張悦楷講《三國演義》, 100

今日 講下 關雲長 同 徐晃 啊 ， 激戰 咗 八 十幾個 回合 ， 未 分 勝負 就 收兵 回營 。 點 知道 都 未曾 唞 返順條 氣唧 ， 突然 之間 ， 四周圍 吶喊 連天 ， 殺 啊 ！ 咩 事 呢 ？ 原來 係 曹 仁 喺 樊城 裏 便 啊 ， 聽聞 曹操 救兵 嚟 到 嘞 ， 就 帶兵 殺出 城 嚟 同 徐晃 會師 兩頭 夾攻 呀 ， 殺到 荊州 兵馬 就 大亂 。 關雲長 急忙 上馬 ， 帶住眾 將官 就 飛奔 去 襄江 上游 。 曹兵 呢 喺 背後 猛 咁 追住 嚟 。 關雲長 渡過 咗 襄江 ， 想 撲 去 襄陽 。 點知 流星 馬 嚟 到 報告 話 荊州 已經 畀 呂蒙 攻破 ， 家眷 失陷 。 嘩 ！ 關雲長 大吃一驚 ， 唔 敢 去 襄陽 喇 ， 想 帶兵 去 公安 嘞 噃。 探馬 又 嚟 報告 ， 公安 傅士仁 已經 投降 咗 東吳 喇 。 嘿 ！ 關雲長 嬲 啊 ！ 喺 呢 個 時候 ， 去 催糧 嘅 人 嚟 到 報告 話 嘞 ： 傅士仁 去 到 南郡 殺 咗 使者 ， 嘍埋 糜芳 一齊 投降 東吳 咯 。 啲 壞消息 呀 一而再 再而三 ， 關雲長 聽 咗 嬲 到 佢 塊 面 呀 由 紅 變到 黑 。 嗰 一股 怒氣 呀 唂 實 冇 埞 出 啊 ， 啊 ！ 當堂 傷口 爆裂 成個暈 咗 𢴈 喺 地 嚟 。 啲 人 就 連忙 救返 醒 佢 。 佢 一眼 見到 王 甫 喺 身 跟 ， 佢 就 話 喇 ： 啊 ！ 我 好 後悔 ， 冇 聽 你 嘅 說話 。 今日 ， 果然 發生 噉 嘅 事 啊 ！ 係 喇 ， 沿住 江邊 一帶 ， 點解 唔 點起 烽火 告警 呢 ？ 探馬 就 回答 話 喇 ： 呂蒙 叫 啲 水手 ， 個個 都 着 住件 白衫 ， 扮成 商人 噉 樣 棹 船 渡江 。 將 啲 精兵 呀 藏 晒 喺 啲 船艙 裏 便 ， 捉住 晒 啲 守台 士卒 ， 所以 就 冇 點着 烽火 喇 。 唉 ， 哎呀 ！ 我 中 咗 奸賊 嘅 詭計 咯 ！ 唉 ， 我仲有 乜嘢 面目 ， 去 見 兄長 啊 ！ 管糧 都督 趙 累話 嘞 ： 而家 情勢 好 危急 ， 不如 一便 派 人 去 成都 求救 ， 一便 由 旱路 去 打返 荊州 啦 。 關雲長 就 照 佢 噉 話 派 馬良 、 伊籍 就 帶 住 告急 文書 ， 去 成都 求救 。 自己 呢 ， 就 帶兵 去 打 荊州 。 佢 就 率領 前隊 ， 留 廖化 、 關平 押後 。 而家 呢 ， 講返 下 轉頭 。 樊城 啊 解 咗 圍 嘞 ， 曹仁 帶齊 眾 將官 嚟 到 見 曹操 。 佢 流 住 眼淚 跪低 叩頭 請罪 。 曹操 話 ： 呢 啲 係 天數 啊 ， 唔 係 你 哋 嘅 罪 ， 大家 起身 ， 起身 ！ 哈哈哈 哈哈哈 。 曹操 於是 大賞 三軍 。 噉 啊 曹操 呢 ， 仲 親自 到 四 冢 營寨 周圍 噉 視察 。 佢 睇 咗 一輪 就 同 大家 話 嘞 ： 啊 你 睇 你 睇 ， 荊州 兵 圍塹 鹿角 重重 ， 而 徐公明 深入 其中 獲得 全勝 。 哈哈哈哈 哈哈哈哈 ， 孤王 用兵 三十幾年 咯 ， 都 未敢 學 佢 噉 樣 長驅直入 敵人 嘅 重圍 啊 ！ 公明 確係 膽識 兼優 ！ 曹操 都 佩服 喇 ， 噉 啊 人人 都 佩服 啦 。 曹操 就 班師 返去 摩陂 駐扎 。 徐 晃 嘅 軍隊 呢 嚟 喇 ， 曹操 親自 出寨 去 迎接 啊 。 只見 徐 晃 嘅 軍隊 ， 全部 都 係 按照 隊列 操住 噉 行 ， 一 啲 都 冇 亂 嘅 。 歡喜 到 曹操 乜嘢 噉 ， 大 讚 徐 晃 啊 ， 話 佢 直 情 呀 比得上 西漢 時候 嘅 名將 周亞夫 啊 。 於是 曹操 就 封 徐晃 做 平南 將軍 ， 同 夏侯尚 呢 ， 共同 鎮守 襄陽 ， 壓制 關雲長 嘅 兵馬 。 曹操 因為 荊州 嘅 局勢 未定 啊 ， 就 繼續 喺 摩 陂 駐 扎 就 等候 消息 。 而家 就 講下 關雲長 。 佢 誒 喺 去 荊州 嘅 路上 呢 ， 進退兩難 。 佢 對 趙 累 講 ： 而家前 有 吳兵 ， 後 有 魏兵 ， 我 夾住 喺 中間 ， 救兵 又 未 到 ， 如之奈何 呢 ？ 趙 累話 ： 往日 呂蒙 喺 陸 口 嘅 時候 ， 曾經 寫過信 畀 君侯 ， 約定 兩家 和 好 ， 共同 去 征伐 曹操 嘅 。 今日 反而 幫 曹操 嚟 襲擊 我 哋 ， 噉 佢 係 違反 協定 啦 。 君侯 不如 暫時 喺 呢 處 駐 扎 ， 就 派 人 送 封信 去 畀 呂蒙 質問 下 佢 ， 睇 佢 點樣 答覆 先 啦 。 嗯 ， 噉 都 好 。 關雲長 就 寫 咗 封信 ， 派個 使者 帶 去 荊州 畀 呂蒙 。 呂蒙 喺 荊州 好會 做 啊 。 佢 下令 凡 係 荊州 各個 郡 所有 跟隨 關雲長 出征 嘅 將士 屋企 啊 ， 唔 準吳兵 去 騷擾 。 按 月 發給 糧食 ； 屋企 有人 病 嘅 ， 派 醫生 去 治療 。 嘩 ， 噉 樣 一 嚟 呀 ， 荊州 將士 嘅 家屬 啊 非常 之 感激 喇 所以 呢 都 保持 安定 。 呢 一日 ， 呂蒙 聽見 話 關雲長 嘅 使者 嚟 到 ， 哈 ， 親自 出城 去 迎接 佢 入 到 嚟 衙門 ， 當 係 貴賓 一樣 噉 接待 。 使者 呈 上 咗 書信 。 呂蒙 睇 咗 就 對 使者 話 喇 ： 往日 ， 我同 關將軍 和 好 ， 呢 啲 乃 係 私人 嘅 交情 。 今日 嘅 事 呢 ， 乃 係 上頭 嘅 命令 不由自主 咯 。 勞煩 使者 返去 回覆 關將軍 啦 。 跟 住 呂蒙 就 吩咐 設宴款待 ， 散席 之後 呢 就 送 佢 去 賓館 休息 。 關雲長 嘅 使者 嚟 到 荊州 呢 件 事 就 傳開 晒 。 於是 隨征 將士 嘅 家屬 呀 ， 好多 都 嚟 探問 消息 。 有 啲 呢 就 託 個 使者 帶封 書信 去 嘅 ， 有 啲 係 託 佢 搭 個 口信 嘅 。 噉 就 雖然 家家 嘅 事 都 唔 同 啊 ， 但 係 有 一點 係 相同 個 噃 咩 呢 ？ 就 係 個個 都 話 屋企 平安無事 啊 ， 衣食 唔 缺 啊 噉 。 哈哈 呢 一點 真 係 緊要 喇 ， 平安 二字 值千金 吖 嘛 。 第 日 ， 使者 辭別 呂蒙 返扯 嘞 。 呂蒙 就 親自 送 出城 。 使者 返去 見到 關雲長 ， 就將 呂蒙 點 講點 講都 報告 咗 ， 佢 又 話 喇 ： 喺 荊州 城 呀 ， 君 侯 嘅 寶眷 同埋 各位 將官 嘅 家屬 ， 個個 都 好 平安 ， 供給 都 唔 缺 啊 。 哼 ！ 呢 啲 都 係 奸賊 嘅 詭計 嚟 。 我 在 生之日 殺 佢 唔 到 ， 我 死 後 都 要 殺 咗 佢 ， 以雪 我 心頭 之恨 啊 ！ 你 出去 啦 。 係 。 使者 行返 出去 。 嗰 班 將官 呀 都 嚟 探問 自己 屋企 啲 事點 啊 噉 。 個 使者 咪講 畀 佢 哋 聽 咯 ， 大家 屋企 呀 都 平安 冇 事 ， 呂蒙 極之 關心體貼 。 並且 將 啲 家信 分別 交 畀 佢 哋 嘞 喎 ， 嘿 ， 嗰 啲 將官 呀 歡喜 咯 ， 都 唔 想 打仗 喇 ， 宜得 快 啲 返 屋企 喇 。 關雲長 畀 呂蒙 呃 咗 ， 嬲 到 佢 入骨 ， 於是 就 起兵 去 打 荊州 。 點知 一路 行軍 ， 開小差 趯 返去 荊州 鄉下 嘅 都 唔 知 幾多 。 噉 啊 關雲長 越發 憤恨 嘞 ， 猛 咁 催 啲 隊伍 行快 啲 行快 啲 。 呢 一日 ， 遇到 一彪 軍馬 攔住 去路 ， 為首 一員大將 乃 係 蔣欽 。 佢 勒 馬挺槍 大 嗌 話 ： 雲長 你 早 啲 投降 ！ 呸 ！ 我 係 漢朝 大將 ， 投降 你 啲 奸賊 都 有 嘅 咩 ！ 關雲長 拍 馬舞刀 直取 蔣欽 。 打 咗 唔 到 三個 回合 ， 蔣欽 打敗 走人 嘞 。 關雲長 揮兵 一路 追殺 二十幾 里 。 喎 嗬 噉 突然 響起 吶喊聲 。 只見 喺 左 便 嘅 山谷 裏頭 ， 韓當 帶兵 衝出 嚟 ； 喺 右 便 嘅 山谷 裏頭 呢 ， 周泰 帶兵 衝出 嚟 ； 噉 蔣欽 又 回馬 再 嚟 打過 喎 ， 哎呀 三面 夾攻 噃。 關雲長 急急 撤兵 返 轉頭 。 行 咗 冇 幾多 里路 ， 只見 南便 山崗 上 便 ， 聚集 住 好多 人 ， 舉起 一面 白旗 ， 飄下 飄下 ， 白旗 就 寫 住 荊州 土人 四個 大字 。 嗰 啲 人 呢 齊聲 大叫 ： 本地人 快快 投降 啊 ！ 本地人 快快 投降 啊 ！ 關雲長 啊 嬲 到 頭殼 出煙 嘞 ， 想衝 上 山崗 殺 晒 嗰 班 人 。 點 知 喺 山坳 裏頭 ， 又 有 兩彪 軍馬 撞出 嚟 。 左邊 丁奉 右邊 徐盛 ， 噉 夾埋 蔣 欽 佢 哋 三路 軍馬 呢 ， 一時之間 ， 鼓角 喧天 喊聲 震地 ， 將 關雲長 困住 喺 戰陣 中心 。 呢 個 時候 呀 ， 關雲長 手下 嘅 將士 漸漸 少 喇 。 及至 廝殺 到 黃昏時候 呢 ， 關雲長 遠遠望 下四便 啲 山上 ， 都 係 荊州 當地 嘅 兵士 。 呢 個 就 嗌 兄弟 嗰 個 搵 阿爹 ， 啲 呼喚聲 啊 冇 停過 。 唉 軍心 冚𠾴唥 變 晒 咯 一 聽見 嗌 就 走 咯 。 關雲長 啊點 喝 都 喝 唔 住 喇 。 呢 個 時候 ， 跟 住 佢 嘅 人馬 只 係 剩返 三百 零人唧 ， 噉 啊 一直 殺到 三 更 。 忽然 正東方 嗰 便 ， 喊 殺 連天 。 衝到 埋 嚟 一 睇 ， 原來 係 關平 、 廖化 就 分兵 兩路 殺入 重圍 。 噉 佢 哋 救 咗 關雲長 出去 。 關平 話 喇 ： 軍心 已經 亂 晒 喇 ， 必定 要 有 個 城池 暫時 落腳 ， 等待 援兵 至 得 。 去 麥城 啦 ， 麥城 雖然 係 細 啊 ， 可以 扎得 落 嘅 。 麥城 係 個 古城 啊 ， 而家 呢 就 冇 咗 喇 。 地點 喺 今日 湖北省 ， 當陽 縣 嘅 東南方 嗰 便 。 關雲長 同意 嘞 ， 即刻 帶住 一隊 殘兵 就 跑 到 去 麥城 ， 噉 就 分派 人馬 ， 嚴守 四門 。 然後 同 大家 商量 。 趙 累話 喇 ： 呢 處 離開 上 庸 唔 係 點遠 嘞 ， 劉封 、 孟 達 喺 嗰 度 把守 ， 君侯快 啲 派 人 去 叫 佢 哋 派 救兵 嚟 啦 。 若果 有 上 庸 嘅 軍馬 嚟 接應 先 ， 噉 再 等待 川兵 大隊人馬 趕到 ， 軍心 就定 喇 。 正 喺 度 商量 緊 ， 啲 人 嚟 報告 話 吳兵 呀 已經 到 咗 喇 ， 將個 城 四面 圍實 喇 噉 。 關雲長 話 喇 ： 你 哋 邊個 敢 突圍 出去 ， 去 上 庸 求救 啊 ？ 廖化話 ： 我 去 ！ 關平 話 喇 ： 我 護送 你 殺出重圍 啦 ！ 關雲長 立即 寫 好 封信 ， 交 畀 廖化 收埋 喺 身邊 。 廖化 飽飽 噉 食 咗 餐飯 ， 啪 聲 上馬 開門 出 城 ， 一 出去 就 撞 着 丁奉 截住 嘞 。 畀 關平 搏命 衝殺 ， 打到 丁奉 頂 唔 住 走 咗 。 廖化 趁勢 殺出重圍 就 直 跑 去 上 庸 。 噉 啊 關平 就入 返城 唔 出 嚟 喇 。 而家 講下 劉封同 孟達 啊 ， 當日 佢 哋 奉命 去 攻打 上 庸 郡 。 上庸 太守 申耽 呢 ， 就 率領 全部 官員 投降 。 劉備 就 提升 劉封 啊 ， 做 副 將軍 ， 同孟達 一齊 鎮守 上 庸 喇 。 呢 一日 ， 佢 兩個 得到 消息 話 關雲長 打 咗 敗仗 噉 。 正 喺 度 傾 緊 ， 廖化 嚟 到 嘞 。 廖化將 關雲長 嘅 信 交 咗 畀 劉 封 ， 佢 話 ： 關公 打敗 咗 ， 而家 困住 喺 麥城 ， 形勢 非常 危急 。 成都 嘅 援兵 一時 就 唔 到 得 咁 快 ， 所以 叫 我 突圍 嚟 到 呢 處 求救 。 請 兩位 將軍 快 啲 帶兵 去 救 啦 ！ 稍 為 遲 一 啲 ， 關公 就 唔 得 掂 㗎 喇 ！ 劉封話 ： 哦 ， 廖 將軍 你 辛苦 喇 ， 去 休息 啦 ， 等 我 商量 下先 。 廖化 於是 去 賓館 住落 ， 就 等 住 劉封 起兵 嘞 噃。 劉封 搵 孟達 嚟 商量 ， 佢 話 ： 叔父 喺 麥城 被困 ， 如之奈何 呢 吓 ？ 孟達話 ： 東吳 兵 精將勇 ， 而且 荊州 九郡 完全 都屬 晒 佢 咯 。 關公 只 係 得 返 一個 麥城 ， 乃 係 個 彈丸之地 啫 。 聽聞 曹操 ， 親自 率領 四五十萬 大軍 ， 駐 扎 喺 摩 陂 噃。 唉 靠 我 哋 呢 處 山城 嘅 兵力 ， 點打 得 過人 哋 兩家 強敵 啊 ？ 我 睇 ， 我 哋 唔 去 得 㗎 。 呢 啲 我 都 知 ， 無奈 關公 係 我 嘅 叔父 噃， 噉 唔 通 坐視不救 咩 ？ 嘿嘿 嘿嘿 嘿嘿 嘿嘿 ， 將軍 你 又將 關公 當做 阿叔 喇 ， 恐怕 關公 就 未必 當你 係 侄 噃。 我 聽講 呀 ， 漢中 王 當初 收 你 做 仔 嘅 時候 ， 關公 已經 唔 鍾 意 㗎 喇 。 收尾 ， 漢中 王 登位 嘞 ， 佢 想 立 個 繼承人 就問 孔明 ， 孔明 話 ， 呢 啲 係 家事 吖 ， 問關 、 張 就 得 喇 噉 。 漢中 王 就 派 人 到 荊州 問 關公 。 關公 因為 將軍 你 呢 ， 乃 係 個 義子 ， 當然 唔 能夠 立 你 做 繼承人 咯 。 就 勸 漢中 王 ， 遠遠 咁 將你 安置 喺 上 庸 呢 啲 山城 嘅 地方 ， 杜絕後患 。 嘿嘿 ， 呢 件 事 ， 人人 都 知 㗎 喇 ， 唔 通 將軍 你 自己 反為 唔 知 ？ 到 而家 喇 ， 仲 成日 咁 諗 住 所謂 叔侄 情份 ， 想 冒險 帶兵 去 麥城 添 呀 。 係 嘅 ， 你 講 嘅 雖然 冇 錯 ， 之 我 ， 之 我 用 咩 嘢 說話 嚟 推 佢 好 呢 ？ 噉 就 好話 為 啦 ，嗱， 將軍 你 就講 ， 山城 初初 歸附 ， 民心 未定 ， 所以 就 唔 敢 貿貿然 起兵 ， 怕 守 唔 住 上 庸 就 失職 喇 ， 噉 唔 係 得 咯 。 嗯 ， 嗯 ， 噉 樣講 係 有 道理 。 劉封 就 照孟達 講 嘅 做 喇 。 第 日 ， 劉封 請 廖化 嚟 就 同 佢 話 ： 上 庸 呢 啲 山城 地方 係 初 初 歸附 過 嚟 ， 所以 我而家 唔 能夠 分出 兵力 去 救 麥城 喇 。 哎呀 ！ 將軍 啊 將軍 ， 如果 噉 樣 ， 關公 就 冇 㗎 喇 ！ 廖化 大吃一驚 ， 啪 聲 跪 低 叩頭 叩到 落地 ，𠼮 阿劉封 。 孟達話 ： 就算 我 哋 帶兵 去 吖 ， 用 一杯 水又點 救得 一車 柴 燒着 嘅 大火 吖 ？ 將軍 你 仲 係 快 啲 返去 ， 等 住 蜀 兵 到 就 啱 嘞 。 廖化 就 喊 得 好 淒涼 啊 ， 一味 哀求 劉封 出兵 。 劉封 、 孟達 就將 衫袖 一拂 ， 噉 就 行 咗 入 去 。 廖化 知道 點 哀求 都 冇 用 㗎 喇 ， 諗 下 非 去 搵 漢中 王 求救 不可 喇 。 於是 就 上馬 ， 一路行 一路 鬧 劉封 、 孟達 ， 出 咗 城 飛快 噉 趕住 去 成都 。 而家返 轉頭 講下 關公 ， 佢 喺 麥城 盼望 上 庸 嘅 救兵 到 ， 盼來 盼 去 都 唔 見 動靜 。 佢 手下 只 係 剩返 五六百 人 ， 而且 大部分 都 係 負 咗 傷 嘅 。 城裏 便 又 缺糧 ， 日子 真 係 苦楚 喇 。 呢 一日 ， 守城 嘅 兵士 嚟 報告 話 ： 城下 有 個人 大 嗌 唔 好 放箭 ， 有 說話 要 面見 君侯講 喎 噉 。 關公 叫 放 佢 入 嚟 啦 ， 一睇 ， 原來 係 諸葛瑾 。 行過禮 ， 奉過 茶 ， 諸葛瑾 就 話 ： 我 奉 咗 吳 侯 嘅 命令 ， 特意 嚟 勸 下關 將軍 。 嗯 ， 請講 。 自古 都 有 話 ： 識時務者 為 俊傑 啊 。 關將軍 你 本來 統治 嘅 漢 上 九郡 ， 全部 都 已經 屬於 他人 所有 咯 噃。 而家 只 係 剩低 孤城 一座 ， 內 無 糧草 就 外 無 救兵 ， 危在旦夕 啊 。 關將軍 ， 我仲 係 勸 你 聽 我 話 ， 歸順 吳侯 ， 噉 荊襄 九郡 仍然 由 將軍 你 嚟 鎮守 ， 又 可以 保全 家眷 ， 請 將軍 你 好好 諗 下 吖 。 哼 ！ 我關 某 本來 係 解良 一個 武夫 ， 承蒙 我 主公 以 兄弟 手足 嚟 相待 ， 我點 肯 背信棄義 ， 投降 敵國 呢 ？ 城在 人 在 ， 城亡 人亡 ！ 玉可碎 而 不可 改其白 ， 竹可燒 ， 而 不可 毀其節 ！ 我 嘅 身 雖然 死 嘞 ， 而 名聲 可以 垂 於 千古 ！ 你 唔 使講 咁 多 ， 請 你 快 啲 出城 ， 我要 同 孫權 決一死戰 啊 ！ 關將軍 ， 吳侯 實在 係 想 同 你 結為 秦晉之好 ， 同力 破 曹 ， 共 扶漢室 ， 並 冇 其他 意思 㗎 。 關將軍 ， 你 點解 咁 執迷不悟 呢 ？ 諸葛瑾 說話 都 未 講完 ， 關平 已經 忍 唔 住 喇撐 噉 拔出 寶劍 行 上前 嚟 ， 想 斬 諸葛瑾 。 關雲長 制止 佢 話 ： 佢 細 佬 孔明 喺 西 蜀 ， 輔助 你 伯父 ， 今日 如果 殺 咗 佢 ， 就傷 咗 佢 兄弟 之情 咯 。 人 嚟 ， 趕 佢 出去 ！ 關雲長 喝 啲 衛士 將 諸葛瑾 趕走 。 諸葛瑾 啊 周身 唔 好意思 滿面 羞慚 ， 上 馬出城 ， 就 返 去 見 孫權 話 喇 ： 唉 ， 關雲長 呀 心如鐵石 ， 講 佢 唔 掂 㗎 喇 。 孫權 話 ： 佢 真 係 忠臣 啊 ！ 好似 噉 樣 又 如之奈何 呢 ？ 呂范話 喇 ： 誒 等 我 占 個 卦 ， 睇 下 佢 嘅 吉 兇 禍福 呢 。 好 吖 ， 你 占 個 卦 啦 。 於是 呂 范用 啲 蓍草 擺 咗 個 卦 。 乃 係 地 水師 卦 噃， 更 有 玄武 臨應 ， 呢 個 卦象 呢 就 預兆 敵人 遠奔 。 孫權 就問 呂蒙 ： 既然 卦象 係 噉 嘞 ， 你 有 咩 計策 捉 到 佢 呢 ？ 呂蒙 笑 ： 嘿嘿 嘿嘿 ， 呢 個 卦象 合晒 我 嘅 設想 。 關雲長 就算 有 沖天 之翼 啊 ， 亦 飛 唔 出 我 嘅 羅網 咯 。 係 呀 ， 你 呢 個 計策 係 點 㗎 ？ 我 估計 關 某 佢 兵 少 ， 必定 唔 會 混 大路 逃走 嘅 。 麥城 嘅 正北方 有 一條 小路 ， 非常 之 險峻 ， 佢 實行 呢條 路 嘅 。 我 就 命令 朱然 帶 五千名 精兵 ， 喺 麥城 以北 二十里 嗰 處 埋伏 ， 關 某個 兵 經過 嘅 時候 唔 好 同 佢 打 。 等 佢 哋 過 咗 喇 ， 先至 追 住 佢 哋 後 便 嚟 到 掩殺 。 佢 啲 人馬 實 係 冇 心 打 㗎 喇 ， 一定 要 走 去 臨 沮 。 我 啊 命令 潘璋 帶 五百名 精兵 ， 埋伏 喺 臨 沮 啲 山路 嚟 ， 噉 就 實捉 到 關某 㗎 喇 。 而家 ， 我 哋 就 下令 喺 麥城 各個 門 進攻 ， 就 空出 個 北門 放 佢 逃走 啦 。 孫權 了解 咗 呂蒙 嘅 計策 ， 噉 又 叫 呂范 再 占 個 卦 。 呂范 占 完卦 就 話 喇 ： 哦 ， 呢 個 卦 ， 預兆 敵人 向 西北方 逃跑 ， 今晚 亥時 佢 必定 被 擒 嘅 。 孫權 歡喜 到極 喇 ， 就 下令 朱然 、 潘璋 ， 各領 一支 精兵 ， 按照 呂蒙 嘅 部署 去 埋伏 喇 。 而家 講下 關雲長 佢 喺 麥城 ， 佢 點 一點 馬步軍 兵 ， 只 係 剩返 三百 幾人 ， 糧草 又 盡 嘞 。 當晚 ， 吳 兵 喺 城外 猛 咁 大聲 嗌 啲 軍士 嘅 名 。 張德勝 ， 張德勝 ！ 哈 ， 張德勝 噉 就擒 過 城牆 走 人 。 黃 德彪 啊 ， 黃 德彪 你過 嚟 喇 ！ 吖 黃 德彪 又 擒過 城牆 趯 佬 嘞 。 總之 係 噉 開小差 走 嘅 好多好多 ， 而 救兵 呢 ， 仲 未曾 見到 噃， 唉 關雲長 仲有 乜計 吖 。 佢 對 王 甫 話 ： 當日 我 冇 聽 你 話 真 係 後悔 啊 ！ 今日 情勢 危急 ， 點算 呢 ？ 王甫 就 喊 起 嚟 話 ： 今日 嘅 事 呀 ， 唉 ， 就算 係 姜子牙 返生 亦 無計可施 咯 將軍 。 趙 累話 喇 ： 關將軍 ， 上 庸 嘅 救兵 唔 嚟 ， 必定 係 劉封 、 孟達 按兵不動 啊 。 我 哋 不如 放棄 呢 座 孤城 ， 直奔 西川 ， 然後 重整旗鼓 再 嚟 收復失地 啦 。 係 ， 我 亦 係 想 噉 樣 。 於是 關雲長 行上 城頭 觀察 下 情況 。 只見 北 門外 便 敵兵 唔 多 ， 就問 當地 啲 居民 話 ： 由 呢 處 去 北便 ， 一路 嘅 地勢 點啊 ？ 關將軍 呀 ， 呢 處 一路 去 都 係 啲 山裏 頭 嘅 小路 ， 誒 可以 行得 去 西川 嘅 。 好 ！ 今晚 就行 呢 條路 。 王甫 勸 佢 嘞 ： 關將軍 ， 呢 啲 小路 崎嶇不平 ， 必定 有 埋伏 㗎 ， 唔 行得 㗎 ， 係 去 就 行 大路 啦 。 我 出征 以來 ， 從未 行過 小路 ， 敵兵 必定 喺 大路 埋伏 嘅 。 小路 實 冇 事 嘅 ， 不必 多疑 ！ 關將軍 ， 請 你 三思 啊 ！ 唔 緊要 ！ 就算 小路 有 埋伏 ， 我 又 怕 佢 咩 呢 ！ 關雲長 立即 下令 ， 馬步軍 兵 整齊 裝束 ， 準備 出 城 。 噉 王甫 喊住 對 關雲長 話 ： 關將軍 ， 你 一路 要 小心 ， 保重 啊 ！ 小將 同 呢 一百幾十 名 士卒 ， 死守 麥城 ！ 就算 城 被 攻破 ， 亦 決不 投降 ！ 就 係 盼 關將軍 你 ， 快快 帶兵 返 嚟 援救 啊 ！ 關雲長 亦 流住 眼淚 同王甫 告別 ， 噉 啊 留低 周倉 同王 甫 喺 處 堅守 麥城 。 佢 自己 呢 ， 就 同 關平 、 趙 累 ， 帶住 二百 幾名 殘兵 就 由 北門 突圍 。 關雲長 一馬當先 ， 橫刀 前進 。 行到 初 更 以後 ， 大約 行 咗 廿幾里 路 啦 ， 只見 前面 山坳 嗰 處 ， 金鼓齊鳴 喊 殺 連天 。 一彪 軍馬 衝到 嚟 嘞 ， 為首 一員大將 乃 係 朱然 ！ 佢 躍 馬挺槍 高聲 大叫 ： 關雲長 你 咪 走 ！ 趁早 投降 免 你 一死 啊 ！ 哎 ， 關雲長 咁 大 個人 都 未 聽過 啲 噉 說話 嘅 嬲 到 佢 呀 ， 拍 馬舞刀 殺 過去 。 朱然 虛晃一槍 就 走 ， 關雲長 趁勢 追殺 。 追 咗 幾里路 ， 突然 間 一聲 鼓響 ， 嗬 四 便 嘅 伏兵 好似 喺 個 地底 鑽出 嚟 噉 ， 一齊 殺出 。 關雲長 唔 敢 打 喇 ， 只 係 向 住 臨 沮 嗰 便 嘅 小路 跑 。 朱然 帶兵 喺 背後 追住 掩殺 過 嚟 。 噉 啊 關雲長 所 帶 嘅 兵 呢 ， 死下 一個 ， 死下 又 一個 ， 漸漸 漸漸 少 嘞 。 行 咗 唔 到 四五里 路 ， 前 便 又 響起 吶喊聲 ， 火把 含含 聲照 到 十分 光猛 。 潘璋 縱 馬舞刀 殺過 嚟 。 關雲長 忍 住手 痛 奮起 神威 揮刀 迎上去 ， 打 咗 三個 回合 ， 潘璋 打敗 咗 走 人 。 關雲長 呢 個 時候 呀 ， 氣力 已經 好差 喇 ， 唔 敢 再 打落 去 就 急急 向 住 啲 山路 行 。 關平 喺 後 便 追 上 嚟 ， 話 趙 累 已經 戰死 喇 噉 。 唉 ， 關雲長 好 淒涼 啊 ！ 佢 叫 關平 押後 ， 自己 喺 前 便 開路 ， 跟 住 佢 嘅 人 呀 ， 就 係 剩返 十 零個 喇 。 行到 決石 呢 個 地方 ， 兩便 都 係 高山 ， 山邊 就 長滿 晒 蘆葦 雜草 樹木 叢生 。 當時 係 五更 過後 ， 正 係 黎明前 嘅 黑暗 啊 。 行行 下 ， 喎 嗬 噉 一聲 吶喊 ， 兩 便 嘅 伏兵 湧出 嚟 ， 長 鉤 套索 一齊 飛 起 。 一下 就將 關雲長 騎 住 嗰 匹 赤兔馬 𠽤 倒 先 ， 噉 啊 關雲長 乒 砰 噉 打個 關斗碌 咗 落馬 。 潘 璋 嘅 部將 馬 忠 一個箭步 衝 上前 ， 噉 啊將 關雲長 捉住 。 關平 知道 阿爹 被 擒 ， 飛快 噉 趕 嚟 救 啦 。 背後 潘璋 、 朱然 帶兵 一齊 嚟 到 ， 四面 圍實 關平 。 關平 孤身 奮戰 ， 終歸 打 到 佢 無 晒 力 亦 都 被 擒 。 要 知道 關雲長 父子 嘅 性命 如何 啊 ， 就 且 聽 下回分解 。