小 男人 週記WEEK 4
第四章 星期一
今朝 五點 半 聽見 雞啼 ！ 朝早 五點 半 喺中環 堅道 竟然 聽到 雞啼 ， 真 係 匪夷所思 。
「無情情」 被 啊Jenny 吱醒 。 查實 被人 吱醒 都 幾「盞鬼」 ， 因為 你 有 知覺 第一 下 ， 究竟 係 伸懶腰 好定 「R」 痕好 呢 ？
早餐 係 煎 French Toast 加 牛奶 ，都 幾 好 ， 以 Jenny 咁 嘅 女人 肯整 早餐 都 已經 係 難得 ， 仲 計較 啲 Quality 咩 ？
Jenny 早餐 係 一杯 Black Coffee 加 一支 Coffee Mild Silk Cut。
公司 成日 「 牛牛 」「 豆豆 」 噉 ， 本來 屋企 收埋 個 女人 係 一件 幾「威水」嘅事 ， 以 我 以前嘅 性格 就會 「借頭借路」 過去 搵 ( 大 古惑 )， 搏 佢 問 我 ， 然後 我 自己 爆出嚟 畀 佢 聽 ， 不過 今日 竟然 冇 心情 噉 做 。
放工 ， 照例 同 ( 大 古惑 )、(Q 太郎 ) 去 Happy Hour， 幾個 男人 好似 三姑六婆 噉 講是 講非 。
返到 屋企 ， 檯面 上面 有張 字條 係 Jenny 留 俾 我 ！
「 今晚 要 陪個 鬼佬 客食 飯 ，Maybe 好夜 至 返 ， 今日 已經 搵 『開鎖佬』 配 鎖匙 ， 唔 使 等 我 ，Love Jenny。」
佢 真 係 唔 客氣 ， 幾快 就 賓至如歸 。
阿 Ann 成日 都 冇 俾 電話 我 ， 我 好 唔 好 Call 佢 呢 ？
我 都 應該 買個 Call 機 或者 電話 錄音機 ， 萬一 好似 依家 有 緊要 事 ， 人哋搵 我 唔 到 點算 呢 ？
冇 等 Jenny 就 ( 目訓 )。
_
星期二
早餐 依然 係 French Toast 加 鮮奶 。
尋晚 發夢 阿 Ann 個 肚 脹 得好 交關 ， 醫生 度 研究 緊 佢 係 生 鼓脹 定 有 細路 ， 仲 夢見 一隻 無辜 青蛙 被迫 做 實驗 。 可惜 未有 結果 就 俾 雞啼 醒 ， 邊 層樓 養雞 呢 ？
返工 第一件 事 就 係 打電話 俾 阿 Ann， 佢 Secretary 話 佢 去 開會 ， 要 下 晝至 返 。
我 忽然 有 做 爸爸 感覺 。 有個 仔幾好 ， 咩 喎 ！ 我 有權 定期 去 探 佢 ， 佢 阿媽 冇 我 符 ！ 不過 佢 成日 跟 阿媽 會變 「裙腳仔」 ， 會 唔 會型 呢 ？
有個 老豆 喺身邊 就 好 啦 ！ 如果 我同 阿 Ann 唔 「復合」 ， 為個 仔好 都 應該 鼓勵 佢 「翻頭嫁」 ！ 我 唔 知 係 咪 個個 男人 都 會 噉 諗 ， 就算 老婆 同 自己 離婚 再嫁 ， 都 有 戴綠帽 嘅 Feeling。
唓 ！ 如果 生女 咪 冇 事 咯 ， 不過 生女 似 佢 阿媽 ， 大都 係 害 男人 ！
下晝 仍然 搵 唔 到 阿 Ann， 留 message 都 唔 覆 ， 個 死婆 「Lan」 去邊 呢 ？
Jenny 今晚 一 早就 返 ， 佢 八點 幾就換 睡衣 ， 係 一件 透明 同花「喱士」粉 藍色 睡衣 。
連 明珠 九三 Ｏ 都 冇 睇 就 覺 。
星期三
我 真 係 唔 信 一個 女人 可以 忙 到 連覆 一個 電話 時間 都 冇 。
係 dutch kitchens 食 Lunch 嗰 陣 撞 到 「衰鬼」 老婆 個 家姐 Stella， 佢 卅 幾歲 人 個頭 仲 紮 隻 大 蝴蝶 ， 上身 披 到 十足 似 中環 嗰 個 阿婆 噉 ， 下身 竟敢 著條 綠色 「原子褲」 ， 人哋 話 癲 至 最 鍾 意 綠色 。
如果 我 唔 係 想知 我個 「衰鬼」 老婆 最新消息 ， 我 真 係 當唔 識 佢 。
呢 ， 果然 ， 我 一行 埋去 叫 佢 嗰 陣 ， 成間 餐廳 啲 人 都 用 鄙視 眼光 望住 我 。 我 唔 敢 當面 問 佢 ，Er…… 你 呢 兩日 有 冇 見 阿 Ann 呀 ？
點 知 佢 話 ：「 冇 ！ 」 通電話 呢 ？ 都 話 「 冇 」。 跟 住 嘟 起個 嘴問 我 ：「 家陣 你好 Miss 佢 咩 ？ 」 真 唔 明 ， 佢 啲 「順德音」都 未 甩 都 敢 學人 半中 半英講 ！ 唉 ， 終於 同 呢 個 外星人 聯絡 之後 ， 都 無功 而 回 。
食完 Lunch，(Q 太郎 ) 話 要 去 睇 錶 ， 佢 老婆 迫 佢 送 隻 金銀 勞 俾 佢 做 生日禮物 。 (Q 太郎 ) 一個月 得 千五 蚊 零用 ， 靠 乜 買 隻 金銀 勞 呢 ？
呢 亭 女人 呀 ， 連數 都 未識計 ， 居然 要 支配 晒 全家 支出 呀 ！
( 大 古惑 ) 就 講得 o 岩 ！
「 呢 亭 女人 搵 舊 金質 死 佢 就 ！ 」 Jenny 唔 知 做 乜 ， 話 今晚 無 Mood， 成晚 困住 自己 房 ， 佢 真 係 moody！
星期四
Jenny 尋晚 半夜 入 我 房 ， 攬住 我 喊 。 原來 佢 第二任 丈夫 Ricky Las Vegas 撞車 ， 入 醫院 。 佢 話 咁 多個 老公 ，Ricky 對 佢 最好 ， 唉 ， 我 都 唔 知講 咩 好 ， 依家 我 對 佢 唔 好 咩 ？
呢 個 世界 ， 男女 都 係 咁 「 賤 」！ 面前 對 佢 好 嗰 個 始終 當 冇 到 ！
好似 「 暗 」BB 咁 「 暗 」 到 Jenny， 我 覺得 我 有 啲 父性 ， 同 佢 「 琴 」 好 被 ， 我 出廳 開著架 電視 ， 睇 粵語 長片 睇 天光 。
唔 敢 嘈醒 Jenny， 錫 佢 一 啖 就 返工 。
阿媽 一早 打電話 Office， 話 表妹 想 睇 Alan Tam， 問我識 唔 識 人 買 飛 喎 ！
其實 老媽子 借意 打電話 ， 佢 今朝 打 過 電話 去 我 屋企 ， 話 有 個 女人 接電話 ， 想問 係 邊個 。
我 唯有 話 係 新 請 鐘點 女傭 ， 呃 得 一時 就 一時 。
我 唔 敢講 阿 Ann 件 事 俾 佢 聽 呀 ！
阿 Ann 再 冇 消息 ， 我 報警 尋人 ！
Jenny 有 啲 發燒 ， 好彩 冇 屙 冇 嘔 ， 唔 係 霍亂
星期五
去 花店 訂個 花籃 送 去 Jenny 辦公室 俾 佢 ， 專登 冇 簽名 。
公司 無意 中講 俾 (Q 太郎 ) 知 阿 Ann 可能 Pregnant 事 ，(Q 太郎 ) 冇 俾 意見 ， 佢 呢 類 男人 對 大事 好少 意見 ， 問 佢 去 邊度 食晏 就 最 多 意見 。
食晏個 陣 ， 我 至 知 ( 大 古惑 ) 都 知 阿 Ann 單 Case。 (Q 太郎 )！ ！ ！ 佢 仲 嬉皮笑臉 話 「 嘻 ！ 飲茶 ， 飲茶 。」
我 一 早知 (Q 太郎 ) 守 唔 住 秘密 ， 佢 牙 「 罅 」 咁 疏 ！ 好彩 我 未 講 佢 知 同 Jenny 同居 件 事 ！
我 終於 諗 到 個 辦法 問阿 Ann， 我 叫 佢 秘 書 Just ask her， 有 抑或 冇 ？ 然 之後 叫 佢 秘 書 答覆 我 ！ 等到 放工 ， 一樣 冇 消息 ！
車 ！ 就算 Pregnant， 依家 都 係 佢 嘅 事 ！ 九個 月 後 我 就 真 係 有事 啦 ！ 駛 乜 咁 緊張 喎 ！ 我 太緊張 ， 仲慘 過未 結婚 驚有 咗 ！
Happy Hour 嗰 陣 ，(Q 太郎 )( 手羅 ) 個 女裝 金銀 勞出 嚟 ， 唔 知 佢 邊度 有錢 買 呢 ？ 戴勞真 係 冇 Taste。
滿以 為 返 屋企 Jenny 會 Thank for 我 啲 花 ， 點 知 佢 一句 都 冇 提 喎 ！ 唔 通 佢 以 為 第二個 送 ？ 五百 蚊 㗎 ！ 陰公 ！
星期六
今日 長 周要 返工 。
星期六 個個 著到 「 懶 」Casual 咁 ，(Q 太郎 ) 仲著 短褲 添 ！ 如果 佢 戴 埋 頂 Cap 帽 ， 就 似足 小狼隊 隊長 。
( 大 古惑 ) 依然 執得 咁 正 ，Polo T 恤 、 白褲 、 一對 Timberland 帆船 鞋 、Dunhill 外套 ， 仲 咬住 個 小煙斗 。 佢 問 我 哋 下 晝 邊個 同 佢 老婆 一齊 去 Marine Club 玩 ， 佢 外父 有 隻 遊船 果度 。
(Q 太郎 ) 俾 老婆 拉 去 連卡佛 執平 嘢 ， 上帝 保 祐 佢 個 荷包 ！
我 諗 住 約 Jenny 去 赤柱 行 ， 點 知 佢 唔 Office。 死 ！ 咁 我 下 晝去 邊好 ？
下晝 一支 公街行 ， 撞 到 以前 中學 同學 「 菠蘿 釘 」。 佢 著 得 好 老土 ， 又 好 老實 ， 套 西裝 係 九 百八十 蚊 一套 ， 牛仔褲 牌子 果種 。 佢 拖住 個 老婆 ， 佢 老婆 著住 一間 華資 銀行 制服 ， 仲 抱住 個 好肥 嘅 BB， 個 BB 兩邊 面朱肉 大到 「dum dum」 下 ， 好似 啲 金魚 咁 。 「 菠蘿 釘 」 原來 喺 一間 出入口 公司 度 做 ， 睇 見 佢 一家 幾口 咁 開心 ， 幾 好 ， 我望 住 佢 一家人 行入 國貨 公司 買 ， 果 一陣 我 寧願 做 佢 。 Jenny 竟然 無返 ！ What happen？
礼拜日
Jenny 大約 中午 俾 電話 我 ， 係 長途電話 。
「 寬 ， 我 Las Vegas 度 呀 ！ 我 太 擔心 Ricky， 所以 ……」
唉 ！ 大佬 呀 ！ 同居 都 有 責任 ！ 諗 落 真 係 好笑 ， 一個 男人 竟然 要求 一個 女人 有 責任 ， 唔 通 世界 變 ， 我 妒忌 咩 ？ 我 不 嬲 都 鍾 意 同居 唔 使 負責 任 ！
我 …… 我 都 唔 知 我 想點 。
Jenny 向 我 Say 完 一輪 Sorry， 仲同 我個 Long distance Kiss。 佢 話 等 Ricky 情況 穩定 就 即刻 返 。
我 床上 面 ， 突然 好 空虛 ， 感情 係 咩 呢 ？
又 有 電話響 。
「 喂 ！ 邊個 呀 ？ 」 「 係 我 呀 ！ 我 收到 你 大疊 message， 你 咁 緊張 做 咩 呀 ？ 」 阿 Ann 居然 問我 咁 緊張 做 咩 ？ 我 做 老豆 喎 ！
我用 極有 威嚴 語氣 問 佢 ：「 你 答 我 ， 你 係 咪 有 咗 ？ 」 佢 竟然 話 ：「 你 緊張 咩 ？ 你 到底 係 恨 做 老豆 定怕 做 老豆 呀 ？ 」 呢 一剎那 我 真 係 俾 佢 問起 。 到底 我 自己 知 唔 知 自己 想點 呢 ？
不過 ， 呢 個 係 一個 哲學 問題 ， 暫時 同 現實 可以 分 開講 。
於是 我 好 聰明 咁 答 佢 ， 我話 ：「嗱， 我限 你 一分鐘 內 公佈 ， 如果 一分鐘 之後 ， 就算 你 講有 ， 生出 我 最 多 當契仔 ， 再 過 一分鐘 ， 我 就 當 佢 唔 係 我 ！ 」 佢 當堂 激到 紮 紮 跳 ， 佢 話 ：「 呢 啲 咁 折 墮 對白 都 虧 你 嗡得 出口 ！ 」 跟 住 我 就 開始 扮個 秒錶 ， 滴 嗒 滴 嗒 咁 跳 ， 終於 都 聽到 阿 Ann 頂 唔 順 。 佢 電話 大聲 咁 叫 ：「 好 ！ 好 ！ 我服 你 ！ 上個 禮拜 係 虛報 ！ 你 安樂 啦 ！ 」 虛報 ！ 啊 ！ 原來 係 虛報 ！ 撞鬼 ， 嚇我 成個 禮拜 。
哎 ， 咁 即 係 …… 我 冇 咗 個 仔 ？
