ما هي اللغة التي يتحدث بها الكون؟ | النيرد العربي
في شهر سبتمبر عام 2015
سمعنا الكون يسولف لنا
عن ثقبين أسودين اندمجوا
وهذا كان صوتهم
بهذول الثانيتين أخبرنا الكون
إنه هذول الثقيبن الأسودين كتلتهم
أكبر من شمسنا ب 60
مرة وكانوا يدورون حول بعضهم مئات المرات
وأطلقوا وطاقة قدرها خمسة في عشرة أس 40
كيلو واط طاقة أكبر ب ٪50
من طاقة كل النجوم بالكون المرصود
زين الحين تقول لي ما هي هاللغة اللي سولف
إلنا بهالكون وأخبرنا بكل هذه المعلومات
هذه اللغة هي موجات الجاذبية
أنا النرد العربي وأهلا بكم اشترك بالقناة
وفعل الجرس وتابعنا للأخير
وخلينا نغوص بالفضاء
حتى نتعلم أكثر عن أمواج الجاذبية
بعدما كمل آينشتاين نظرية النسبية العامة
اللي خلقت طريقة جديده للتفكير بالفضاء
والجاذبية بهاي النظرية العجيبة هي نتيجة
الانحاء اللي يصير بنسيج الكون
المصنوع من الزمان والمكان واللي نسميه الزمكان
بسبب الكتل العالي للأجسام اللي عليه
وتأثير الجاذبية بين الأجسام ما ينتقل
لحظيا مثل ما كان يقول نيوتن
إنما ينتقل بسرعة محدودة
اللي هي سرعه الضوء الحد الأعلى للسرعة بالكون
غالبين نعرف إنه ضوء الشمس يحتاج 8 دقائق
تقريبا حتى يوصل لنا بس اللي ما نعرفه
إنه الجاذبية أيضا تحتاج نفس هذا الوقت
فالشمس إذا اختفت فجأة ما راح يختفي تاثيرها
الجذبوي إلا بعد 8 دقائق
وإضافة لانحناء الزمكان
بسبب الكتل اللي عليه
هو أيضا يتموج إذا صار بيه حدث كبير
مثل اندماج الثقوب السوداء والنجوم النيوترونية
فهاي الأحداث تخلّي الزمكان يتموج
مثل البحيرة إذا دبينا بيها صخرة
هاي التموجات تمدد الزمكان عاموديا وأفقيا
وكذلك كل شي تمر بيه
أيضا تمدده حتى البشر
ولكن بمقدار قليل جدا يقدر بجزء
من عشره أوس 21 جزء
هاي اللغة اللي تحدث إلنا بها الكون خذت عشرات
السنوات حتى نسمعها وسمعناه لأول مرة بالعام 2015
من خلال جهاز خاص يترجم هاي اللغة اسمه
اللايغو أو بالعربي يسمونه مرصد ليزر لقياس
التداخل في موجات الجاذبية
واللي هو عبارة عن جهاز كلش كبير موجود منه
اثنين في أمريكا و عدين رح نعرف ليش أكومن عندنا 2
بنوهم في العام 2002 بهذا الجهاز أكو ذراعين طوال متعامدات
كل واحدة منهن طولها أربع كيلومترات مفرغة تماما
من الهواء ينطلق بها ليزر يشع الضوء
بالطول الموجي تحت الأحمر وبه واحد ميجاوات من الطاقة
يعني ليزر يكفي ألف بيت
هذا الليزر ينقسم إلى شعاعين المتعامدات
كل واحد من عندهم ينطلق بواحدة من هذه الأذرع
ويرجع ينعكس مره ثانية من مرآه دقيقة جدا
ويرجعون يجتمعون سوا ويتداخلون تداخل هدام
يعني واحد يلغي الثاني
يعني أكو يصير قرق بالطول بينهم مقداره 90 درجة
فلما تجي موجة جاذبية تمر بالأرض وبهذا الجهاز
راح تغير من طول الأذرع المالاته بمقدار جزء من 10,000 جزء من
قطر البروتون هذا التغير البسيط جدا راح يغير من طريقة
تدداخل شعاعين الليزر وبالتالي من خلال قياس هذا التغير نقدر
نرصد موجات الجاذبية بس إذا هذا الجهاز كلش دقيق يعني
حتى السيارات والزلازل ممكن تاثر على تداخل أشعه الليزر
فشلون نعرف انه هذا اللي رصدنا هو فعلا موجات الجاذبية الحل
كلش بسيط لهذه المشكلة إنه نبني واحد ثاني مطابق له
ونشوف هل الجهاز الثاني راح يرصد نفس الموجة أو لا
المرصد الأول في أمريكا موجود في هانفرد بولاية واشنطن
والثاني موجود في ليفنغ لويزيانا
هذول طبعا مو الوحيدين عالميا
فأوروبا عندها واحد اسمه فقروا
وكذلك اليابان عندها واحد
هاي الموجات تحمل معلومات كثيرة عن الأحداث التي
سببتها وأكو شغلات تصير بالكون
ما نقدر نرصدها إلا بموجات الجاذبية
لذلك هذا الحقل الجديد نسبيا
من الرصد الفضائي جدا مهم
وراح يخلينا نسمع الكون
شنو يسولف لنا من أسرار؟
