冇 反應 有 呼吸
場景 ： 家
（ 偉俊 同 穎兒 玩 緊 S witch ）
偉俊 ： 我哋 玩 多 鋪 啦 ！
穎兒 ： 我 玩 夠 喇 ， 轉 人 玩 啦 。 志明 頭先 話 頭暈 都 冇 點 玩 過 ， 我 去 問 下 佢 而家 玩 唔 玩 先 。
（ 穎兒 起身 搵 志明 ）
穎兒 ： 志明 ！ 你 喺 邊 呀 ？
（ 廁所 門 開 咗 一半 ， 穎兒 發現 志明 對 腳 瞓 咗 喺 地下 ）
穎兒 ： （ 推門 ） （ 踎低 ， 搖 志明 膊頭 ） 喂 ！ 志明 ！ 你 冇事 吖 嘛 ？ 聽 唔 聽 到 我 講嘢 呀 ？ 喂 ！
（ 志明 冇 回應 ）
（ 偉俊 聽到 叫聲 衝入 廁所 ）
偉俊 ： 發生 咩 事 呀 ？
穎兒 ： 志明 暈咗 呀 ！ 嗌 佢 冇 反應 ！
偉俊 ： （ 踎低 ， 搖 志明 膊頭 ） 志明 ！ 聽 唔 聽 到 我哋 講嘢 呀 ？
（ 偉俊 觀察 志明 胸口 起伏 ）
偉俊 ： 胸口 有 起伏 ， 即係 有 呼吸 ， 但係 叫 極 都 冇 反應 ， 不如 打 999 叫 救護車 啦 ， 同埋 打 電話 俾 志明 媽媽 。
穎兒 ： （ 點頭 ） （ 打 電話 ）
（ 救護員 到場 ）
救護員 ： 個 男仔 係 你哋 邊個 呀 ？ 屋企 有冇 大人 喺度 ？
偉俊 ： 我哋 係 佢 嘅 朋友 。 而家 冇 大人 喺度 ， 志明 媽媽 返 緊 嚟 。
救護員 ： 有冇 佢 身份證 喺度 呀 ？ 同 佢 登記 返 資料 。
偉俊 ： （ 遞上 身份證 ） 有 呀 。
救護員 ： 幾時 發現 佢 冇 咗 意識 㗎 ？ 最後 見 到 佢 冇事 係 幾時 呀 ？
穎兒 ： 頭先 五 點 我 推門 入 廁所 發現 佢 瞓咗 喺度 ， 嗌 極 冇 反應 。 一 個 鐘 之前 仲 同 緊 佢 打 緊 機 ， 不過 玩 咗 陣 佢 話 有 少少 頭暈 ， 所以 去 咗 休息 。
救護員 ： 佢 有冇 咩 長期 疾病 ， 例如 糖尿病 、 心臟病 ， 又 或者 貧血 ？
偉俊 ： 佢 有 貧血 。
救護員 ： 佢 平時 有冇 食 開 嘅 藥 㗎 ？
偉俊 ： 我 唔知 佢 有冇 食 開 藥 ， 要 問 返 佢 媽媽 先 知 。
（ 救護員 將 志明 送往 醫院 ）
偉俊 ： 當 發現 有人 倒卧 地上 ， 胸口 有 起伏 ， 有 呼吸 ， 但 叫 佢 冇 反應 嘅 時候 ， 應該 立即 搵 人 幫手 ， 打 999 叫 救護車 ， 通知 大人 ， 救護員 到場 後 同 佢哋 交待 事發 經過 。
