قصة فتاة شمرية لجأت إلى أمير حائل طلال الرشيد 1850م
جت بنت آخي لنا، ما لأبوه غيره.. هاه
ما لأبوه غيره، وحيّره ابن عم له، وهي عاشقة له شمري، من ربعه
ويقول والله ما تجوزه.. إني لأذبح بعارينك
وقالت البنت: يا يبه أنا أبي أحدر مع زواملك، مع قصيرنا
عدّه أخوه.. وهم يحدرون.. قال :أحدري
يوم كالت من العراق ووازنت بيت سلطان ابن سويط
قالت: يا فلان، تر زوامل أبوي بذمتك
قال: تمام
وهي تنحر البيت.. قالت: هو هاذا بيت سلطان ابن سويط؟
قالت: إي بالله
سلام يا بناه.. كيف إنتن؟ كيف حالكن؟
وش علمك؟ قالت: والله ابن عم لي متلولسٍ علي...
... ولا الله عطانن من غلاه
قالن: غدي لك زول؟
قالت: يا بديدا.. إي بالله لي
جا سلطان ابن سويط وقالوا بهاذا شمرية هاك وهاك
وهو يشب النار، يا والله يوم جوه الظفير
عسى ما شر؟ قال: لا إن شاء الله...
... ترك إنت يا فلان وإنت يا فلان، خويا لنا باكر
وهي يوم أصبحت لا الذلول عليه نطعه وشداده وقربته وعصاه
قال: إركبي ذلولك، وحنا قدامك
وهم ينهجون يتعللون الثلاثة، سلطان وخوياه
يوم دفعوا على عرعر
قالت: أنا دخيلة سلطان ...
طول حسّه
أنا دخيلة سلطان * وإلا طلال بـ حائل
وإلا فنيطل الوجعان * حامي تال الدبايل
قال: يا شمرية، وردت وعلى الله صدوره
وحولوا على طلال
يوم حولوا، قال: عسى ما شر؟ قال: لا والله، جتنا بنت آخي لك ...
... واليوم ما يمكن إن الظفير يبون يفكون شمر
أنا مدخل وجهي عليك يا ولد عبدالله
وقال: وين هي؟ قال: هي هاذي عندي
قال: هاتوه
... وأبوك من هو؟ قالت: أنا أبوي فلان
قال: وش أمرك؟ .. والحيير؟ قالت: الحيير فلان
قال: غدي لك أحد؟ قالت: إي والله يا طويل العمر ...
حنا رديّة عقولنا.. إي والله لي
قال: من هو؟ قالت: هبكان العضيدة
قال: عفية والله بنت آخي، اللي ما صار عشّيقك خمامة
أرسلوا للحيير.. قم يا فلان وحطه بالمنزلة الفلانية.. لا يدري
وهاتوا الشايب وحطوه بالمنزلة الأخرى
وهاتوا العشّيق.. عشّيقه، وحطوه بـ هكالمكان
يوم إنه دري الحيير، لا والله مستلحقه طلال.. ما يدري
يوم أقبل، قال: والله يا البناخي، أرسلنا لك الخير
يقولون إنك متلولس على بنت آخيك، واليوم يالله المقبلة، الحريم...
؟؟؟
قال: الله لا يبرده بأربع، إنه هاذا شليلي، تر إنت أبوه
ـ هوّن؟ ـ إيه
قال: وش تقول يا ابن علي؟ وش تقول يا التمياط؟
قال: قوموا، وش سياقكم يا البدو؟ مفاتيل وجمل؟
الثمرة، إنه جوّزه إياه.. قال: يالله، هاذا سياقك من هالسوق شارينه، و مدّ
وإنت يا الشايب ملّك له
قال: ذالٍ على بعيراتي
قال: عطانن.. قال: أجالي إنت أبوه وملكه
