張悦楷講《三國演義》, 118

花開兩朵 就 各表 一枝 ， 今日 再 講下 魏主曹 丕 。 喺 建興 四年 ， 亦 即 係 公元 二二 六年 啊 ， 當 其時 呢 佢 已經 做 咗 七年 皇帝 。 大家 都 記得 㗎 ， 曹丕 係 先不先 娶 咗 甄氏 做 夫人 㗎 。 甄氏 係 袁紹 第二 仔 袁 熙 嘅 妻子 吖 ， 係 當年 攻破 鄴 城 嘅 時候 得 佢 㗎 。 後 嚟 呢 ， 甄氏生 咗 個 仔 就 改個 名叫 做 阿睿 ， 曹睿 ， 字元仲 。 佢 自 細 就 好 聰明 ， 曹丕 就極 之 喜歡 佢 。 再 後 呢 ， 曹丕 又 攞 咗 郭 永 個 女 做 貴妃 。 呢 個 郭貴妃 美貌 非常 靚到 沈聲 下 嘅 。 所以 佢 父親 曾經 誇口 講過 ： 我個 女 呀 ， 係 女 中之王 啊 ！ 故此 就 號稱 女王 。 噉 啊 自從 曹丕 攞 咗 貴妃 之後 ， 甄氏 夫人 就 失寵 咯 喎 ， 梗 係 啦 ， 得 新 忘舊 吖 嘛 。 噉 啊 失寵 都 仲 唔 算 喎 ， 仲有 更 弊 嘅 。 嗰 個 郭貴妃 呢 佢 又 想 做 皇 後 ， 就 搵 佢 寵愛 嘅 大臣 張韜 嚟 商量 。 當時 曹丕 有病 ， 張韜 就 幫 郭貴妃 出術 喇 。 佢 啊 對 曹丕 話 ： 喺 甄夫人 個 宮室 裏 便 掘 到 個 木頭 公仔 ， 上 便 寫 住 皇上 出生 年月日時 嘅 。 就 誣陷 甄夫人 啊 用 妖術 嚟 到 暗害 皇上 噉 。 曹丕 就 可惱 嘢 啦 ， 即刻 就 賜 甄夫人 死 。 乜死 都 要 賞賜 嘅 咩 ？嚱！ 即 講來 好聽 ， 即 係 要 佢 自殺 噉 解 。 然後 呢 ， 就立 咗 郭貴妃 做皇 後 。 但 係 呀 ， 郭貴妃 一直 都 冇 仔生 ， 就將 曹睿 呢 當做 自己 嘅 仔 噉 嚟 養 。 就 係 由於 噉 嘅 情況 啊 ， 曹丕 雖然 好 鍾 意好 鍾 意 呢 個 仔 嘞 ， 但 係 呢 ， 都 冇 立 佢 做 自己 嘅 繼承人 啊 。 到 咗 呢 一年 ， 就 係 公元 二二 六年 喇 ， 曹睿 已經 係 十五歲 。 佢 騎馬 射箭 都 學得 好 熟練 。 當年 嘅 二月 ， 曹丕 就 帶 埋 曹睿 出去 打獵 。 有 一日 ， 佢 哋 嚟 到 一個 山坳 。 嘿好 嘢 ， 啲 人 趕 咗 兩隻 鹿出 嚟 噃， 一隻 係 鹿 乸 ， 一隻 係 鹿仔 。 曹丕 一箭 就 射 低 嗰 隻 鹿 乸 。 佢 回頭 一望 ， 只見 隻 鹿仔 啊 就 喺 曹 睿 匹 馬 面前 跑 下 跑 下 。 曹丕 大聲 嗌 佢 話 ： 阿仔 你 點解 仲 唔 射 佢 啊 ？ 曹睿 就 喊 起 上 嚟 話 嘞 ： 陛下 已經 殺 咗 佢 老母 咯 ， 臣仲點 忍心 再 殺 佢 個 仔 呢 ？ 哎呀 ！ 呢 一句 相關 說話 講得 真 好 啊 。 曹丕 一聽 ， 啪 噉 掉 咗 張 弓 喺 地 嚟 ， 佢 話 ： 啊 ！ 阿仔 你 真 係 個 仁德 嘅 主公 啊 ！ 於是 就 封 曹睿 做 咗 平原 王喇 。 到 咗 呢 一年 嘅 五月 ， 曹丕 得 咗 寒病 ， 點醫 都 唔 好 。 有 一日 ， 佢 就 召 中軍 大將軍 曹真 、 鎮 軍 大將軍 陳 群 、 撫 軍 大將軍 司馬懿 三個 人入 嚟 寢宮 。 跟 住 曹丕 又 叫 咗 曹睿 嚟 ， 噉 啊 指住 個 仔 對 曹 真 佢 哋 三個 人話 喇 ： 朕 嘅 病 ， 已經 好 沉重 ， 醫唔 好 㗎 喇 。 呢 個 仔 年紀 細 啊 ， 你 哋 三個 人 ， 要 好好 地 輔助 佢 ， 唔 好 辜負 朕 嘅 希望 啊 。 哦 ， 陛下 ， 點解 講 啲 噉 嘅 說話 呢 ？ 臣 等 必定 竭力 侍奉 陛下 ， 直至 千秋萬歲 。 唉 ！ 今年 ， 許昌 城門 ， 無緣無故 噉 ， 就 自己 崩塌 咗 ， 呢 個 係 ， 不祥 嘅 兆頭 嚟 啊 。 故此 呢 ， 朕 ， 自己 知道 實死 㗎 喇 。 正 喺 度 講 緊 ， 侍臣 稟奏 話征 東大 將軍 曹休入 宮 嚟 請安 噉 。 曹丕 就 召 佢 入 嚟 ， 佢 話 喇 ： 各位 愛卿 ， 都 係 國家 棟樑 之臣 啊 。 你 哋 若果 能夠 ， 同心 盡力 ， 嚟 輔助 朕 嘅 仔 ， 噉 ， 誒 朕 死 咗 ， 亦 眼閉 咯 。 講完 ， 一瞇 埋 雙眼 ， 嗰 啲 眼淚 一滴 一滴 噉 流出 嚟 ， 噉 就 斷氣 死 咗 。 曹丕 死 嘅 時候 啊 係 四十歲 ， 在位 七年 。 於是 曹真 、 陳 群 、 司馬懿 、 曹休 噉 幾個 大臣 一便 舉哀 ， 開喪 ， 一便 呢 就 擁戴 曹睿 做 大 魏皇帝 。 尊稱 父親 曹丕 做文 皇帝 ， 尊稱 母親 殷氏 做 文昭皇 後 。 封鐘 繇 做 太傅 ， 曹真 做 大將軍 ， 曹休 做 大司馬 ， 華歆 做 太尉 ， 王朗 做 司徒 ， 陳 群 做 司空 ， 司馬懿 做 驃騎 大將軍 。 其餘 嘅 文武 官員 都 各有 封贈 ， 同時 就 大赦天下 。 當時 啊 ， 雍州 同 涼州 因為 缺乏 合適 嘅 人 喺 度 鎮守 ， 司馬懿 就 上 一份 表章 ， 請求 去 守 呢 兩個 州 。 曹睿 同意 咗 ， 封司馬懿 提督 雍 、 涼二州 等 地 兵馬 。 司馬懿 領 咗 聖旨 就 去 喇 。 雍州 嘅 州 城 呢 係 長安 ， 即 喺 今日 陝西省 西安市 嘅 西北 。 佢 所 管轄 嘅 地方 相當於 今日 陝西 、 甘肅 、 寧夏 、 青海 嘅 一部分 。 涼州 嘅 州 城 係 喺 今日 甘肅省 武威 縣 。 所 管轄 嘅 地方 啊 ， 就 相當於 今日 甘肅 、 寧夏 、 青海 、 內蒙古 嘅 一部分 地方 。 噉 呢 兩個 州 呢 ， 就 喺 正 蜀國 嘅 北方 嚟 嘅 。 噉 啊 蜀國 嘅 間諜 探聽到 北魏 嘅 情況 ， 就 飛快 報告 畀 孔明知 。 孔明 就 吃 咗 一驚 啊 佢 話 ： 曹丕 死 咗 ， 曹睿 呢 個 後 生仔 即位 ， 其他 嘅 事 都 不足 為慮 。 唯獨 是 司馬懿 呢 個人 深有 謀略 ， 而家 由 佢 總督 雍 、 涼二 州 嘅 兵馬 ， 若果 畀 佢 訓練 成功 呀 ， 必定 係 我 哋 蜀國 嘅 大 患 啊 。 不如 起兵 去 打 佢 先 為 好 喇 。 參軍 馬 謖 就 建議 話 喇 ： 而家 丞相 正話 平南 返 嚟 冇 幾耐 ， 兵馬 都 疲乏 喇 ， 應該 休整 一段時間 ， 唔 適宜 再 去 遠征 嘞 。 末將 有 一條 計策 可以 使到 司馬懿 自 自然 然會 死 喺 曹 睿 嘅 手上 嘅 ， 就 係 唔 知 丞相 肯 唔 肯 採納 呢 ？ 哦 ？ 係 咩 嘢 計策 呢 ？ 丞相 ， 司馬懿 雖然 係 魏國 嘅 大臣 ， 不過 曹睿 一向 都 好 疑忌 佢 嘅 。 我 哋 可以 暗中 派 人 去 洛陽 、 鄴 郡 呢 啲 地方 ， 散播謠言 ， 話 司馬懿 想作 反 。 同時 呢 ， 用 司馬懿 嘅 名義 ， 發表 告示 天下 嘅 榜文 ，攞 去 各地 張貼 。 使到 曹睿 更加 疑心 佢 ， 就 必定會 殺 佢 㗎 喇 。 唔 知 噉 樣 做 得 唔 得 呢 ？ 孔明 同意 嘞 ， 就 派 人 秘密 噉 執行 呢 個 計劃 嘞 噃。 好 喇 ， 有 一日 ， 喺 鄴 城 嘅 城門 ， 忽然 貼 咗 一張 告示 。 守門 官 揭 咗 落 嚟 嘩 不得了 啊 ， 即刻 就 送 去 稟奏 曹睿 。 呢 個 告示 係 咩 嘢 內容 嘅 呢 ？ 原來 係 司馬懿 號召 推返 曹睿 ， 另立 皇叔 曹植 做 新 皇帝 。 話 呢 個 係 太祖 武皇帝 曹操 個 本意 嚟 嘅 噉 ， 仲 宣稱 要 起兵 嚟 威脅 添 。 曹睿 睇 完 呢 張 告示 嚇 到 大驚失色 ， 就 即刻 問 嗰 班 大臣 點 做好 嘞 。 太尉 華歆 稟奏 話 ： 皇上 啊 ， 司馬懿 當日 上表 請求 去 守 雍州 、 涼州 ， 正 係 為 咗 謀反 㗎 。 以前 太祖 武皇帝 就 曾經 對臣 講過 ： 話 司馬懿 雙眼 好似 豺狼 噉 ， 非常 之 兇險 ， 唔 能夠 交 兵權 畀 佢 嘅 。 今日 ， 佢 要 謀反 嘅 心思 已經 擺到 明 喇 ， 皇上 要 快 啲 殺 咗 佢 至 好 啊 。 王朗 亦 都 稟奏 話 喇 ： 太尉 講得 啱 啊 。 司馬懿 此人 深明 韜略 ， 善曉兵機 ， 素來 都 有 好 大 野心 嘅 。 若果 唔 及早 剷除 佢 ， 日後 必定會 係 個 禍患 嚟 㗎 。 曹睿 聽見 兩個 大臣 都 係 噉 講 ， 就 真 係 想起 兵 御駕親征 嘞 噃。 佢 正 係 要 落 聖旨 嘅 時候 ， 大將軍 曹真 出班 啟奏 話 喇 ： 皇上 唔 好 噉 樣 做 ， 當日 ， 文 皇帝 臨終 ， 託孤 於 臣 等 幾個 人 ， 噉 就 講明 係 知道 司馬仲達 個心 ， 係 唔 會 背叛 嘅 。 而家 ， 淨 係 憑 住 一張 告示 ， 又 未 知道 事情 嘅 真假 ， 就 突然 起兵 去 討伐 佢 ， 噉 ， 即 係 逼 佢 作 反 嘅 啫 。 或者 呢 件 事 ， 係 蜀國 、 吳國 嘅 間諜 搞 嘅 反間計 呢 ？ 或者 ， 佢 哋 係 想 用 噉 嘅 詭計 ， 使到 我 哋 君臣 之間 互相 亂起 上 嚟 ， 佢 哋 就 乘虛 進攻 噉 都講 唔 定 㗎 。 請 陛下 明察 ！ 曹睿話 喇 ： 司馬懿 如果 真 係 要 謀反 呢 噉 又點 啊 ？ 曹 真話 ： 如果 陛下 疑心 ， 就 可以 仿照 古時 漢高祖 ， 假裝 巡遊 雲夢 嘅 辦法 。 御駕 親自 去安邑 巡視 ， 司馬懿 一定 要 嚟 迎接 嘅 。 到 時 睇 佢 動靜 係 點 ， 必要 嘅 時候 ， 當場 捉起 佢 就 得 喇 。 曹睿 聽 曹 真話 ， 就 任命 曹真 做 監國 ， 將 國家 嘅 大政 交 畀 佢 嚟 負責 。 自己 呢 ， 就 率領 十萬名 御林軍 出發 去安邑 嘞 。 安邑 呀 係 處於 陝西 、 山西 、 河南 三省 交界 嘅 地方 ， 就 喺 今日 山西 夏縣 嘅 北部 。 噉 先頭 講曹真 所講 漢高祖 ， 假裝 巡遊 雲夢 係 一回 咩 嘢 事 呢 ？ 係 噉 嘅 ， 當年 漢高祖 劉邦 啊 ， 佢 就 懷疑 佢 嘅 大將 楚王 韓信 謀反 。 就 用 咗 陳 平 嘅 計策 ， 假裝 去 雲夢 呢 地方 巡遊 ， 就 騙 韓信 出 嚟 迎接 ， 當場 逮捕 咗 韓信 。 曹真 就 係 勸 曹睿 ， 如果 一定 要 殺 司馬懿 呢 ， 就 用 呢 個 辦法 最 妥當 㗎 喇 噉 。 司馬懿 佢 啊 遠 在 西北 邊疆 ， 一 啲 都 唔 知道 就 嚟 有 殺身之禍 噃。 呢 一日 ， 佢 接到 報告 話 皇帝 要 嚟 巡遊 ， 就 好 想 喺 皇帝 面前 啊 ， 顯示 下 佢 軍隊 嘅 威嚴 ， 就 整頓 好 兵馬 ， 率領 幾萬名 鐵甲 軍去 迎接 皇帝 嘞 喎 。 嗰 頭 一 知道 ， 親信 大臣 立即 稟告 曹睿 ， 話 司馬懿 呀 果然 帶領 十幾萬 兵馬 前 嚟 抵抗 啊 ， 實 係 想 造反 喇 噉 。 曹睿 就 慌忙 叫 曹休 帶兵 迎上去 先 。 司馬懿 見到 有 兵馬 嚟 唄 ， 估話 皇帝 御駕 親自 嚟 到 喇 ， 就 喇 喇 聲 喺 條 路 處 跪 低 歡迎 啦 。 點知 嚟 到 嘅 唔 係 皇帝 而 係 曹休 啊 ！ 曹休 見到 司馬懿 就 責問 佢 嘞 ： 仲達 ， 你 接受 咗 先帝 託孤 嘅 重任 ， 因乜事 要 造反 啊 ！ 嘩 ！ 一句 說話 千斤 重 啊 ， 當堂 嚇 到 司馬懿 大驚失色 ， 吧 吧 聲 通身 流汗 ， 問下 噉 講 係 咩 嘢 意思 啦 。 曹休 又將 發現 告示 嘅 事情 講 畀 佢 聽 。 司馬懿 就 話 喇 ： 哦 ， 呢 個 ， 係 吳國 、 蜀國 嗰 啲 奸細 搞 嘅 反間計 嚟 㗎 。 佢 哋 不過 係 想 使 到 我 哋 君臣 不 和 ， 自相殘害 ， 佢 哋 就 乘虛 嚟 襲擊 咋 嘛 。 等 我 親自 去 見 皇上 稟奏 明白 啦 。 司馬懿 急忙 命令 兵馬 退走 ， 自己 就 行到 曹睿 坐 架車 前 便 ， 跪 喺 處 趴 喺 地下 嚟 。 未開聲 就 流眼淚 咯 ， 佢 話 ： 臣 ， 接受 先帝 託孤 之重 ， 點敢 話 有 謀反 之心 呢 ？ 呢 啲 必然 係 吳國 、 蜀國 嘅 奸計 唧 ， 請 陛下 ， 準許 臣 率領 一支 軍隊 ， 先破西 蜀 ， 後 伐 東吳 ， 嚟 報答 先帝 同 陛下 ， 以 表明 臣 嘅 一片 忠心 啊 ！ 曹睿 聽 咗 猶疑不決 。 華歆 稟奏 話 ： 陛下 ， 唔 好 畀 佢 掌握 兵權 啊 ， 仲 係 將 佢 罷官 ， 送 佢 回鄉 罷啦 。 曹睿 就 聽華 歆 嘅 意見 ， 將 司馬懿 削職 回鄉 ， 任命 曹休 代替 佢 嚟 總督 雍 、 涼二州 兵馬 。 處理 完 司馬懿 之後 ， 曹睿 就 擺 駕返 洛陽 呢 處 就 唔 講 佢 喇 。 呢 一件 事 呀 ， 自然 就 有 蜀國 嘅 間諜 探聽到 啦 ， 立即 就 返去 報告 諸葛亮 。 諸葛亮 一聽 嗨 呀 歡喜 到 不得了 ， 佢 話 ： 我 想 去 攻打 魏國 好耐 㗎 喇 ， 無奈 司馬懿 總督 雍 、 涼二 州 嘅 兵馬 ， 使 我 難以 實行 北伐 啊 。 而 家 佢 哋 已經 中計 ， 司馬懿 被貶 削職 回鄉 咯 。 哈哈哈 哈哈哈 ， 我 就 冇 晒 顧慮 咯 。 第 日 ， 劉禪 登殿 早朝 ， 所有 文武 官員 都 排班 侍候 。 孔明 出班 呈 上 一道 出師表 。 出師表 呀 ， 係 歷史 上 一篇 好 有名 嘅 奏章 ， 亦 係 一篇 寫得 極好 嘅 文章 。 喺 呢 處 呢 就 唔 怕 囉嗦 講多 幾句 吓 。 所謂 表 呢 ， 就 係 奏章 ， 就 係 封建社會 啊 臣子 對 君主 ， 陳述 事理 嘅 一種 文體 。 出師表 啊 就 係 諸葛亮 佢 親自 統率 大軍 ， 要 向 北方 進兵 準備 攻打 魏國 嘅 時候 ， 寫 畀 後主 劉禪 嘅 奏章 。 奏章 一開 筆 ， 就 由 先帝 創業 未半 ， 而 中道 崩 殂 ； 今天 下 三分 ， 益州 疲弊 ， 此 誠 危急 存亡之秋 也 噉 講起 。 講 形勢 ， 講要 繼承 先主 劉備未 完成 嘅 事業 ， 統一 中國 。 接住 落 嚟 ， 就 對 劉禪 提出 三條 政治 建議 ： 第一 ， 就要 將 先帝 開張 聖 聽 ， 善於 接受 意見 ， 肯 聽 人 說話 嘅 高貴 品質 啊 ， 發揚光大 。 第二 ， 要 執法 公平 ， 賞罰分明 。 第三 ， 要 親近 啲 賢良 忠臣 ， 而 疏遠 小人 。 同時 呢 ， 就 開列 咗 一批 文武 賢臣 嘅 名單 ， 請 後主 親而信 之 噉 。 跟 住 啊 ， 諸葛亮 又 追述 兩件 往事 ： 一件 呢 就 係 講 廿一 年前 ， 先帝 劉備 三顧草廬 ， 自己 應承 出 嚟 為 先帝 效力 嘅 經過 。 另 一件 呢 ， 係 講 喺 第二年 ， 劉備 喺 當陽 長 坂 大敗 ， 自己 喺 危難 之中 承受 重任 。 緊接 住 呢 就 再 講述 自己 接受 任命 以 嚟 啊 ， 兢兢業業 慘淡經營 嘅 苦心 。 最後 就 講清楚 幾位 大臣 嘅 職責 。 同時 呀 提請 後主 ， 亦 要 深明 自身 嘅 重大責任 噉 。 呢 道 奏章 寫 得 好 啊 ， 之亦極 唔 容易 寫 得 好 噃。 劉禪 係 個 懦弱 無能 嘅 君主 ， 諸葛亮 而家要 帶兵 遠征 ， 噉 啊 自然 有 後顧之憂 㗎 。 噉 就 好比 父母 要 去 遠方 ， 暫時 要 等 個 仔 當家 ， 臨別 之前 啊 ， 免不了 要 叮囑 一番 一樣 嘞 。 不過 噉 噃， 你 諸葛亮 雖然 係 父輩 啫 ， 畢竟 人 哋 係 皇帝 你 係 個 臣子 嚟 咋 喎 ， 故此 說話 就 唔 能夠 啊 用 教訓 嘅 口吻 。 忠言 就 係 要講 但 係 唔 能夠 逆耳 啊 ， 否則 就講 咗 都 冇 用 喇 。 所以 呢 篇 奏章 就 難 寫 ， 之 諸葛亮 寫得 極好 。 佢 又 非常 善於 表達 自己 嘅 思想 ， 言辭 巧妙 陳述 得體 。 嗱 大家 睇 下 ， 全篇 奏章 不過 六百 幾 七百 字唧 。 佢 又 喺 十三處 地方 提及 先帝 ， 意思 就 係 要 劉禪 啊 ， 牢牢 噉 記住 先帝 未 完成 嘅 偉大事業 。 另外 啊 ， 諸葛亮 又 從 自己 親身經歷 同埋 感情 講起 ， 用 自己 為國 忘我 嘅 滿腔 忠貞 ， 嚟 到 激勵 後主 ， 希望 佢 奮發圖強 。 噉 佢 又 處處 都 深切 噉 表示 出要 報答 先帝 而 忠於 劉禪 。 大家 話 喇 ， 對於 噉 樣 一位 赤膽忠心 嘅 臣子 嘅 規勸 ， 點 能夠 唔 聽 嘅 呢 ？ 係 嘛 ？ 仲有 ， 諸葛亮 喺 呢 一篇 短短 嘅 奏章 裏 便 啊 ， 又 有 七次 咁 多 提及 陛下 嘅 。 處處 都 係 從 陛下 嘅 帝王 事業 、 威望 、 聲譽 着想 㗎 。 呢 篇 奏章 噉 樣 寫法 呀 ， 真 係 可以 講得 係 忠言 不 逆耳 嘅 文章 典範 咯 。 正 所謂 出師 一表 真名 世 ， 千載 誰 堪 伯仲 間 啊 ！ 好 喇 ， 噉 劉禪 睇 完 孔明 出師表 啊 佢 就 話 ： 相父 去 南征 ， 歷盡艱難 ， 啱 啱 先至 返到 都城 ， 張椅 都 未曾 坐得 暖 。 而家 又 想 進行 北征 喇 ， 恐怕 過份 勞累 精神 喇 。 陛下 ， 先帝 臨終 嘅 時候 ， 將 國家 嘅 重任 託付 畀 臣 ， 一直 以 嚟 ， 臣 一時一刻 都 唔 敢 疏懶 。 目前 南方 已經 平定 ， 冇 內顧之憂 咯 。 唔 趁 住 呢 個 時候 去 討伐 逆賊 ， 恢復 中原 ， 更待何時 何日 呢 ？ 太史 譙 周出 班 啟奏 話 喇 ： 陛下 ， 臣夜 觀天象 ， 見到 北方 嘅 氣勢 正 係 旺盛 ， 星宿 非常 之 明亮 ， 因此 ， 係 未 到 北伐 嘅 時候 啊 。 丞相 ， 你好 識得 天文 嘅 ， 點解 要 勉強 去 北伐 呢 ？ 孔明 話 喇 ： 天道 係 經常 變化 ， 唔 能夠 用 固定 嘅 眼光 嚟 睇 佢 。 我而家 先 將兵 馬 駐 扎 喺 漢中 ， 觀察 下 動靜 然後 進行 北伐 。 譙周 苦苦 噉 勸 孔明 唔 好 出兵 ， 孔明 始終 冇 接受 佢 嘅 意見 。 於是 孔明 就 留低 郭攸之 、 董允 、 費禕 做 侍中 ， 總管 宮中 嘅 事情 。 又 留低 向 寵做 大將 ， 總督 御林軍 馬 ； 蔣琬 做 參軍 ； 張裔 做 長史 ， 又 掌管 丞相 府 嘅 工作 ； 杜瓊 做 諫議 大夫 ； 杜微 、 楊洪 做 尚書 ； 孟光 、 來敏 做 祭酒 ； 尹默 、 李 譔 做 博士 ； 郤 正 、 費詩 做 秘書 ； 譙周 做 太史 。 與 及 內外 文武 官員 百幾人 啊 ， 就 共同 管理 蜀國 嘅 政務 嘞 。 孔明 接受 咗 劉禪 頒發 嘅 命令 之後 ， 就 返去 丞相 府 點將 嘞 。 呢 趟 北伐 呀 陣容強大 ， 非同小可 啊 。 前督部 ， 魏延 ； 前軍 都督 ， 張翼 ； 牙 門將 ， 王平 ； 後軍 領兵 使 ， 李恢 ； 副將 ， 呂義 ； 兼管 運糧 左 軍 領兵 使 ， 馬岱 ； 副將 廖化 ； 右軍 領兵 使 ， 馬 忠 、 張嶷 ； 行中 軍師 ， 劉琰 ； 中 監軍 ， 鄧芝 ； 中 參軍 ， 馬 謖 ； 前 將軍 ， 袁 綝； 左 將軍 ， 吳懿 ； 右 將軍 ， 高翔 ； 後 將軍 ， 吳班 ； 領 長史 ， 楊儀 ； 前 將軍 ， 劉巴 ； 前護 軍 ， 許允 ； 左護 軍 ， 丁 鹹 ； 右護 軍 ， 劉敏 ； 後護 軍 ， 官 雝 ； 行 參軍 ， 胡濟 、 閻晏 、 爨習 、 杜義 、 杜祺 、 孛 攵； 從事 ， 樊岐 ； 典 軍 書記 ， 樊建 ； 丞相 令史 ， 董厥 ； 帳前 左 護衛 使 ， 關興 ； 右 護衛 使 ， 張苞 。 以上 所有 官員 ， 都 跟隨 平 北大 都督 、 丞相 、 武鄉侯 、 領 益州牧 、 知 內外 事 ， 諸葛亮 ， 一同 出征 ！ 哈哈 ， 孔明 呢 個 銜頭 呀 都夠 多夠 長 嘅 嚱。 又 頒發 命令 通知 李嚴 等 人 啊 鎮守 川口 ， 防備 東吳 嘅 入侵 。 噉 啊 擇定 建興 五年 啊 ， 即 係 公元 二 二七 年 ， 三月 ， 丙寅日 出師 ， 北伐 魏國 。 噉 啊 忽然間 喺 中軍帳 下 ， 有 一位 老將 噔 噔 聲行入 嚟 大聲 噉 話 ： 我 雖然 年紀 老邁 ， 都 仲有 廉頗 之勇 ， 馬 援之雄 啊 ！ 呢 兩位 古人 都 唔 服老 ， 丞相 今日 ， 點解 唔 用 我 啊 ！ 大家 一望 ， 哦 ， 原來 係 趙雲 啊 ！ 孔明 就 話 喇 ： 我 平南 之後 返到 嚟 都城 ， 馬孟起 已經 病死 ， 真 係 一個 極大 嘅 損失 ， 我 就 好似 斷 咗 隻 手臂 啊 。 今日 將軍 嘅 年紀 已經 好大 喇 ， 若果 稍 為 有 啲 差池 ， 就 損害 將軍 一世 嘅 英名 ， 亦 挫折 咗 我 哋 蜀國 嘅 銳氣 喇 。 我 自從 跟隨 先帝 以來 ， 從來 都 係 臨陣 不 退 ， 遇敵 爭先 嘅 。 大丈夫 ， 能夠 死 在 疆場 係 好 彩數 啊 ！ 我 有 乜嘢 遺憾 啊 ， 我願 做 前部 先鋒 ！ 孔明 再三 苦苦 勸 佢 都 唔 聽 。 趙雲 話 喇 ： 如果 唔 畀 我 做 先鋒 ， 我 就 一頭 撞死 喺 呢 度 嚟 ！ 噉 好 啦 ， 將軍 既然 要 做 先鋒 ， 需要 有 個人 同埋 去 至 得 。 孔明 話 猶 未了 ， 有 個人 應住 話 喇 ： 末將 雖然 能力 薄弱 ， 願意 協助 老 將軍 ， 先行 帶領 一支 軍隊 去 破 敵 啊 ！ 孔明 一睇 乃 係 鄧芝 ， 係 好 高興 ， 就 撥 五千 精兵 、 十員 副將 ， 跟隨 趙雲 、 鄧芝 先行 出發 。 到 咗 丙寅日 ， 孔明 出師 喇 。 當日 後主 劉禪 率領 文武百官 ， 同 孔明 送別 ， 一直 送到 去 北門 以外 十里 啊 。 孔明 辭別 咗 後主 ， 統率 住 浩浩蕩蕩 個 軍隊 ， 真 係 旌旗 蔽野 就 戈戟 如林 ， 向 住 漢中 進發 。 嗱 各位 ， 呢 一次 啊 ， 乃 係 孔明 第一次 進行 北伐 。 呢 一年 孔明 係 四十六歲 。 噉 今日 就 講住 咁 多 先 ， 欲知 後事 如何 且 聽 下回分解 。