الفصل السابع وعشرين - الدرس الأول - حوار ١
احمد: ايه حكاية المشروع اللي... بتاع السدود اللي بتبنيها تركيا ده... هناك؟
منى: ده مشروع كبير قوي بتبنيه في هضبة الأناضول جنوب شرق الأناضول.
أحمد: آه، دي المنطقة اللي فيها الأكراد.
منى: أيوه اللي معظم سكانها أكراد.
أحمد: وعبارة عن ايه المشروع ده؟
منى: ده عبارة عن ١٣ مشروع في بعض، سبعة بتبنيهم على الفرات وستة على دخلة كل مشروع من دول فيه سد أو أكتر بيبقى فيه قنوات ري، بيبقى فيه منشآت، مجموع السدود في النهاية هيبقى ٢٢ سد و١٩ محطة كنربا كمان.
أحمد: ده مشروع فيه زراعة وحاجات كتير!
منى: كتير.
أحمد: آه آه زي ايه كده كمان؟
منى: بالطريقة دي تركيا هت... ه.... نفوذها هيبقى كتير قوي على المنطقة على سوريا وعلى العراق وهتستخدم بعد كده المية كسلاح ضدهم، كمان هتتخلص من مطالب الأكراد اللي هم دايما يطالبوا بالاستقلال.
أحمد: آه طبعا طبعا.
منى: لإن المنطقة كلها هتبقى زراعة وهيصدروا.
أحمد: آه، هيستفيدوا الأكراد.
منى: كمان هتبقى تقدر تخش وتبقى عضوة في الإتحاد الأوروبي.
صديق: آه صح صح، هم بيسعوا الكلام ده.
