حياة عيلتنا: أخيراً ربحنا جائزة - YouTube
انا ما قلتلك انه كل الامور رح تكون تمام
اتكل علي
زمان ما طلعنا هيك طلعة انا واياك
طيب شو رأيك نروح على هذا المطعم الجديد في فندق الرلسون
لا لا خلص بلاش مصاريف
بنطلع نتعشى على السطح
بس اقول لك بدي شاورما دبل
غالي والطلب رخيص
لسى ما وصل
خليني ارن عليه
واااااوو
تقول عرض ازياء مش مسلسل
شوف الاواعي شوف
يا ام انصاف هذا تمثيل
تمثيل لا تصدقي
هيك بالزبط بدي
شو هو اللي بدك اياه
وجهي
بدي هيك يكون صافي ومشدود
اسكتي اسكتي شوي خلينا نسمع شو بقولوا
بقولك هي اخر مرة بتحكي معي بهالطريقة
انا ما بسمحلك ابدا
سند ما تنسى المي والعصير
مش ناسي
حطيتهم اول اشي
شو هالنشاط انشالله دايما في بازار بالمدرسة
بس ياريت ما يكون يوم عطلة المرة الجاي
ماما ارجعي نامي خلص احنا بنروح مشي
لا حبيبتي يلا دقيقتين وبكون جاهزة
يييي ام يزن
انت كمان صحيتي بكير
كان وصلتهم معي
صرصعوني من الصبح
حماس مش عادي ههههه
شو بدك تطبخي اليوم بما انه الولاد مش رح يوكلوا بالبيت
انا وابو يزن اتفقنا نطلع نتغدى عند دار أهل أبو يزن
وانتو ؟
صباح الخير جاراتي الحلوين
ادخلوا اشربوا فنجان قهوة
اهلين ام انصاف
زواجنا بالبيت خلص خليها لبكرا
اوكيه اوكيه بستناكم بكرا
باي
خليني ارجع على برج المراقبة تبعي
كنت عارفة انهم ما بقدروا يرفضولي طلب
صباح الخير ام انصاف
صباح النور
خير ؟
كل خير
اي اللي بدي اقولك اياه خير ما بعده خير
عطا احكي شو في
معاي كريمات
تركيبة ما صارت
مجربة ومثبتة علميا انها بترجعك ١٠ سنين لوراء
وبظرف ٢٤ ساعة
شو رأيك ؟
عنجد هات اشوف
بس غالي شوي لا ؟
شو غالي وما غالي
لا بتضطري لعمليات ولا بتقعدي سنين تحطي كريمات
بتوفري خير الله ليرات
انا لسى ما مريت على ام سند وام يزن قلت انت اهم وحدة في العمارة
لازم أجيكي أول وحدة كيف يعني
هذا الشي أكيد
واقولك ما تمر عليهم اصلا هاي شغلات ما بتهمهم
لا لا بس ضروري امر عليهم
ضايل عندي ٣ علب لكل وحدة منهم علبة
اقولك خلص انا باخد الي والهم ما تغلب حالك
اعطيني ال ٣ علب هيني داخلة اجيبلك المصاري
ولا يمكن حدا يصغر ويتشبشب غيري بهالعمارة
شو هذا الرقم ؟
شوووو
شو في ؟
لقد ربحتي عشاء فاخر في فندق الرلسون
لخمس اشخاص غدا الساعة السابعة مساء
الرجاء الاتصال على الرقم التالي لتأكيد الحجز
معقول؟ انا ربحت ؟
واخيرا ربحت اشي بحياتي
اعطيني اشوف
شو هذا الرقم
ما بصدق
لسة انا مش مصدقة
لسة مبارح عم نحكي عنه
اكيد ما رح اقول لا
احكي مع الفندق وتأكدي انه مظبوط في حجز
هلا بحكي مع نفس الرقم اللي بعتلي
ألو
مرحبا انا وصلني هلا رسالة منكم عزومة على مطعم الريلسون
ممكن
أهلا أهلا مدام! طبعاً صحيح
ممكن بس الاسم الثلاثي ومكان السكن مشان نبعتلك كرت الدعوة
اسم الشارع ورقم العمارة والطابق
آه اوكيه اوكيه هلا ببعتلكم كل المعلومات
بس لو سمحتي مدام أكم شخص انتوا في البيت؟
لأنه العزومة لكل أهل البيت
ما بدنا ننسى ولا حدا
مش تخلوا حدا بالبيت
ههههه شكرا شكرا لا مزبوط احنا ٥ اشخاص
شو كل هذا
طراشة ولا كريمات
مش لو تسكت انت احسن
يييي هدول الجارات
انا داخلة اغسل
اوعك تجيب سيرة قدامهم
مبروووك ام سند
هذا المطعم انا مجربته واكله كثير كثير زاكي وبصراحة كثير غالي
بس انا بقول احكي تأكدي اذا في حجز او لا
بلاش يطلع مقلب
لا لا ما تخافي
اليوم لاقيت ٥ تذاكر الصبح على باب البيت
شكله ما حبوا يدقوا ويزعجونا
اوووو شو محترمين
بس أنا مش فاهمة على أي أساس الدعوة؟
ليش عازمينكم انتوا بالذات؟
يعني انتي مستتقلة عليهم هالعزومة
خليهم يروحوا ينبسطوا
انا طالعة اجهز حالي
باي
طب اشربي قهوتك اول
ام يزن كيف شايفتيني
كيف شايفة وجهي
صغرانة صح ؟
يمكن
مش عارفة
واو قديش الاكل زاكي
ماما انا بحياتي ما أكلت ستيك زاكي قد هذا
حبايبي يلا كلو كلو
عصام احطلك كمان باستا
لا لا مش قادر أكلت كتير
لا دوقها شكلها بشهي
افتح تمك أشوف
ابو انصاف الحقني
وجهي كثير بحرقني وبحكني
ابو انصاف بقول لك الحقني شو هذا شو عم بصير لي
شو؟ شو مال وجهك
هذا صاحبك ضحك علي
رن عليه بسرعة هلا هلا هلا
يا الله يا الله شو عم بصير لي
اعطيني اعطيني
الو انت شو عملت في
وجهي خرب وصار كله حبوب
ييي يا مدام ام انصاف خوفتيني
شو مالك
يعني بكون زدت شوي مواد حافظة على الخلطة فانحرقتي وتحسستي
يعني ما صار اشي
خلص وعد مني يا أم انصاف
بكرا الصبح بعملك خلطة جديدة من خلطاتي وبجيبلك ٣ علب بدالهم
ببلاش
مواد حافظة
خلطاتك
يا الله شو انبسطنا
زبطت معك هالمرة يا دينا
شو هذا
وين التلفيزيون
وين الثلاجة
انسرقنا
دينا
انت مش قلتيلي انك تأكدتي من المصدر
هدول أكيد جماعة تذاكر العشاء
شكلنا انعزمنا وانسرقنا
يا ويلي على هالمصيبة
عصام احكي مع الشرطة بسرعة
حابب اطمنكم علينا
الشرطة مسكوا العصابة ورجعولنا كل أغراضنا
كل حدا مفكر حاله مصحصح واقف على رجليه زينا أنا وعصام
ينتبه على حاله بلاش ما يوقع زي ما وقعنا بهالفخ
وما تنسوا تعملوا سبسكرايب
