係 要 自己 拉 起 擊槌 再 拉 板機 釋放 以 完成 射擊 動作 ， 呢種 就 叫做 單 動式 嘅 槍械 ， 因為 每開 一槍 都 要 拉 一下 擊槌 實在 係 太 複雜 ， 之後 就 演化出 雙動 式 嘅 槍械 ， 喺 Hammer 未拉 起 嗰 時 ， 射手 就 可以 直接 拉 扳機 令到 擊槌 上升 ， 再 釋放 。
有 部分 雙重 式 嘅 槍 完成 射擊 後 ， Hammer 會 保持 喺 上升 嘅 狀態 以 方便 開 第二槍 ， 當然 有 啲 係 會 回 復 Hammer 下降 嘅 狀況 。
所以 好多 時候 ， 反派 唔 係 發呆 ， 而 係 拎 錯 一枝 未 準備 好 發射 嘅 槍械 出 嚟 ， 所以 主角 先 完全 唔 淆底 ， 講曬 台詞 ， 擺曬 post 先 抆 槍 咋 。
喂 喂喂 未住 先 ， 我 知道 而家 有 啲 槍 係 冇 外置 擊槌 喎 ， 咁 個 啲 又 得 唔 得 先 ， 今 次 我仲 唔 可以 指住 你 個頭 ?
某某 主角 同 大 反派 喺 天台 交涉 ， 其中 一方 用槍 指住 另一方 個頭 ， 係 唔 係 好 經典 呢 ？
其實 都 係 假 㗎 ， 實際上 先 唔 會 有人 咁 近距離 指住 人哋 個頭 ， 或許 你 會 話 唔 通 你 快 得過 我 粒子 彈 咩 ？ 無錯 ， 我 的確 快唔過 子彈 ， 但 我 快 得過 你 隻 手咪得 囉 。
好 啦！ 今 集 嘅 時間 夠啦 ， 希望 大家 中意 Happy Kongner 嘅 新 節目 6mm 生活 雜誌 ， 記得 like 同 訂閱 Happy Kongner 嘅 頻道 啦 。 頻道 仲有 好多 唔 同 文化 嘅 系列 架 ， 我 哋 下期 再見 ，bye-bye。
